النبي محمد(ص)

2

اول واحد خلفه منها ولد اسمه القاسم ، لـَ هذا السبب يسمو ابا القاسم ، بعدين ولد اسمة عبد الله ، بعدين رقية وزينب ، وام كلثوم ، واخر شي فاطمة الزهراء(ع) ، على فكرة النبي محمد ، ابائه واجداده ، بَـ ذيج الفتره مجانوا يعبدون اصنام ، جانوا موحدين لله ، وجانوا يتبعون دين النبي ابراهيم ، فَـ جان النبي محمد يعزل نفسه بمكان اسمة غار حراء ، مثل الكهف فوك الجبل ، جان يفوت بي الرسول ويبقى بي ساعات ، كاعد يفكر ويتأمل بالخالق ، ويعبد رب العالمين ويفكر شلون انخلق الكون والسماء والطبيعه فَـ فجأه نزل عليه ملك! اسمة جبرائيل ، اول ما نزل عليه كله ، يا رسول الله ، رد عليه النبي محمد وكله من انت؟ ، كله انا جبرائيل ، ارسلني اليك الله ، ليتخذك رسولاً ، من هنا عرف النبي محمد ، انُ هوَ ، خاتم الانبياء ، فَـ بَـهاي الفتره ، بدا جبرائيل يعلم النبي محمد ، يعلمة الوضوء ، يعلمة الصلاة ، فَـ الرسول اول ما رجع للبيت ، اول ما حجة حجة لزوجتة خديجة ، فَـ خديجة كلتله اشهدُ انَ لا أله الا الله واشهدُ انَ مُحمدً رسول الله ، فَـ هيه اول انسانه اسلمت والروايات تكول دخل الامام علي (ع) الهم وشاف الرسول يصلي ، فَـ كله يا ابا القاسم ، ما هذا؟، فَـ كله هذهِ الصلاة ، التي امرني بها الله ، فَـ الامام علي (ع) كله اشهدُ ان لا أله الا الله واشهدُ انكَ مُحمدً رسول الله ، وصله ويا ، وجانت زوجتة خديجة ، تصلي وراهم ، واكو رواية ثانيه قريتها تكول ، انُ الرسول من جان بالكهف ، نزل عليه وحي الي اسمة جبرائيل ، فَـ كله يا مُحمد ، اقرأ الرسول كله وما اقرأ؟ ، كله بسم الله الرحمن الرحيم(اقْرَأْ بِاسْمِ رَبِّكَ الَّذِي خَلَقَ خَلَقَ الْإِنْسَانَ مِنْ عَلَقٍ اقْرَأْ وَرَبُّكَ الْأَكْرَمُ الَّذِي عَلَّمَ بِالْقَلَمِ عَلَّمَ الْإِنْسَانَ مَا لَمْ يَعْلَمْ) صدق الله العلي العظيم  ، نزل النبي محمد من الجبل ، وأول ما نزل فقد وعيه ، من عظمة الله ، الرسول بَـ هاي الفتره ، جان خايف لا يكذبو الناس ، ومحد يصدك بي ، لان مثل ماكتلكم عايش بَـ بيئه ناس جهله وكفار ، النبي محمد اكثر نبي تعب ، من عرف نفسه مكلف بَـ الرساله ، وعرف نفسه نبي ، بالبداية قرر يكول بس للاصدقاء والمقربين ، مراد الناس كُلها تعرف مرادها علني ، فَـ كعد يحجي عن الدين الاسلامي وينصح ويعلم ، لكن بشكل سري لمدة 3 سَنوات ، بَـ هاي الـ 3 سَنوات ، بدا يجمع ناس ويكون مسلمين اكثر! ، حتى بعدها يستعد ويعلن عن الدين الاسلامي ، طبعاً الامام علي (ع) ، جان بَـ هاي الفَترة دائماً ويا الرسول، حتى اكو روايات تَكول ، انُ جان يَسمع كَلام ، الوحي الي ينزل على النبي(ص) ، فَـ اكو حَديث ، للرَسول يَكول ( ياعلي انكَ تسمع ما اسمع وترى ما ارى ، ولكنكَ ، لستَ بَـ نبي،) شوف شكد الامام علي (ع) قريب على رسول الله(ص) ! ومنزلتة شكد عَظيمة مَن بعد الرسول(ص) ، بحيث حتى يسمع الوحي شيكول للنبي ، عموماً بَـ هاي الفَترة ، نزل جبرائيل عَلى الرسول ، وكله هسه لازم تعلن عن الدين الاسلامي بَـشكل عَلني ! ، فَـ نزلت هاي الاية ، بسم الله الرحمن الرحيم(يَا أَيُّهَا الْمُدَّثِّرُ قُمْ فَأَنْذِرْ وَرَبَّكَ فَكَبِّرْ ) صدق الله العلي العظيم ، واكو اية ثانيه تكول ، بسم الله الرحمن الرحيم(إِنَّا سَنُلْقِي عَلَيْكَ قَوْلًا ثَقِيلًا) صدق الله العلي العظيم ، وهنا بدا الرسول يعلن عَن الدين الاسلامي ، بَـشكل عَلني ، مَن بدا النَبي مُحمد يعلن عَن الاسلام ، الكفار الي جانوا عايشين بَـ مكة ، مَجانوا مَهتمين! ، لأن هما جانوا بَـ فترة بيها كومة اديان ، ناس تعبد اصنام ناس تعبد نار ناس تعبد شمس ناس تعبد بقر ! وكومة اديان ، وكومة ناس جَـهـلـه! ، فَـ مجانوا مَهتمين للرسول ! ، يعني مِن جان الرسول يخطب بالناس عَلى الاسلام ، ويكلهم اني نَبي ، وَرب العالمين دزني عَلمود اهديكم الى الطريق الصحيح مَجانوا مَهتمين ، فَـ مَن جان الرسول يخطب بالناس ، يَضحكون عَليه ! ، ويكولون هَذا مَجنون ! ، فَـ محد مهتم النَبي محمد واجبة ينشر الاسلام لكن واجبة ايضاً يهدم الاصنام ! ، فَـ هنا مَن شافوا الرسول ، يستهزئ بَـ ألِهَتهُم ، ويطعن بيها ، شَدو وَيا ! ، بَس هَما بَـ الواقع ، مَـجان عَدهم مانع! ، يعني خلي يسوي دين براحته ، حاله حال بَاقي الاديان ، بَس الي ضَوجهم ، انُ الرَسول ، ديسَقط بَـ ألِهَتهُم ، وَهَذا الي خَبلهم ! ، فَـ الناس بدات تَقتنع بالرسول ، وبدات تقتنع بالدين الاسلامي ! ، وبدا عدد الدين الاسلامي يزيد شوية شوية ! ، جان عَدهم صَنم ، يَبيعوا لَلناس ، والشخص الي مَـجان عدهم فَلوس ، يَشتري صَنم ، جان يَصنعة مِن ، التَمر ! ، وهذا الشخص الي صَنع الصَنم مِن التَمر ، مِن يجوع ياكله ! ، يعني جان الي يجوع ياكل ربة ! ، فَـ جانت الناس هيجِ عَقلياتهم ! ، فَـ مِن شافوا النبي جاي يدعي أله واحد ، ومن شافو ميفرق بين انسان وانسان ، ويحترم العَبيد ، الناس الفَقرة كيفت ، وأمنت بي ، هنا الكفار بَـ مكة خافوا ، حَسوا اكو تَهديد على مكانهم ، لان همة جانوا مسوين الكعبة ، معبد مال اصنام ! ، وجانوا مستَفادين مَن هذا الشيء ، لان جانت الناس ، الي تعبد هاي الاصنام ، تروح تجيب ذبايح ، وحيوانات ، وفلوس ، وين تخليها؟ ، يم الاصنام ، حتى هاي الاصنام ، انُ تحققلهم الي يريدوا ! ، وهذولَ الكفار ، جانوا مَستفادين مَن هاي الشغلات ! ، انُ يلمون هاي الفلوس والاكل الي يتبرعون بيها الناس للأصنام ! ، فَـ مثل ما كتلكم ، حَسوا بَتهديد على مكانهم ! ، وعلى مكانتهم ، فَـ الكفار ، مَن شافوا النَبي هيجِ ، راحوا عَلى عَم النَبي، الي هوا ، ابو طالب ، فَـ رادوا يقنع الرسول ، انُ يعوف هَذا الشيء ، لانُ هُمة ، مَـجانوا مَعتَقدين ، انُ النَبي مُحمد ، صاحب رسالة ! عَبالهم ، انسان يريد يحصل سُلطة! ، واسم ، ويشتهر ، فَـ راحوا الكفار لَـ عم الرسول ، فَـ كلوله روح لمُحمد ، كُلة ، اذا يريد مَنصب ، ننطي ، واذا يريد فلوس ننطي ، عبالهم النبي مُحمد راح يقتنع وعمة ابو طالب راح يقنع النَبي ، بَس الرسول شَنو رَد عَلى عَمة؟ ، كله (يا عم واللهِ ، لو وضعوا الشمس في يميني والقمر في يساري ، على ان اترك هذا الامر حتى يُظهره الله او اهلك دونة)، فَـ النَبي مُحمد رفض ، فَـ هنا بدوا يعادون النَبي ، النَبي مُحمد عَنده عَم ثاني اسمة ابو لهب ! ، هذا عمة جان كافر من كفار قريش ! ، فَـ قرروا يستغلون هذا ، انُ يقنع الناس ، على انُ النَبي مُحمد مو نبي ! ، فَـ جان الرسول يمشي ويدعو الناس للاسلام ، وعمة ابو لهب ورى يكول " لا تصدقوا ابنَ اخي ، فأنهُ كاذب ومَجنون!" ، بَس الرَسول مَجان يرد ! ، لانُ الرسول اخلاقة جانت كُلش عالية ، وهاي الأخلاق هيَ الي خلت الناس ، يؤمنون بالرسول ! ، وبرسالتة ، فَـ النبي مَجانت مُهنته يدافع عن نَفسه ، لان كُل يوصل الرسالة الي أمره بيها رب العالمين ، ويبعد الناس عن عبادة الاصنام ، فَـ جان النَبي ، مَن يمشي بالشارع يسبون بي !!! ، ويشمرون عليه حجار ، ويسمع ابشع الألفاظ ! ، بَس الرسول دائماً جان يكول هاي العبارة ، (اللهُمَ اهدِ قومي فأنهُم لا يَعلمون ) ، يعني هُمة يأذوا وهوَ يدعيلهم ! ، كُل الانبياء ، دَعوا عَلى اقوامهم ، الا النَبي مُحمد ، جان يدعيلهم ، فَـ الكفار بَـ هاي الفَترة ، ميسكتون! ، واذا شافوا شخص صار مُسلم ياخذوا ويجلدوا ! ، وميعوفوا الا يكفر ويشتم أله مُحمد ! ، وهوايَ قتلوا ناس مالها ذَنب ! ، وهواي ناس اتأذت بَـ ذيج الفَترة ، بيهم الي قتلو امة وابو ، علمود يعوف الدين الاسلامي،مثل عَمار ابن ياسر ! ، قتلوا امة وابو كدام عينه ! ، او مثل بلال الحبشي ، هذا بلال عبد يشتغل ، عند الكفار ، مَن عرفوا بي صار مُسلم ، كاموا ينيمو على الكاع ويحطون على صدرة صخور جبيره ! ، النَبي مُحمد حرر العَبيد ، خَله كُل العَبيد ميقبلون بالخَضوع والذل ! ، خَله عدهم كرامة ، فَـ الدين الاسلامي مِن نَزل الناس اقتنعت بي ، لان هوَ دين حرية ، دين مساواة، خله الناس تعرف ماكو فرق بين الغني والفَقير ، الناس العَبيد هُمَ اكثر ناس أمنوا بالرسول ، فَـ الكفار ، عذبوا المسلمين حتى بالسوك ، كاموا لا يشترون منهم ولا يبيعولهم ، بَـ مكة ، جان اكو سوك ، اسمه سوك ،عِكاظ ، هذا السوك كُلش جَبير ، فَـ جان يجي هواي من كُل البلدان ، فَـ الرسول استغل هذا الشيء واستغل هاي التجمعات ، عَلمود ينشر الدعوة الاسلامية ، فَـ مثل مَـكتلكم ،يعني الكفار مناك يأذون بالمسلمين ، والمسلمين ميردون عَليهم ، ميكدرون يسوولهم شيء ! ، اعدادهم مو جبيرة مثلهم ، والرسول ، كايللهم لا تحاربوهم لحد ، ما أمرهم الرسول ، انُ يهاجرون ، يعوفون مَكة ، قرروا يهاجرون للحَبشة ، الحبشة هيَ مدينة جانت موجوده سابقاً ، موجوده هسه باثيوبيا ، قرروا المسلمين يرحون للحَبشة ، الكفار من عرفوا بالمسلمين ، راح يرحون للحَبشة ، دزوا ، ناس قبلهم تخرب عليهم! ، هاي الحَبشة جان بيها حاكم مَسيحي ، اسمة النجاشي ، يحكم هناك ، فَـ الكفار ، قرروا يحجون بدماغ هَذا الحاكم ، حتى يطرد المسلمين ، مَن الحبشة ، فَـ مِن اجو المُسلمين ، الي دزهم الرَسول ، لهذا الملك ، الملك جان غاضب! ، لان هذولَ الكفار ، كلوله حجي يسيء للدين المَسيحي ، كله ترى هذولِ المسلمين يحجون على الدين المسيحي ، ويحجون على النَبي عيسى ! ، فَـ فعلاً اجو المسلمين ، على هذا الملك ، فَـ كللهم ، احجولي شنو هوَ دينكم؟ ، وانتم صدك تحجون على الدين المَسيحي ؟ ، فرددوا عليه المسلمين هاي الاية بسم الله الرحمن الرحيم(وَاذْكُرْ فِي الْكِتَابِ مَرْيَمَ إِذِ انْتَبَذَتْ مِنْ أَهْلِهَا مَكَانًا شَرْقِيًّا فَاتَّخَذَتْ مِنْ دُونِهِمْ حِجَابًا فَأَرْسَلْنَا إِلَيْهَا رُوحَنَا فَتَمَثَّلَ لَهَا بَشَرًا سَوِيًّا قَالَتْ إِنِّي أَعُوذُ بِالرَّحْمَٰنِ مِنْكَ إِنْ كُنْتَ تَقِيًّا قَالَ إِنَّمَا أَنَا رَسُولُ رَبِّكِ لِأَهَبَ لَكِ غُلَامًا زَكِيًّا) صدق الله العلي العظيم ، وهاي الآية تخص مَريم العَذراء ، والنبي عيسى ، والقصة مالتهم كُلها مَذكورة بالقران الكريم ، فَـ من سمعها ملك الحبشه كام يبجي ! ، ورفض يطرد المسلمين ويسلمهم للمشركين ، من سمعوا المشركين بَـ الشيء ، زادوا حقد بالزايد ! ، بَـ هاي الفَترة ، وبَـ هاي الاحداث ، اتوفى عَم النبي وزوجة النَبي (عام الحزن) ، وهاي جانت اصعب سنة تمر على النَبي مُحمد ، خصوصاً زوجتة خديجة جان كُلش يحبها ، وعمة الي هوا مربي! ، والمشكله عم النَبي الي جان هوا يحمي! ، مِن الكُفار ، فَـ هنا ، الكفار قرروا يقتلون النَبي مُحمد ، فَـ كاموا يطلعون اقتراحات ! ، بيهم كال نحبسه لحد ما يموت وبيهم كال ، نشمرة بالصحراء لحد ما يموت من العطش ، بَس جانوا خايفين مِن عَشيرة النَبي ، لا تنتَقم اله ! ، فَـ كالوا ، خلي نأجر عَشر اشخاص ، مِن كُل قَبيلة ، او من كُل عشيرة شخص ، ونخليهم كُلهم يقتلوا بَـ ضربة وحدة ، علمود القتل مالته ، يتفرق بين القبائل ، وميكدرون ياخذون ثارة ، لان راح تواجهُم اكثر من عشيرة ، وَبَـ هاي الحاله راح يتخلصون منة ، رب العالمين ميعبر عليه شيء ! ، فَـ بلغ الرسول ، بَـ هذا الشيء ، وكله لازم تهاجر من مكة وتروح لغير مَكان ! ، فَـ النَبي طَلب مِن الامام عَـلــي(ع) ، انُ يكون بَـ مكانة بالبيت ! ، وينام على فراشة بَـ هاي الليلة ، حتى الناس تعتقد انُ النَبي بَعده ، ونايم ومَمهاجر ، فَـ فعلاً ، صارت الخطه بَـ هذا الشَكل ، النَبي مُحمد قرر يهاجر ويروح للمدينة المنورة ،