"ဖြန်း....!!"
လွဲရိုက်လိုက်တဲ့အသံက ဖြန်းခနဲမြည်သွားသလို ဘိုရှင်းရဲ့နားပါအူသွားလေတယ်။
မျက်နှာကတစ်ဖက်သို့လည်ထွက်သွားရပြီး ချက်ခြင်းပါးတစ်ဖက်လုံး ထုံထိုင်းသွားရသလို လူကလဲကြမ်းပြင်ပေါ်ပုံလျက်သား...
အိမ်ပြန်ရောက်ခြင်း လာဦးဆိုပြီးအနားခေါ်ကာ ရိုက်လိုက်သည့်မားက ဘယ်တုန်းကမှသူ့အား မရိုက်
ခဲ့ဖူးပေ...အံ့သြမှင်သက်သွားကာ မားမျက်နှာကိုကြည့်လေတော့ နူတ်ခမ်းကိုတင်းတင်းစေ့ကာ စက်စုပ်စွာကြည့်နေပုံက ဘိုရှင်းရင်ထဲ ထိတ်ခနဲ....
" မား... ဘာလို့..."
" မင်းလိုလူက လူလို့ခေါ်ထိုက်သေးရဲ့လား...။ ငါတို့သွန်သင်ဆုံးမခဲ့တာ အခုလိုလူမဆန်တာတွေလုပ်ဖို့အတွက်လား....။ ဘယ်လိုတောင် သားငယ်အပေါ်မင်းလုပ်ရက်ခဲ့ရတာလဲ။ အလိမ်ညာစကားကိုထမင်းစားရေသောက်ပြောပြီး သားငယ်ကိုအထင်လွဲအောင် ကူလီကူမာလုပ်ခဲ့တာ မင်းနဲနဲမှမရှက်ဘူးလား...။ မင်းကြောင့် မင်းကိုယုံကြည်ခဲ့ပြီး သားငယ်အပေါ် ငါ့ပါးစပ်ကမိခင်မပီသတဲ့စကားတွေထွက်ခဲ့ရတာလဲ။ မင်းကြောင့်... အားလုံးမင်းကြောင့်ပဲ..."
ဝမ်မားက ဘိုရှင်း ရင်ဘတ်တွေကိုထုရိုက်ကာ နာနာကြင်ကြင်အော်ပြောနေပုံက သိပ်ကိုခံစားရနေမှန်းသိသာစွာ...
ဝမ်ပါပါးက မိန်းမဖြစ်သူကို စိတ်လျော့စေရန် ဆွဲကာနှစ်သိမ့်လို့ ဘိုရှင်းအား ခုံမှာထိုင်စေကာ ..
" ဖြေစမ်း... အကြောင်းပြချက်ကဘာလဲ...."
ဘိုရှင်းရင်တွေ ပြုတ်ထွက်မတတ်ကြောက်လန့်ခုန်လူပ်နေခဲ့တယ်။
အခြေနေတွေက ငြိမ်နေတယ်ထင်ခဲ့ပေမဲ့ ဘယ်ကဘယ်လို ဒါတွေသိသွားရတာလဲ..." ဖြေလေ...!! ပါးစပ်က ကလိမ်ကကျစ်ထွက်ခဲ့သမျှ ခုမှဘာလို့ပိတ်နေတာလဲ...။ မင်းကိုကြွေးမွေးစောင့်ရှောက်သွန်သင်ခဲ့တာ ခုလိုဖြစ်နေဖို့မဟုတ်ဘူးကွ..."
မဖြေပဲ ခေါင်းသာငုံ့ထားတဲ့ ဘိုရှင်းကို ဝမ်ပါးကအားမရစွာအော်ဟစ်တော့တယ်။
ဘိုရှင်းက လက်သီးကိုဆုပ်ကာ အသက်ဝအောင်ရူလိုက်ပြီး ပါးနဲ့မားမျက်နှာကို ကြည့်ကာ...
YOU ARE READING
My boyfriend is cutie Foolish (Complete)
Fiksi Penggemarမောင်နဲ့ ကျနော့်ကြားမှာ ချစ်ခြင်းတွေပေါက်ဖွားခဲ့တယ် ထင်ပေမဲ့ တစ်ကယ်တမ်း သခင်လေးဘဝနဲ့တော့ မဟုတ်ဘူးပဲ..... ဘာပကာသနမှမပါပဲ ဖြူစင်ရိုးသားစွာ သိပ်ချစ်ခဲ့တာပါ။ ဒါတွေက တစ်ချိန်မှာ မောင့်အတွက် ငွေနဲ့တန်ဖိုးဖြတ်လို့ရသွားလေသလား.... ေမာင္နဲ႕ က်ေနာ့္ၾကားမွာ ခ်စ...