مشهد من الروايه....
ابتلعت انتصار غصه الرعب بصعوبه وهي تشوف ابنها بهاي الحاله جان كاعد بغرفته الضلمه بالكاع وبطل الشرب بيده.. وجان اكو دم يجري من كصته عبالك جان يضرب براسه بالحايط طول الليل...... بس اكثر شيء رعبها هو نضرات عيونه...... كضت عمرها كله تخاف من هاي العيون الشيطانيه بس هالمره هاي العيون جانت ذبلانه هادها الحزن ومليانه دموع من دم ترفض توكع معقوله بت نرجس هيج تسوي بابنها الي الدنيا كلها ترجف منه العذاب الي جان بعيونه خلاها ماتكدر تفتح حلكها بكلمه قدامه بس بقت تباوع عليه لحد ما شافته يحاول يحجي بدون مايبين غصه الوجع الي بيه :راحت..... خذيتوها مني اخيرا ها
انتصار :اي راحت اختك زفيناها قبل شوي
ضحك بعيون تجدح والدم ينكط من كصته بلا توقف :حلوه هاي نصيره..... صدك حلوه وقام بصعوبه ماشي ناحيتها بالقوه نتيجه السكر لحد ما وكف كدامها وابتسم بوجهها المرعوب :اه يا يمه اه وخله كصته على كصتها.... شتكولين اقتلها وخلص لو انهبها وشرد بيها وانعل ابوكم يابو دنيا كلها...... تره كواد وسويها اني... وحق الي رفعهن سبع سماوات انهبها وبن ابوه ليوكفلي
انتصار بخوف وهيه تحاول ادفعها عنها :تسودنت ولك شتنهب هي اختك يا نجس
ابتسم وهيه تضرب بيه هاز راسه بتعب :.. ولج ماعندج قلب.... منين مخلوقه.... دمرتيني نهيتيني..... شوفيني سنين اموت كدامج واني اباوع الها مثل الروحه متعلقه بين اديها.... سنين واني اتعذب عذاب بس الله يدري بيه كم موته متت واني احاول ابتعد قدامج ماخليت شيء ماسويته حتى اطلعها من هذا وضرب صدره بقوه سنين واني كل يوم اريد اطلع سرج واشهر نفسي وطز بالكل علمودها..... وتالي تجين تكليلي اختك....ولج ماعندج رحم وكض راسها جابرها تباوع عليه...... :منين اجت اختي واني ابن زنا ها شني نسيتي.... نسيتي سويتي ونتي على ذمه ابوها نسيتي اني بن منو من ياخيسه حبلتي وجبتيني ولج كضيت عمري واني اتعذب بسببج طبعا اطلع نجس واني ابنج شيء لنضيف لوحيد بحياتي ضاع
قاطعته انتصار بعصبيه :لاتسوي روحك شريف اذا نفضحت اني... انته هم تنفضح وياي....... وبتسمت بشر ياهو ليباوع بوجهك من يعرفون انته ابن حرام رتبتك احترامك كلها ضيع لذا سد حلكك ونجب ولاصير شريف براسي ابو الكحاب لو نسيت سهراتك الحمره مال كل يوم عبالك ماعرف بيهن
ضحك هوه راجع ليوره شويه والله حقج...... صدك حقج........ ياهي لترضه بواحد مثلي بواحد انجس من امه ماكو انجب احسلي..... اكملها سكته مثل قبل وتنهد بوجع اوف..... يايمه اوف وسحب مسدسه مخليه على قلبه بس هذا شيسكته....... راحت المن بعد يدك راحت بس هم يسكت...... اني اسكته الج........
اطلاق نار
أنت تقرأ
ظلمات عشقة
Romanceاحبها لدرجه انه قضى كل ثانيه بحياته يتمنى ان يقتل نفسه بسببها عشقها لدرجه انه كرهها بكل ذره منه كان يتعذب كلما لمحتها عيناه روحه كانت بين يديها تلعب بها كما تشاء ولم تكن تعرف هذا جعلته يرتكب كل اثم كل خطيئه في الكون فقط حتى يبقى بعيدا عنها عشقها لد...
