الكاتبه••
{عهودي القطعاني}
روايه 🔥"الخطيئه"🔥
الحلقه {3}
قررت ريان ادير شي اخليه يعترفلها وجه لوجه وعندها فضول كبير تعرف من هذا العاشق المجهول !؟
قعدت ريان غرفتها تشوف رسائل وتقري بنسجام درجه معش اهتمت بشذي شن ادير اشتت تركيزها عند الشاب المجهول !
مشي اليوم بدون اي احداث لعند قعدو ع عشاء ونفس كل مره شذي كبدها تلعب وتمشي تجري تستفرغ للحمام حشاكم" وردت للعشاء
امها جميله تمت موسوسه منها قلب الام!"
جميله: كويسه توه
شذي: اها
ريان: بابا وين
جميله: عنده شغل امطول بره
شذي: نحنا حياتنا ممله لانمشو للحد ولايجينا حد من جامعه للحوش من حوش للجامعه مليت روتين يومي
جميله: وين تبي تمشي؟
شذي: شاليه مثلا نغيرو جو مطاعم اي شي
ريان: ظروفنا ميسمحنش
شذي: ظورفنا ظروفنا ظروفناااا كبدي درهت وربي من كلمه هذي
جميله: وين ماشيه؟
شذي: ننخمد !
ريان: نعنك متروحي
خشت شذي غرفتها وتصلت بجاد ولاقته حاطها في الحظر وخشتله ع جميع المواقع الوتس والفيس كل مكااااان لاقاته حظرها!
شذي: خذيتني لحم وعزقتني عظم ! توه تشوف
___
صباح اليوم التالي...
وصلت ريان وشذي جامعه
ريان: اختي حاستك ديري شي غلط!؟ انا مش عارفتك شن اديري بضبط بس خايفه عليك وقفي ننصحك توقفي !
شذي: اه اسير خير اطمني
مشت ريان للقاعه محاظرتها
ريان: يارب اسير منها ويشجع ويعترف !!
حطت ريان رساله ع ورقه صفره عشان تلفت نظر الشاب المجهول بنسبه لها وحطها اول صفحه في مذكرتها ! وطلعت للساحه!
قعدت ريان في ساحه حرم الجامعه وتشوف الطلاب وطالبات من كل جنسيات ليبيين وغير ليبيين كل شخص له لهجته ولغته كل شخص له قصته وهدفه ودوره في الحياه كل شي حيكون مجرد ذكري في وجوه منهم احتمال معش اتشوفهم لبقيه حياتها تامل اعيونهم شوفي التوازن الحزن والفرحه والانكسار والخذلان والفقد والمرض والخير والشر ويجتمعو في نفس نقطه "الالم"
دخل جاد القاعه ونفس كل يوم فتح مذكرات ريان وحط ورقه مسج رومنسي وانتبه لي ورقه الصفره اصغيره قري حروفها وبكل حرف ينبض قلبه وابتسامه متفارق وجه حطها في جيبه وطلع بسرعه!
___
أنت تقرأ
خطيئة(ليبية_منقولة)
Aksiلابأس انها جُرعه كبيره وثقيله من الخذلان وشرِبتها مره واحده وكان درساً قاسيا تعلمت منه ان الحب لايجب ان نبحث عنه فهوا من سياتي في وقت لم اكن اتوقعه ليطرق باب قلبي مثل نسمه بارده في صيف او مثل نسمه دافئه في شتاء تعلمت ان الاقدار مكتوبه مهما كنا نريد...
