قــــدري

الحلقه 7

( روايــــات لــيــبــيــه )♥️🔥
لــلــكــاتــبــه : داريــــن الــــزلــيــتــنـــي
.
.
.
.
.
.
.
.

ف الصبح⛅
قدر قاعده راقده
بيان : ادق ف الباب...قدررر نوضي
قدر: ناضت مخلوعه... نعم نعم
بيان: فتحت باب الدار نوضي وتي روحك
قدر: وين؟
بيان: شني وين متاعك بدلي وصكري فمك🌚
قدر: باه يدراه

صلاح: بتوثق فاها؟
إلياس : مفيش حل تاني
صلاح: بس ي الياس انت...وقص عليه
الياس: ندبر اموري متخافش وطلع
صلاح : مش عارف اني العناد من وين جايبينه

عائله قدر:

وقار: اااه اي راسيي
معتز:علاش ادوري براا ف الليل شن مطلعك
حنان: بشوي عالبنت تو كيف ناضت
مؤيد: سيبها يمعتز المهم حالها باهي شكله هبوط
معتز: نوضي نرفعك نعاينك
وقار: حاولت تذكر مقدرتش اذكرت لقطات بس
معتز: وقاااار
وقار : شني لالالااااا
معتز: بس..وقصت عليه
وقار: حالي باهي هبوط شكله
مؤيد: خلاص معتز خليها ترتاح
وطلعو

ف الممر :-

معتز: قلبي مش مطمن اززح
مؤيد: خيرك
معتز: حاسها تكدب
مؤيد: غر لاا ي راجل
معتز: اسمعني شنصار روحت ف اليل مخر وخشيت للمربوعه رن عليا ايوب يبي الموطو متاعي طلعت بنجيبه نشبح ضي قربت قربت لقيته فلاش فون وقار وهي مرميه ومتلجه تقول ليها عام ملوحه البرا شن مطلعها
مؤيد: الله انت وربط الأحداث عندك 😂 عادي مرات حبت تشم هوا وداخت تصير وبعدين هي ف حوازتنا يعني الامور تمام
معتز: والله مندريوين مالك
مؤيد: طلع هوا وعزام عارفهم راسين ف شيشه

لــلــكــاتــبــه... داريــــن الــــزلــيــتــنـــي🔥❤

نعيمه: فكينا يبنتي
ايه: خلااص يماما عييت ضروري ننهي كل شي لازم يتحاسب
نعيمه: تربحي اخطيه تو يحطك ف راسه
ايه: ولدك هادا ميعرف دباره غيري...وطلعت

حوش الياس:

قدر نزلت من الدروج وكانت لابسه بنطلون جينز واسع وسبيدرو رصاصي جوردن وهودي رصاصي نفس السبيدرو ووشاح سماوي وهي الله يبارك بيضا مع ميك اب خفيف طلعت قمر وباقي البنات نفس الستايل بس الوان مختلفه مقصوده  ع اساس تطقيم وجو😂😂 بيان ع الوردي ووتين ع الموف

قدر: جاهزه
وتين: يوخيتي محلاك طالعه
بيان: طروووف 😌
أمير: هيا نراجي فيكم برا
وتين: هيا هي ..ماماااا
منار: جيت برو هي

الياس: درس سيارته
امير: ت وينهم اززح
الياس: نزل من السياره وشبح البنات طالعات ..وين؟🤨
قدر: شبحتله وساكته
بيان: تدهويره والله
الياس: هني روحك وبري داخل
وتين: شن فيها بالله عليكك تغيررت جو حتى قدر مسكينه ليها اكتر من شهرين معانا ولا وسعنا خاطرها ولا شي
الياس: اني قلت كلمت....وقصت عليه بيان
بيان: هيا الياس عارفااتك خاايف عليناا بس لامتى ماهو نمشو لكلياتنا ومصارلنا شي شن جت توا هي
الياس: شبح لقدر
قدر: تحشمت ومشت بحدى وتين
الياس: تنهد ...امشو بس قدر لا
قدر:😳
بيان: شنيييي هي المشيه الكلها ع خاطرها
امير: نزل .... ت شن في انم هيااا.
وتين: الياااس ميبيش قدررر تمشييي
امير: لاا عااد يراجل انت منكدي وعاقد حواجبك تبي تفركس البنت فجرتك؟؟؟؟
الياس: مش كانك خديت راحتك ف الدوه معاي؟
منار: شن فييي شن فيي صوتكم لاخر الشارع
بيان: ولدك ميبيش قدر تمشي امالا مناش ماشيين
منار: خيرك ي ولدي شنجاك
الياس: شبح لقدر ببرود ....والله نبيها
امير: الله الله واحني نشكرو فيك ونقول خوي الياس وله اللهم صلي ع النبي 😒  تاريتك من تحت لتحت يكبدي
قدر: خشت لداخل
بيان ووتين: لحقو عليها
بيان: قدرررر
قدر: التفتت
وتين: متعدليش اعليه تعالي
قدر: لالا عادي برو انتو
بيان: سكفمك يلا وجهك للسياره
قدر: بالله فكينييي بياان اصلا عليا الدوره مش قادره انصبي هكي والا هك مخاطريش
وتين: انتي منكش ماشيه مناش ماشيين
منار: هي بنيتي تعالي
قدر: ابتسمت صحيتي اعميمه مريضه وتعبانه معنديش نيه والله مره تانيه نعوضوها
منار: خخيرررك مريضه؟؟
قدر: جت بتتكلم ...جتني..بعدين شبحت الياس سكتت
منار: فهمتها وحتى الياس فهمها🌚
الياس: تحشم وركب ع الدروج و تكلم وهو عاطي بالظهر...اني مش مستقصدك ره بس نبيك ف موضوع بعدين تعاليلي ومره جايه لما تحسي روحك باهيه بري غير جوك معاهم
قدر: تقول اشبحمن كب عليها اميه سخونه
بيان: شاده ضحكتها
وتين: ضربت بيان ع كتفها
بيان: اي ي خراااا
امير: خش شن فاااتننييي شنييي
منار: تحشمت لقدر وطبطبت ع كتفها...مفهمش ره يحسابك برده وانتي وجهك ولا اسود
قدر: ءءء بنرقد تاعبه 😅 باي...وشبحت لبيان صورولي كل شي
امير: حاضر ي ضنايا
بيان: كلمتني اني مكلماتكش😒
امير: اني وانتي واحد خوت ي كلبه😑
منار: بصوت هادي  ووه مبيخ الموقف
وتين: ونبي مدوريش شن يعني نهايه العالم؟؟
امير: شن في؟؟
منار: دفتها تحشمي يبنت
وتين: 😂😂😂
امير: اخخخ ربي يصبرني هياا عطلنا...ومناش مطولين ره دام قدر مهناش
بيان: اصلا بروحي طارت النيه بلا قدر
وتين: اي والله ...ومشو