خلك مثل طبعك جميل وتجمل وارحم حبيبً بالهوى كان مغليك..

بارت ٢

فاليل بالديره :
نياف همس لسعود : سعود متى ننحاش
سعود : اصبر اصبر لين ابوي يرقد ونزبن
ابو سعود : وش عندكم انتو يالأثنين مغير تساسرون
سعود : مافينا شي بس نياف ماعنده سالفه
ميلاف : سعود تكفى بكرى بروح لسوق ابي اغراض ناقصتني
سعود : علميني وش هي وبجيبها
ميلاف : بس انا ابغى اروح من زمان ماطلعت وابي اجيب اغراض مانت بعارفها
سعود : لا مافيه
نياف : انا بوديتس ياميلاف
سعود : انا قلت مافيه روحهً ماقلت ماني موديها
نياف : مالك دخل فيها بوديها انا اذا انت ماتبي بكيفك
سعود : يصير خير
ميلاف خافت انه يتهاوشون وقالت : خلاص ماابغى اروح
سعود : يكون ازين اذا مارحتي
نياف : الا بتروحين تبين ولا ماتبين
سعود :انت ماتسمعها تقول ماتبغى تروح
نيافً : انا اعرف ليه عيت
ميلاف : لا خلاص مابي شي
نياف : عادي حتى لو ماتبين بنروح نتمشى
سعود : بدى يعصب وقال بحده : خلاص فكونا
ابو سعود سحب عليهم وراح ينام
نياف ناضر فيه وانسدح على فخذه ويطالع القمر كان نصف الشهر
ميلاف وميهاف راحو ينامون
سعود : نياف وش رايك نسحب عليهم ونروح لضلعنا
نياف : قدام يالعضيد
سعود ونياف خذو عزببة الشاهي وخذو حطب وفرشه وراحو يمشون بشويش عشان مايصحى ابوهم
طلعو من الباب وراحو لضلع الي هو ( الجبل ) مشي لأنه قريب منهم
ورقو فوق وفرشو فرشتهم وسوو شاهي
نياف : سعود ماودك تقولي قصيده
سعود : ماودي بس دامك تبغى مانقول لا بس بشرط
نياف : عيوني لك ياسعود
سعود : انت تقول قصيده وانا اقول موافق ؟
نياف:  موافق بس انت ابدا
سعود تنحنح وقال :
لاتتصل ماني على الصوت شفقان
مرواح جدي جعلك اتلى همومي

ياما فقدنا من حبايب وخلان
بدري على الفرقا ترخي عزومي

ابشرك طيب ورايق وطربان
شفني بعد فرقاك زانت علومي

نياف :
مادامم انا حلمك وجيت وتحققت
وشفيك دايم كل مارحت تبطي

ماخفت ياخذني من ايديك الوقت
ماتدري اان الوقت ياخذ ويعطي

سعود :
تحسب القصيد الهام والله مهوب الهام
قصيدي شعور ماعرف وشهي ابعاده

كتبت ومليت الأرض شعر ووله وهيام
ولا طعت فيك الناس والناس نقاده

يامعذبك وانت تهب حتى مع الأنسام
ويامقساك وانت تغرب الشخص في بلاده

تشوفني وطن واشوفك رحلة استجمام
واشوفك عمر وسنين ماهيب منعاده

معي قلب واحد لو تقسمه خمس اقسام
بحبك بكل اقسامه الخمس وزياده

نياف :
القلب لك خاضع ومنهي ومأمور
ومسجلً باسمك من العام صكه

لاتعذبه عذاب ورعً لعصفور
يعذبه ثم لاسمح من فكه

خلك مع والي تسويه معذور
اظحك ولا ياهوى البال بكه

سعود : صح لسانك يانيافف
نياف : صح بدنك ياشاعرنا
كان سعود كل قصيده قالها يقصد بها الهام طليقته وكان ضايق بس يبي يفضفض بالشعر

نياف : الله يمسح على قلبك ياسعود
سعود : امين يارب وياك

شالو عزبتهم وكانت الساعه ٢اليل
ودخلو البيت بشويش وهم يرقدون وكان نايف يفكر بقلب سعود وضايق من ضيقته