ضحية رحلت في الحب

Part 22

كاتبة: نرجس الخالدي

ضحية رحلت في الحب

Part«22»

ࢪَوحـي يـمـكُ وانـهَ بـاقـي بـلايـه ࢪوحَ..

♡&&♡&&♡&&♡&&♡&&♡

زهراء: كعدت ثاني يوم احسن من البارحه مجتبى مو يمي هستوني اريد اكوم واندك باب الغرفه صحت اتفضل دخلت رويده وفخر بيدهن جنط هواي مال سفر واني اعرف المن هاي جنط ڪالت رويده

رويده: صباح الخير ياحلو

زهراء: صباح النور

رويده: هذني جنط مالتج

زهراء: منو جابهن

رويده: ماعرف ولد ماعرفه

زهراء: نفسهم البارحه شفتيهم

رويده: لا غيرهم...... ويلا تعالي انزلي تريكي واعرفج على عائلتنا الكريمه

زهراء: ابتسمت الها وكتلها بس اسبح واجي

فخر: يلا بسرعه اني هم جوعانه ماتريكت متانيتج(منتظرتج)

زهراء: هزيت راسي بمعنى "اي" وابتسمت دخلن الجنط وطلعن زفرت نفس بغصه اشتقيت لاهلي اريد امي اشتقيت لـ رضا وهند وخالتي شمس اشتقيتلهم كلهم حتى صديقاتي احس سنه مبتعده عنهم واني امس اجيت كمت اخذت ملابس من جنطي ودخلت سبحت غمضت عيوني بغصه واني اشوف جسمي كله ازرك على بنفسجي الماي اليوكع على جسمي يوجعني سبحت وطلعت مشطت شعري ولبست حجاب من رويده ونزلت جوه كلهم ملتمين بصاله نسوان وزلم صغار وكبار نزلت عيني منهم بعدني استحي سحبتني رويده من ايدي لـ مطبخ واجت فخر وياي صبت جاي رويده وطلعت كيمر وصمون واجت حطت كدامي اني وفخر كعدنا ناكل واني كوه ابلع الكمه اكلت شويه وكمت غسلت حجيت وي رويده بشقه

زهراء: شنو شو كلهم ملتمين بصاله شنو عدهم اجتماع

رويده: ههههه لا اني جمعتهم علمود اعرفج عليهم

زهراء: وهذول كلهم تعرفيني عليهم

رويده: ايي والله الله يساعدني ويساعدج منا لـ باجر مايخلصون

زهراء: هههه اي والله كمت غسلت كلاصي وهم خلصت فخر غسلت كلاصها وخلنها بمكانها سحبتني رويده وكالت

رويده: رااح نبدي من جبير لـ صغير يلا نبدء

زهراء: ضحكت بكلبي هههه بنيه عبالك داخله حلبه مصارعه وكفت كدام مريه ورجال كبار وكالت

رويده: هذول اجدادي العاشقين خزروني جدو وجدتي كلت يلاا هذول جدي وجدتي اجيت لـ عمو الجبير وهذا عمو باسل الكبير وهذي زوجته الحلوه منار وهسه نجي لـ عمو لـ يجي وراه عمو باسل عمو محمد وهذي زوجته العزيزه حوراء وهذا عمو احمد وهذي زوجته عفاء وهذا بابا العزيز عباس وهذي ماما العزيزه غفران وهذا عمتي الجميله أنوار وهذا زوجها العزيز جبار وهذي عمتي ثانيه العزيزه بشرى وهذا زوجها أركان