كالعاده اني شفته وتبسمرت بمكاني كل قطره
دم بيه جمدت من الخوف شكد ما اني وكحه
وصلفه ولساني متبري مني بس اسمع صوته اصير جني عصفور مهلس..... نفس حالتي هسه واني ارجف قدامه اريد ارد عليه الكلام مايطلع مني اسمعه بده صوته يعله وعيونه تحمر وهو يسالني ويامن جنت احجي اريد اكله وي نور ماكو انخرست........ وحقي من كد الضرب الي ضاربني اياه صارت بيه خوفه..... حاله نفسيه بس اشوفه هيج تلاص وضعيتي....... سترك يارب والله مابيه حيل بعد ساعدني يالله يالله... انتي قويه زمرد شجاج قابل هو عزرائيل شبيج شوي وتشاهدين وبدت تشجع نفسها حتى تحجي قبل لا يجيها لراجدي مالته وبالقوه تحرك لسانها شويه :نننننننننننن.... وووو
تريد تكمل وصاح ساحبها من ايدها حيل وايده لثانيه كض بيها رقبتها وعيونه تجدح نار :بت الكلب شبيج تنونوين منو جان وياج احجي لا ادفنج بمكانج..... منو جان يمج.... كح
جاي يكمل جملته والحمد لله نور حجت مقاطعته : هاي شبيك تصيح حمزه تره اني جنت يمها والله وستوها طاردتني قبل لاتجي.....
يمه يابت كلب يالقشمر فديتج من شوكت تجين بالوقت لمناسب اول مره احبج هيج...... الحمد لله ماقصرت ربي...... رايتك بيضه قلت .... وباوعتله بعيون متوسله بلكت يحس بذنب شو هذا بعده كاضني ويباوع على نور بشك شلون الي مامصدكها...... ايا طايح حظ يامريض يابن نصيره تعرف عقله اكيد يعتقد انو جانت تحجي وي ابن جوارين او مسويتلها عمله ابن نصيره بعد.....شيطلع شيخ جامع اكيد افكاره قذره مثله...
الضاهر نور هم فهمته وعرفت بشنو يفكر لانو رجعت حاجته باقناع :تره موبايلي بعده فوك..... بغرفتها نسيته يمها وهذا لرجعني...... اني اسفه معبالي جيتي تسبب مشكله..... بعد التوبه اذا اجيت
ايا مقنعه يابت المقنعه.... ملكه الاقناع فديتج مو اقلكم احبها هالقشمر...... هيه كالت هيج والحمد لله هدئ الثور لهايج ملامحه رجعت طبيعيه امبارك صدقهن هسه..... اوف ان بعض الضن اثم يابن نصيره...... احسلك هيج تاخذ ذنوب زايده انته ناقص اثام ...... هسه اكيد بده يحس بالذنب ونقهر عليه وراح يعتذر...... اي اكيد هسه يعتذرلي...... بس طبعا كل الي سواه عافها بنكته قويه وحاجه نور كانو هيه ماموجوده اصلا : لا خويه لا مشكله ولاشي هذا بيتج شوكت متردين الباب مفتوح....... بس اني جنت منبه على هاي ما توصل عتبه لحديقه لهذا عصبت شويه مصار شيء لايضل بالج......ادخلي اخذي موبايلج خويه..... وباوع لزمرد بنضرات بعدهي تجدح ونتي من تخلصين صبيلي سم وراي رجعه للدوام بعد نص ساعه
ابتسمت زمرد بداخلها ودنكت حتى مايشوف لكسره الي بعيونها مجاوبته بحاضر بسرعه..... حتى يروح و تخلص منه ومن شوفته ........ مارفعت راسها اله من راح وقتها بس تنهدت بحزن ... عشتو يحس بالذنب هو هذا هم بشر حتى يحس اوف اوف ورفعت راسها لفوك ربي لو تاخذه لو تاخذني صبري وراح يخلص بعد عيني ربي باوعلي وسويلي حل ....... ولتفتت نور الي جانت تباوع عليها بقهر وحزن على وضعها : ها شكو شعدج جاي تلطمين..... ياله عزلنه روحي اخذي موبايلج ونقلعي مالي خلكج
أنت تقرأ
ظلمات عشقة
Romanceاحبها لدرجه انه قضى كل ثانيه بحياته يتمنى ان يقتل نفسه بسببها عشقها لدرجه انه كرهها بكل ذره منه كان يتعذب كلما لمحتها عيناه روحه كانت بين يديها تلعب بها كما تشاء ولم تكن تعرف هذا جعلته يرتكب كل اثم كل خطيئه في الكون فقط حتى يبقى بعيدا عنها عشقها لد...
