Umaalingawngaw ang samo't saring tunog sa gabing iyon.
May mga boses na tila bumubulong...
Hangi'y tila nagbabadya ng masamang mangyayari sa umagang sumasalubong,
At mga hampas ng alon na sa katahimika'y tila lumalamon.
Sa gitna ng maliwanag na buwan
Kahit sa parolang nagbibigay liwanag sa karagatan,
Hindi nababasag ang kadiliman.
Nalilitong lumakad upang alamin ang mga kaganapan
Sa gitna ng mga tunog, mga kaibiga'y tila hindi man lang naguguluhan
Sa bawat pagyapak ng mga paa pababa ng hagdan
Mas lalong kinakabahan
Isa, dalawa, tatlo...
Yapak ng paa't kabog ng puso'y lalong bumibigat
Apat, lima...
Pababa ng pababa, palakas ng palakas, ang mga bulong ay naisiwalat
"Dinig mo ba kami?
Dinggin kami't wag ikubli"
Naguguluhan kung kinakausap
Ngunit tinig ay tila hindi maisabat
"Nakaw... Mapagkunwari...
Kabutiha'y tuloyan na bang napawi?"
Naaninag ang dalawang tila'y nagdarasal
Naglaho ang mga ingay... mga tinig nila'y biglang namutawi
Nakaluhod, umiiyak na parang nangugumpisal
"Dinggin ang dalanggin,
Parating na ang gitna ng gabi..."
Biglang sumingit ang tunog ng kampana
Nabulabog sa kintatayoa't nahulog ang dalang lampara
Lumingon ng may blangkong ekspresyon ang dalawa
Isa, dalawa, tatlo ...
tunog ng kampana
Apat, lima, anim, pito...
nakatitig lang sila
Walo, siyam, sampu
"Maghahatinggabi na, ibukas ang iyong mga mata nang makita" tugon ng isa
Labing-isa, labing-dalawa
"Hatinggabi na... Mga mata mo'y dapa't nakasara"
Umaalingawngaw ang tunog ng kampana ng gabing iyon.
Sa bawat pagpitik,
handa ka ba sa mga katotohanan
o kasinungalingang layon?
Umaalingaw ang mga tinig ng gabing iyon.
Sa mga kwento ba nila'y handa ka nang makinig?
BINABASA MO ANG
Sa Gitna ng Hatinggabi
Teen FictionIisang mundong ginagalawan, iisang orasan Ngunit iba't-ibang kapalaran Sa pagtunog ng kampana, sa gitna ng hatinggabi Ang mga mata mo ba'y pipikit sa iyong mga maririnig?
