( روايــــات لــيــبــيــه )♥️🔥
لــلــكــاتــبــه : داريــــن الــــزلــيــتــنـــي
.
.
.
.
.
.
ف السياره
نضال: شن بيصير فاها البنت
الياس: راقيله وعقله مش مع نضال...انم كيييييف كيف قدرو يهربوووو
نضال: الياااااس
الياس: قام حاجبه بعصبيه خيرر؟
نضال: اشر بعيونه ع قدر
الياس : ت وااك منين ينزلو علينا هالمصايب بس
نضال: تعرف ف سؤال ف بالي
إلياس: ؟
نضال: علاش كانو خاطفينها البنت والواضح من وجها بريئه ولبسها بسيط
الياس: قعد يشبح لقدر ومركز علاها ... علمي علمك
نضال: راك تاكلها🙂
الياس: شبحله بنضره تقتل وكمل سواقه متجه للمستشفى
نضال:😂
ف المستشفى
الدكتور: طلع
نضال: شن صار ي دكتور
الدكتور: حالتها مستقره بس تعرضت لضربه قويه ع الراس وصدمه كذلك
الياس: متكي ع الحيط وايده ف جيوبه ويسمع ببرود
نضال: وكيف بيصير معناها
الدكتور: احتمال تفقد ذاكرتها مؤقتا
نضال: شبح لالياس
الياس: قلب عيونه ...وطلع
نضال: شكرا تعبناك ي غالي
الدكتور: هادا واجبني
نضال: طلع ورى الياس... هي هي وين
الياس : التفت...بنروح🤨
نضال: والبنت؟
الياس: وشندخلي ف امها
نضال: بس حرام نخلو البنت مرميه واحتمال تكون ناسيه حتى اسمها ومنها نستفادو منها بالك تعرف حاجه ع كنان خل نشدو عليها
إلياس: 😒
نضال: الياس الي نعرفه ميخليش حد محتاج مساعده الا ويساعده
إلياس: مكتر دوتك ي راجل باااه ازح
نضال: ابتسم ... تو نبعت واحد من الشباب يقعد حداها لين تنوض وبعدها يتصل يخبرنا
الياس: ت هي حتى فونها مهرسينا ف هداك المصنع ومفيش اي معلومه عليها وين بنحطوها مبين نلقو اماليها ومنقال تعرف معلومه ع كنان
نضال: غمزله😉... احني مدايرين خير مدايرين تعرف معلومه اولا بنساعدوها
الياس: لااا الي ف بالك نحيه
نضال: ت اني ي راجل وحداني ونسكن ف شقه بروحي اما انت فيلا الله يبارك كبيره وعندك امك وخواتك يقعدو معاها لاكن اني شاب ونسكن معاي بنت طرف زيها ف شقه وحده فكني ي برو
الياس: به ضم فمك
نضال: منور ي حنين 😂
الياس: خبطه ع راسه 🙂....وركبو السياره وطلعو
لــلــــكــــاتـبــــــه ....
داريــــن الــــزلــيــتــنـــي👑❤
كنان: الحقير هادا شكله ميبيش يفوتني
ايمن: شي طبيعي ت انت تستاهل اكتر من هك
كنان: تعصب.... انت معانا والا معاهم
ايمن: مع الحق خلينا واقعيين انت الي عاديت الياس قبل وانت الي دمرتله حياته والا نسيت
كنان: وهادي اقل حاجه مزال مشافش شئ
ايمن: اخخ نقاش بيزنطي عقيم🤦🏻♂️
كنان: مدوراش قعد يفكر ف مكيده لالياس
ف العشيه
قدر:فتحت عيونها... اه اي يراسي
الشاب: شبحلها وقرب...انتي كويسه؟؟
قدر: من انت؟وين انا؟
الشاب: تو تفهمي كل شي واتصل بنضال
وجي نضال والياس للمشفى
الياس: خش شوف وضعها وقولي
نضال: ي سلام 🤨 رجلي ع رجلك
الياس: خدي نفس... صبر ايووووب
ودخلو....
قدر: كانت سارحه لين حست بحد دخل وقالت بخوف ... من من انتو؟؟؟ واني وين؟؟وشن تبوو مني؟
نضال: متخافيش ي وخيتي احني فاعلين خير ولقيناك مخطوفه وبدي يحكيلها ع اساس انهم ناس عاديين ولقوها مغمى عليها ف المصنع
قدر: حاولت تذكر مقدرتش تذكر شي وقعدت تبكي... ياااربي يااربي ساعدني
نضال: وجعاته اما الياس شافلها ببرود
نضال: به تقدري تذكري اي شي عليك اسمك اسم عيلتك وين تسكني؟
قدر: قامت راسها وعينها جت ف عين الياس
الياس: تلخبط حس بشي غريب مقدرش ينزل عينه من عليها عيونها العسليات الحمر من كتر بكاها ذوبوه
قدر : سرحت ف شخصيته وجماله بس سرعان م حست ع روحها وشبحت لنضال ....ءءانا انا اسمي قدد اخخ ي راسي ققددر اي قدر هادا الي نذكره اما الباقي ناسيه كل شي 💔
نضال: شبح لالياس بمعنى تصرف
الياس: رجع نضرته القاسيه وتكلم برسميه... اليوم بنطلعوك وبنرفعك لحوشي وغادي امي حتهتم بيك لين نلقو اماليك
قدر: بسسس..قص عليها نضال
نضال: لابس لا شي وين بتمشي انشاء الله وانتي ناسيه حت مواليدك
قدر: .....
الياس: هيا وطلع
نضال: نوض قدر وركبها ف السياره ومشو وكانو طول الطريق ساكتين اما نضال روح بسيارته بروحه
قدر : حست من تصرفات الياس انه قاسي خافت هلبا منه وانه بتسكن ف حوشه وهل اماليه حيتقبلوني او لا
واخيرا وصلو قدام حوشهم
قدر: انصدمت ف الحوش لا مش حوش عادي هادي فيلا حست روحها تحلم
الياس: انزلي ونزل هو
قدر: بتوتر نزلت وبمجرد م الحرس شافو الياس جرو وفتحوله الباب
الياس: خشي
قدر: حسيت بمجرد م شفت الحراس انه عيلته عيله كبيره وواصله هلبا ف الدوله ودخلت
منار ووتين كانو مقعمزين ع الصالون واول ماشافو قدر انصدمو
وتين: بصوت هادي...منو هادي ياماما
منار: علمي علمك
الياس: حنفهمكم كل شي....واختصر الموضوع وحكالهم وركب لداره
منار: وجعتها قدر وناضت سلمت عليها ... يناري ع بنيتي متخافيش حنعاملك كانك وحده من بناتي لين نرجعوك لاهلك سالمه
قدر: دمعت عيونها ... صحيتي ي عميمه والله لو كنت نذكر اماليا م تعبتكم معاي بكل
وتين: حضنتها عيب عليك هادا واجبنا❤ حق شن اسمك
قدر: مسحت دموعها وابتسمت قدر
وتين: يااااي محلاه اسمك واني وتين 😍
قدر: ع الاسامي....انتي احلى😊
امير: داخل للفيلا ... كل البنات بتحبك كل البنات حلوين طبعا ي سيدي ي بختك وانت الي زيك مين ولا ولا ولااااه ...وانفجع لما شاف اامه واخته قدامه لا وبنت لا هي من أقاربه لا شي معاهم
قدر: ضحكت عليه😂😂
امير: ي حليلي من الضحكه🤤 منو الحلو يام؟
منار: ضرباته ع عنفقته تحشم
وتين: 😂😂 طبعا ي قدر هادا خوي امير
قدر: ع الاسامي بالجوده
امير: لا و فوق حلاوتها اسمها احلى
صلاح: اميررر ي صايع
امير: حي حي حي😱
منار: التفتت بتخبر صلاح
صلاح: عارف عارف خبرني الياس بككل شي وشبح لقدر فعيونا ي بنتي متخافيش وانشاء الله نرجعوك عن قريب لحوش اماليك
قدر: شكرا ي عمو❤
امير: يحليلي ع عمو 🤤
صلاح: اميررررر
امير: اسف به😂
قدر ووتين: 😂😂
ومشت وتين ورت لقدر غرفه الضيوف الي بتقعد فيها وكانت غرفتها مشرحه ديكورها كله خشبي وفيها تواليت وبالكونا ارتاحت قدر نوعا ما فيها وخشت تبي ادوش بس اذكرت ان معندهاش دبش فقررت تطلع تكلم وتين باش تعطيها شي تبدل بيه وهي طالعه تخبط ف الياس الي كان طويل هلبا بالنسبه لقدر
قدر: ءءاسفه
إلياس:عمي انشاء الله عيونك وووين😤
قدر: انصدمت من اسلوبه.....هييي انت صح ساعدتني بس منسمحلكش تهين كرامتي معنديش مشكله نبات ف الشارع ولا نبات عند واحد بيئه زيك
إلياس: صدمته اكبر اول مره حد يتكلم معاه بالطريقه الوقحه هادي وشدها من يدها بقوه...حدودك
قدر: اعلى مافي خيلك اركبه ونفضت يده ومشت ادور ع وتين
الياس: ضرب يده ع الحيط ... جاب ربي مش فاضيلك بس
وتين: وين قدر تبي شي
قدر: التفتت ...ءءء اي جيت لو مفيهاش احراج نطلب منك بيجامه او اي شي مستور نبي ندوش مش طايقه روحي
وتين: حييي ع النسوه سامحيني هي هي ومشت لدارها
بيان : راكبه من الدروج ومدايره ماسك الزبادي بالخيار وشاده فونها وتضحك وفجأه تشكل رجلها وتنقلب
قدر: شهقت بسم الله بسمممم الله وجرت قامتها وقعدت تسند فيها....مصارلك شي؟؟؟!
بيان: ووهعليا ضهري صحيتي اححح ووه
قدر: سلامتك
بيان: ووواك يربي امنيتي نمشي زي الناس لاكن الله غالب زين ومشيه هلبااا😂😌
قدر: يعطيهالك😂😂😂
بيان:هههههه والله الا حاله وسكتت بيان شويا... غر دقيقه😳منووو انتي؟؟ع جيه وتين حيييي نسيت نقولك شيرتي مذهوبه تعالي تو نحكيلك
وتين: حكتلها ... هادي البنيه اسمها قدر و........
بيان: يروووحييي ي قدقد ومسكت يدها احني معاك انشاء الله اعتبرينا خواتك
قدر: تبسمتلها.... محلاكم وربي😭
بيان: حضنتها😭
وتين : ميته ضحك عليهم 😂😂 تفضلي قدوره هادو شويه دبش والله جديد من شكايره نصيبك انتي وباذن الله غدوه بنمشو لسوق بنرفعوك معانا تاخدي كل الي ناقصك
قدر: شكرا ي قلبي❤ومفيش داعي اتعبو روحكم معاي
بيان: سكفمك لا تعب لاشي وهي تشاو ع الكاكاو😂😂
وتين: طبعا هادي اختي المهبوله بيان 😂 وبهكي ختمنا عيلتي الكريمه
قدر: هههههههه ربي يحفظكم❤
وتين:ويحفظك ❤
ومشت قدر لدارها دوشت ولبست قدر بيجامه واسعه شوي حرايريه لونها ورديه ودارت شعرها كوده الفوق طلعت زي الملاك وبخت من البرفان الي عطتهولها وتين وامتدت ع السرير وقعدت تتقلب يمين ويسار حست روحها جيعانه طبعا كلموها عشان تتعشى بس هي سكرت راسها لانه كانت نيتها مسدوده ف قررت تنزل تشوف حاجه تاكلها وطلعت
لــلــــكــــاتـبــــــه ....
داريــــن الــــزلــيــتــنـــي👑❤
ف دار نوم منار وصلاح
منار: صلاح
صلاح: همممم
منار: مش غلط نخلي البنت عايشه معانا وعندي زوز ولاد شباب خايفه عليها راهي امانه
صلاح: متخافيش ولادي نعرفهم زين الياس مش متاع بنات وامير صايع بس يخاف ربي عنده ضمير ومتربي ميديرش الغلط
منار: بس تعرف البنيه خشت خاطري شكلها بنت عيله وناس
صلاح: ربي يحفظها مسكينه ويرجعها لماليها بخير وسلامه
منار: امين ❤
قدر: نازله من الدروج بشويه وقعدت ساعه ادور ف الحوش واخيرا لقيت الكوجينا
قدر: ت وااك لقيت الكوجينه من هنا نسيت طريق داري من هنا ناقص غر يفجعني هداك ااهمجي خل تكمل هاللليله😒 ....وكانت الكوجينه مضلمه فقعدت ادور ع البريزا باش تولع الضي وفجاه تخبط ف شي طويل وعريض
قدر: ببب سسسم الللله يي ربييي ممنووو لااااع وهعليااااا مزلت نبي نعيششششش😭
الياس: ولع الضي 🙂
قدر: شهقتتت.... توووااااك فجعتني ي راجل قلبي طاح انتم هكي ديما عيله تفجع ف بعضها
الياس: طبق يديه وقام حاجبه وانتي هكي عيلتك مربيينك توصفي الي دار فيك الخير بالهمجي🤨
قدر: ءءءاني 🤦🏻♀️ اسفههه باهي مكانش قصدي يا؟؟
الياس: يا الياس😏
قدر: حي حلو اسمك وسرعان متحشمت ❤.... ءءء قصدي هو هادا اسفه ي ليسو والتفتت صبت اميه وقعدت تشرب
الياس:ضحك ع وجهها كيف ولا احمر لما قالت محلا اسمك عرفها زلقت ف الدوه بس ع طول بعدها قرن حواجبه..... شن هيااا🤨
قدر: احححح الحمد لله تقول كنت ف صحرا سادتني الميه معاد نبيها الماكله الي تجيب الصفير ورجعت شافتله .....ليسووووووووو هي شنبدير🤓
الياس: تنرفز ويجبدها من يدهااا بقويه لين انتفضت.... اسمعيييي يبنت اني مخلييييك عندنا بمزاجييي وبمصلحتيييي ف يريت تلمي لسانك الي لافه بيه رقبتك خير م تكملي نومك ف الشارع
قدر: ت ههييييي انتتت خيرررك معااااااي كان بدير سبلتك مساعدتي منبيهاااااااا وطزززز فيك وف الي زيككك اطلق امها ايديييييي رزيتني فاها وزيد عليها بعد كلامك هاداا خود ولا خلييي ماككككش راجل الي تقول لبنت هكي مشعارف كيف هادو عيلتك مش زيكككك بكككل وعندي ليك خبر حلو غدوه باذن الله طالعتها ميلزمنيش حوشك
الياس: 😏 ووين بتمشي وانتي ناسيه اماليك وحتى مليم احمر لا
قدر: ربي كبير ومينسى حد نقعد تحت رحمته ولا نقعد تحت رحمتك ي ليسووووو🙂😏
الياس: خاول يسيطر ع غضبه بس مقدرش زاد ضغط ع يدها وقربها منه بالقوه
قدر: اهه يدييييي💔..... وبما انه كودتها مرخيه طاح شعرها وكان شعرها ياخد العقل
إلياس: كان معصب هلبا ونوعه مش من الشباب الي يحبو جو البنوت والصياعات ف غمض عيونه خدي نفس وفتحهم .... فجاه جت عينه عليها كيف هي مغمضه عيونها وتتالم وشعرها الي مغطي ضهرها هدي وقعد سرحان فيها
قدر: استغربت معاش هزب وقامت عيونها فيه ...تعاااال كووولني وخلااااص🙂
الياس: رجعله عقله ودفها باه اقلبي هيييي😑
قدر: خدت م تبقى من الميه وبزعتها عليه 😂😂😂وحده بوحده فسدت شعري بليت شعرك وجرت زي المهبوله
الياس: اززززح غررررر نحصلل عليككك بس .... وطلع متكنطي😂😭
#يتبع.......
أنت تقرأ
قــــدري
Ficção Geral( روايــــات لــيــبــيــه )♥️🔥 لــلــكــاتــبــه : داريــــن الــــزلــيــتــنـــي هادي أول روايه ليا يريت تدعموني وانشاءالله تعجبكم💗💗
