𝙵.𝚘.𝚛.𝚎.𝚟.𝚎.𝚛 𝙼.𝚒.𝚗.𝚎 [🅤🅝🅘+🅩🅐🅦]

အပိုင်း ၇

( A/N I'm not good at writing Drama but I tried a little. ဒရာမာကိုသိပ်မပိုင်ပေမဲ့ရေးတော့ရေးကြည့်ထားပါတယ်။ အရမ်းပေါ့နေရင် ကိုယ့်အပြစ်ပါပဲ။ )

ထိုနေ့ကစ၍ မြတ်မျိုးရိုးအပေါ်တွင် ဆည်းဆာနီလေးသည် သိသိသာသာအေးစက်လာခဲ့သည်။သို့သော် အရုဏ့်ကိုသာအာရုံစိုက်နေခဲ့သော မြတ်မျိုးရိုးကမူ သတိမထားမိခဲ့ချေ။မြတ်မျိုးရိူးသည်လဲ အရုဏ့်ကိုဖွင့်ပြောရန်သာကြိုးစားနေခဲ့၍လွဲမှားနေခြင်းတို့ကိုအာရုံမပြုမိပါချေ။သူထင်ခဲ့သည်က ဒီကောင်လေးလူပျိုဖော်ဝင်လာ၍သူ့ကိုစိမ်းကားနေခြင်းဟုသာထင်ခဲ့မိသည်။တစ်ချို့ကိစ္စများတွင် တေ့ဆိုင်မဖြေရှင်းခြင်းသည် ပိုမိုဆိုးရွားသောအဆုံးသတ်ကိုသာဦးတည်တတ်ကြောင်းသတိပြုသင့်ပေသည်။

ဆည်းဆာနီ၏မေွးနေ့သို့ရောက်ရန် တစ်ပတ်သာလိုတော့သည့်အချိန်တွင်ဖြစ်သည်။၁၆နှစ်ပြည့်မွေးနေ့မို့ မြတ်မျိုးရိုးကရော ဆည်းဆာနီ၏မိဘများကပါ အထူးပြုလုပ်ပေးချင်ကြသည်။သို့သော်လဲ မေွးနေ့ရှင်ဖြစ်သူကတော့ စိတ်ဝင်စားသည့်ဟန်ပင်မပြချေ။မြတ်မျိုးရိုးကမူ ထိုနေ့တွင် ဆည်းဆာနီအတွက်အကြီးမားဆုံးလက်ဆောင်ကိုပြင်ထား၍ ပိုလို့ပင်စိတ်လှုပ်ရှားနေခဲ့သည်။

-----------

လင်းမြတ်ရောင်ဝါသည် ဒီနေ့လဲ ကျောင်းခန်းထဲတွင်အသက်မရှိသလိုထိုင်နေသောဆည်းဆာနီကြောင့်သက်ပြင်းချလိုက်မိသည်။နွေရာသီကျောင်းပိတ်ရက်ပြီးကတည်းကပင် ဆည်းဆာနီသည် တစ်မှိုင်မှိုင်တစ်ထွေထွေဖြစ်နေခဲ့တာပင်။ထို့ကြောင့် သူလဲ ဒီနေ့မုန့်စားဆင်းချိန်ရောက်လျှင်တော့ အကျိုးအကြောင်းကိုမေးရမည်ဟုတေးထားလိုက်တော့သည်။

မုန့်စားဆင်းချိန်

'' ကဲ ဆည်းဆာနီ၊ မင်းဘာတေွဖြစ်နေတာလဲ ငါ့ကိုပြောပြ၊ ငါဘာဖြစ်နေလို့လဲ ဆိုပြီးတော့ တော့ ငါ့ကိုပြန်မမေးနဲ့နော်၊ မင်းဖြစ်နေတာမင်းအသိဆုံးပဲ၊ မင်းနဲ့ငါက ဘုရားသခင်က ညီအစ်ကိုတေွအဖြစ်နဲ့ဖန်ဆင်းမိရင် ကမ္ဘာကြီးဇောက်ထိုးမိုးမျှော်ဖြစ်မှာစိုးလို့ သူငယ်ချင်းတွေအဖြစ်နဲ့ပဲ ဖန်ဆင်းပေးလိုက်တဲ့သူတွေဆိုတာ သတိရဦး။ မင်းအကြောင်းငါအကုန်သိတယ် ကဲ ပြော ဘာဖြစ်လို့လဲ ''