النبي محمد(ص)

1

"النَبي محمد" انولد بَـ عَصر الجاهليه ، يعني عصر كُلش تعبان ، بالبداية خلي احجيلكم شنو يعني عصر الجاهليه ، عصر الجاهليه سمو بَـ هذا الاسم ، لان عصر جان مليان جَهل! العرب الي جانوا عايشين بَـ هاي الفترة همة ناس جَهله ، جانت الناس بَـ ذيج الفترة ، يعبدون اصنام ! وبعضهم يعبد النار يعني بختصار ميعترفون بـَ شيء الله! وجانت الناس بَـ هاي الفترة تصير بينهم حروب ونزاعات ، ويقتلون بالعالم ، ويدوسون على الفَقير! فَـ العرب جانوا هَمج درجة اولى ، والناس الاغنياء جانوا عايشين بَـ هاي الفترة
مَـجانوا يحترمون الفَقير ، وجانوا يشغلوهم عَبيد! ، خصوصاً الي بشرتهم سوداء ! ، جانوا يشغلوهم خدم ، بختصار الفقير ما أله اي حقوق! حتى النِساء بَـ ذيج الفترة ، جانوا يحتقروهن! ،،، انولد النَبي مُحمد سَنة 571 ميلادي تحديداً ، بَـ مكة المكرمة ، ام النبي محمد اسمها امنة بنت وهب وابو اسمة عبدالله ، هذا عبدالله ابو النبي محمد ، اتمرض ومات قبل لا النبي ينولد! ، وللأسف مالحك يشوف ابنة! اكو احاديث تكول ام النبي محمد من صارت حامل بالنبي ، من ولدته ما حست بأي ألم! ،ولا حست بالحمل! ، ام النبي من ولدت تكول سمعت صوت بأذاني يصيح ، وضعت خير البشر فَعوذية بالواحد الصَمد ، من شر كُل باغً وحاسد ، فَـ انولد النَبي ، وهوَ يتيم الاب ، منو سمة النبي محمد بَـ هذا الاسم؟، وليش اختاروله هذا الاسم؟ ، اكو روايات تكول ، انُ جد النَبي مُحمد ، الي اسمة عبد المطلب ، حَلم، حِلم ، بَـ هذا الحلم انُ على اساس اجا واحد ، وكله لازم ، تسمي ابنك بَـ هذا الاسم! ، واكو روايات تكول ام النبي محمد ، هيه الي حلمت بَـ هذا الاسم ، حتى من اختاروله هذا الاسم، الناس الي جانت عايشه بَـ مكة ، وخصوصاً المشركين ، استغربوا مَن اسمة! ، كالو شنو هذا الاسم؟ ، وشنو معناه ، بَـشكل عام رب العالمين هوَ الي اختارله هَذا الاسم ، واكو روايات تكول ، رب العالمين سَمة بَـ هذا الاسم حتى قبل مايخلق ادم! ، حتى ادم مَن انخلق شاف اسم محمد مكتوب على عرش رب العالمين! ، وشاف اسمة مكتوب على هواي اشياء بالجنة ، قبل مكة جانوا هواي ناس يجوها ، من كُل البلدان ، جانت مكة بيئة كُلش تعبانه ، كُلهم ناس كَفره ، فَـ العرب الزينين ، من جان يصير عدهم ولد ، يدزو لمكان اسمة الباديه ، هاي البادية مكان معزول عن مكة ، مابي غير بس عرب ، يعني ، مكان ما ملوث بالناس الكفره ، اكل زين ، شرب زين ، اخلاقهم زينة ، فصيحين اللسان ، فَـ جانوا يدزون الاطفال هناك وهمَ رضع يعني صغار وتتكفلهم مربية مُرضعة ، فَـ النبي محمد اول ما انولد ، دزو لـ هاي البادية ، هاي البادية بيها مرضعات يرضعن الاطفال ، بوقتها جانت اكو وحدة اسمها حليمة السعدية ، مرة هيه وزوجها وابنها فقراء ، هاي جانت تفتر بَـ مكة ، تدور على اطفال ترضعهم ، بَـ مقابل مادي ! ، اكو روايات تكول ، انُ النَبي مُحمد ، اول ما انولد ، يا مرضعة تجي متقبل ترضعة ، لان يتيم! ، فَـ يخافون يرضعوا لان ماعنده اهل ومراح ينطوهن فلوس! ، لحد ما اجت حليمة السعدية ، وافقت! ، فَـ اخذتة حليمة للبادية ، ويوم ورى يوم اتعلقت بي كُلش! ، فَـ من يوم الي اخذته وكامت ترضع بي ، كامت تلاحظ الخير بدأ يجيها بشكل مو طبيعي ومضاعف ! ، رب العالمين رزقها رزق مو طبيعي ، لحد ما كبر النبي محمد شويه ، رجعتة لـ أمة ، ورى فترة قصيرة ، اتوفت ام النبي محمد ، ومن ماتت ام النبي ، جان النبي محمد تقريباً عمرة 6 سَنوات ، فَـ بقى النَبي مُحمد لا أب ولا أم ! ، فَـ عاش طفولتة ويا جده عبد المطلب ، عبد المطلب جان سيد من اسياد مكة ، فَـ النبي محمد عاش طفولته ويا ، لحد ما مرت فترة واتمرض جد النبي محمد ، فَـ حس انُ هوَ راح يموت ، فَـ فعلاً ، قرر يدز الرسول لـَ عمة ، الي هوَ اسمة ابو طالب ، الي هوَ يصير ابُ الامام علي(ع) ، فَـ مَن صار عمر الرسول 8 سَنوات ، جد النَبي، طفولة الرسول حزينة جداً ، اكو روايات تكول رب العالمين يعتني بَـ النَبي مُحمد يدز ملائكة تعتني بي ، فَـ عموماً ، الرسول بقى عايش ويا عمة ابو طالب ، وعمة جان كُلش معتني بي ، يعني جان حتى مفضله على اولادة ، النبي محمد جانت طفولتة تختلف عن بقية الاطفال ، يعني الطفل ، الي عمرة 8 سَنوات ، او 9 سَنوات ، او 10 سَنوات ، عادتاً يلعب ويركض ويكمز ، بينما الرسول مجان هيجي جان كُلش هادئ ، ولسانه فَصيح كُلش ، وعاقل لدرجة اعقل من كومة ناس كبار بالعمر ، اكو حديث للأمام علي(ع) يكول ، (لقد وكل الله لنبيهِ ملكاً ، مَن اعظم الملائكة ، يسلك بهِ مسالك مكارم الاخلاق )، لحد ما النَبي مُحمد كبر وصار شاب ، قرر يشتغل ويصرف على نفسه ، لان عمة ابو طالب ، صح جان سيد من اسياد مكة ، بَس جان من ناحية الماده ما متمكن كُلش ، وخصوصاً عمة جان عنده هواي اولاد وبنات ، فَـ النَبي جان يحس بَـ هذا الشيء ، لـَ هذا السبب قرر يشتغل ويعتمد على نفسة ، واول ما اشتغل ، اشتغل بالتجارة ، التجارة جانت بـَ ذاك الوكت ، يسموها المضاربه ، معناها شِنو؟ ، يعني ، مثلاً اني عندي فلوس ، انطيها الك ، وانتَ تشتغل بيها ، وتكسب من وراها ونتقاسم اني وياك بيهن ، يعني الرسول جان ياخذ فلوس من شخص ، يشتري بيها او يستورد ، او يبيع ، والارباح تنقسم بين صاحب الفلوس والرسول ، فَـ الرسول بدا يشتغل بَـ هاي الشغلة ، بَـ هاي الاثناء ، اكو امرأة اسمها ، خديجة بنت خويلد ، هاي المرأة جانت من سيدات مكة ، واشرفهن بَـ ذاك الوكت ، حتى بَـ عصر الجاهليه ، جانوا يلقبوها بَـ الطاهره ، رغم الفساد الي جان منتشر ، فَـ خديجة من شافت الرسول ، طلبت انُ تتزوجة ! ، يعني تخيل هيه الي طلبت الزواج منه ! بوقتها هيه ايضاً جانت تشتغل بَـ التجارة ، وجانت صاحبة اموال ، شلون تزوجت الرسول ، شوف اكو روايات تكول ، انُ خديجة من شافت الرسول ، وتعاملت ويا ، بَـ التجاره انعجبت بَـ أمانته وبَـ اخلاقة ، وبقت تسأل عليه وسمعت هواي كلام زين عنة ، فَـ قررت تشغل فلوسها يمة ، فَـ من كثر ما شافتة امين وصادق وهوَ اصلاً مُلقب بَـ الصادق الامين ، طلبت الزواج منة ، وفعلاً اتزوجها الرسول ، اما اكو رواية ثانيه تكول ، خديجة جانت تعرف راح يجي نَبي ، وخصوصاً بـَ هاي الفتره ، لان بكُل الاديان مذكور بَـ كتبهم ، راح يجي نبي ، حتى صفاته وملامحة ، مذكوره لان الانبياء جانوا موصين الناس راح يجي هيج نبي من بعدي وهوَ خاتم الانبياء فَـ كُلها تعرف ، بالقران الكريم بسم الله الرحمن الرحيم(الَّذِينَ آتَيْنَاهُمُ الْكِتَابَ يَعْرِفُونَهُ كَمَا يَعْرِفُونَ أَبْنَاءَهُمْ ۖ وَإِنَّ فَرِيقًا مِنْهُمْ لَيَكْتُمُونَ الْحَقَّ وَهُمْ يَعْلَمُونَ)صدق الله العلي العظيم، فَـ البعض من الاديان جانوا يحجون بصفات النبي محمد ، وكُل هاي الصفات تنطبق على النبي محمد ، همة جانوا متحمسين ، جانوا معتقدين بقية الاديان مثل اليهود ، جانوا معتقدين هذا اخر الانبياء ، من راح يجي ، راح ينتمي الهم ، يعني راح يصير على ديانتهم ، ويكمل مسيرة دينهم ، مجانوا متصورين راح يجي نبي ويأسس دين جديد ، الي هوَ الدين الاسلامي ، اما بقية الناس الي عايشين بَـ مكة مجانوا يصدكون جان الحجي يطب منا يطلع منا ممهتمين! ، فَـ على حسب الرواية خديجة جانت منتظره هذا الشيء ، فَـ من شافت كُل الصفات بي قررت تزوجة ، طبعاً بَـ هاي الفترة من جان النبي يشتغل بَـ التجاره جان عمره 20 سَنة ، فَـ مثل ماكلت خديجة طلبت الزواج من الرسول ، فَـ فعلاً قرر الرسول يزوجها ، فَـ من اتزوجها الرسول هيه جانت السند اله والداعم ، فَـ النبي محمد اجه رحمة للناس ، بسم الله الرحمن الرحيم(وَمَا أَرْسَلْنَاكَ إِلَّا رَحْمَةً لِلْعَالَمِينَ) صدق الله العلي العظيم، فَـ من اتزوجها خلف منها اولاد ،