خرب حضي
الناس اول ماتفتح عيونها الصبح تبتسم تكول صباح الخير لنفسها تحمد رب العالمين وتتمنى يوم حلو.... هيج تكعد مبتسمه وحابه الحياه اما اني خرب حضي تطلع تلقائيا مني اول ما افتح عيوني هيج حلكي مبرمج عليها بس تره هم حقي الي عايش عيشتي لمفروض اول مايكعد يتفل على سقف حتى تفله ترجع عليه ليش هيج يارب .........اهو راح ابدي اللطم مالي خلك ليوم انعي حياتي من صبح لذا اخذت نفس عميق حامده رب العالمين على كل حال وكمت بدلت بسرعه حتى انزل احضر الفطور قبل لايكعدون اعداء الله واترزل....... حسبي الله ونعم الوكيل بيكم انشاء الله سم وزقنبوت يارب يصير بيكم دوده وعقارب ببطونكم كل هاي الدعاوي قالتها زمرد وهيه تحضر الريوق ولو بيدها وما تستحرم جان سممت الاكل وخلصت الكره الارضيه منهم....... اوف... اوف.... اوف هسه لو امي بعدهي عايشه هذا حالي عايشه خدامه بيت ابوي لا والله لو موجوده جان حركت لبيت عليهم امي ياسمين جانت مره بالف رجال قويه وحلوه ولسانها محد يقدر عليه جانت اذا تعاركت تبجي لقدامها بلسانها المسموم هيه وابوي ولد عم حبها من صغر وتزوجو وحياتهم جانت كلش حلوه بعد سنه من زواجهم حبلت باخوي الجبير احمد يمه فديته حمودي ماخذ حنيه امي عليه لوحيد بهذا لبيت ليحبني صدك..... لمهم وين جنه اي امي جابت احمد وابوي تغير عليها مليون درجه كلش نقلب عليها طنطل حاولت بكل طريقه تكسبه من جديد وتعرف شبيه ماعرفت......لحد ما بيوم من الايام اكتشفت السبب.... احمد جان عمره سنه وحده ودخل عليها ابوي متزوج انتصار........ اه انتصار وماادراك ماانتصار هاي وحده بس الله يقدر عليها لمنطقه كلها صايحه الغوث منها استغفر الله حسب كلام امي الي نقلته الي خالتي... جانت وحده لعوب على قولتها اختصاص اغراء مسودنه الزلم وضاهر سودنت ابوي لانو حارب دنيا حتى يتقبلونها اهله وامي وبعد مشاكل طويله رضت امي بالامر لواقع خصوصا انو انتصار وره اشهر حبلت وجابت اخوي ثاني حمزه وهذا لاتكفي الكلمات كي يوصف تقدرون تكولون سبب طيحان حظي هوه وين جنه اي خلي اكمل امي رضت بزواجه وعاشن بيت واحد وبتدت لمصارعات سنين وهنه يتعاركن وامي جانت لوحيده الي تقدر عليها حسب كلام احمد جانت امي كلما تتعارك وياها تغسلها غسل وتشرها على الحبل هيه وكرامتها......... ووره عشر سنين قررت امي ان تحبل حتى تضوج انتصار فحبلت بيه وجيت اني للدنيا فديتني لو ضاله بطن امي احسلي على كل حال للاسف ولحضي لفكر امي جابتني منا وماتت ماقدرت تتحمل طلوقها بيه جان حيل صعب سمتني باسمي وماتت جان لمفروض يسموني بومه مو زمرد راحت لوالده ....... عافتني وحدي ل انتصار وابنها......... وماقصرو عيشوني عيشه بس الله يدري بيها ضلم بضلم.... اخوي احمد ملتهي وي ابوي طول لوكت وستفردت هيه بيه حصره عليه القمه ولبسه جنت صغيره وماقدر ادافع عن نفسي لذا انتهزت الفرصه طلعت بيه لسوته امي بيها انتقمت انتقام وقدام ابوي وخواني تسوي روحها ملاك وتموت عليه طفولتي جانت جحيم لحد ماكبرت وتعلمت اخذ حقي منها الحمد لله ورثت عن امي لسانها وقوتها ضليت مااسكت ارادد وماخاف منها ابد لهذا كفت عني صح ضلت تعاملني مثل الخدامه بس ارحم من عيشه قبل بهواي ياله لفقير مايعيش تنهدت راجعه من ذكريات لماضي على صوت...... نصيره وهيه تدخل المطبخ كالعاده بابهى حله بشرفكم ياهو اله خلك يتمكيج ويسرح شعره ويلبس فستان بيه لمع من صبح نوب والله الوان تلبس على يوم انعمي مو ذوق مصيبه..... نوب ولا تكبر هسه هاي هم خلقه وحده عمرها بالاربعينات الشعر احمر وزنود طالعه ولحمره تارسه الحلك والعيون مكحله وعدساتها مال جلاب هاسكي.... ابوي صدك ذوقه سزز.....نوب يحبها لحد هسه يموت عليها..... زربه على هيج حب..... كبر اي والله كبر
أنت تقرأ
ظلمات عشقة
Romanceاحبها لدرجه انه قضى كل ثانيه بحياته يتمنى ان يقتل نفسه بسببها عشقها لدرجه انه كرهها بكل ذره منه كان يتعذب كلما لمحتها عيناه روحه كانت بين يديها تلعب بها كما تشاء ولم تكن تعرف هذا جعلته يرتكب كل اثم كل خطيئه في الكون فقط حتى يبقى بعيدا عنها عشقها لد...
