كُل الأماني لُقياك

Part13

حقاً أحبكَ إنّي لستُ أُنكرُها
‏وكيف أنكرُ بي ما اللهُ مُبديهِ
‏ما لي علي القلبِ سلطانٌ لأمنعه
‏عِشقاً براهُ وشوقاً باتَ يُشقيهِ
‏إني أحبك حلماً فيَّ أزرعهُ
‏ومنكَ يا قبلة الأحلامِ أجنيهِ
‏باقٍ علي حُبكَ المكتوبِ لي قدراً
‏لا ردَّه اللهُ عنّي حينَ أبغيهِ
________________
~
~
عند نجمه >
دخل البيت وكان هدوء مستغرب من هدوئه لهدرجه ! توجه ياخذ له شاور ويبدل ملابسه نجمه سمعته وكانت تمثل النوم لجل مايشوفها صاحيه خرج وهوه يدورها بعيونها بس زفر بضيق من شافها نايمه على السريرر تمنى انها صاحيه توجهه لها بس نجمه الي ارتكبت من قربه وعرف انها تمثل النوم تحرك وضرب برجله بخفيف وارتفع صوته مع صوت الضربه اح غبي انت يافهد؟
فزت نجمه وهيه تناظر فيه وفهد الي ابتسم بخُبث ان خطته نجحت وانها فزت عشانه ونطقت : انت ماتشوف ؟ احد يمشي بدون مايركز ؟؟ شافته يبتسم وتذكرت انها كانت تمثل النوم ميلت راسها وهيه تحرك يدها بعبط شفيك انت ماتخلي الواحد ينام ؟
ضحك غصب عنه وهيه الي اكتشفت انه كذبه مُجرد يخدعها بس ! ضربته بيدها على كتفه : نذل !!
ابتسم وهوه يحاوط خصرها بيده ويقربها منه : ليش كنتي تمثلين النوم؟
زفرت بضيق : ماكنت امثله كنت احاول انام بس !
فهد باستغراب : ليش ماقمتي يوم حسيتي بوجودي ولا ماحسيتي ؟
نجمه الي سكتت وناظرت فيه لثواني وكمل فهد : ماوحشتك؟
فضلت السكوت من لمن عرفت انه مُستحيل يتركها لحد ماتجاوب قررت تحضنه هالمره فهد الي ابتسم وعرف ان جوابها " اي " يحب قُرب نجمه منه ! عنيده وماتعترف بمشاعرها بس فعلاً فهد يضيع وكثيير عندها ، الود وده بس مُجرد اعتراف مايدري كيف يتحمل ولا يقرب منها رغبة نجمه وزعلها اهم شيء تنهد وهوه وده هالليله بس ! شد علييهاا ونجمه ساكته ولانطقت ابتعد عن حُضنها وكسرت هالصمت هيه هالمره : ماطولت هالمره بغيابك؟
فهد ابتسم : جابني الشوق لك
ابتسمت بخجل وهيه تنزل راسها عضت شفتها لثواني وفهد الي ما شال عيونه عنها ابداً ! عارف انها تحبه وانها تغليه تحبه بس تحس كل شيء ضدها لو حبته ، هوه حنون ويكسر قسساوته لجلها هيه تحبه وتعانده بس تلين من يقرب منها ويحضنها ! هالمره بس ماتجاهلت رغبتها بانها تحضنه فعلاً حضنته بحُب ماغاب هالشيء عن نظر فهد يشوفها بشكلها وريحة عطرها بجامتهاا وشعرها وشكلها الفوضوي راضي انه يعيش الفوضى ذي كلها بس هيه تكون جزء منها تكون هيه الاسااسس بكل شيء !
طبع شفايفه بعُنقها وجمدت اطرافهاا من حست فييها غمضت عيونها بتوتر وخوف ومششاعرر غريبه تعيشها لأول مره وهمست له : فهد !
من حس بخوفها وتوترها قرب منها وبلعت ريقها بتوتر وخوف من حست بجيبنه على جبينهاا قرب منها بدون تفكير يجهل مشاعرها وتوترها وخوفها صبر وكثير بَنت نجمه حواجز بينهم ولا قدر يكسرها كان يقبلها بمشاعر حب حطها قدامه بدلعها وحنانها ورقتها وعنادها نجمه ماقاومته ابداً من حست بمشاعرهاا وقلبها الي يخرج من فرط الشعورر الي تحس فيه هالمره فهد كسر كُل الحواجز الي بينه وبين نجمه هي متوتره وتخجل وكثير من لمن يقرب منهاا هو يحبها ويبيها وهاليوم كسر كل الحواجز الي بينهمم وو ...
~
ببيت فيصل الساعه 12 >>
مشت من اخذت ايبادها ووشاحها تتوجه للحوش جلست وزفرت بضيق وهيه تحط ايبادهاا وتمد رجولها وتتأمل شكل النجوم والقمر تذكرت كلمته لها ( كل ماشتقتي تأملي القمر ) ضحكت بضيق من حست بالدموع تجمعت بعيونها : وحشني وكثير الحيوان افف
نايف الي وقف وهوه يشوفها تتأمل القمرر مشى لعندها وعارف انها زعلاانه تأملها لدقايق من ثم قرب منها وفزت نجود : بسم الله الرحمن الرحيم متى جيت ؟
ضحك نايف : من قوة سرحانك مانتبهتي اني وراك اصلاً من اول ؟
قامت وهيه تتربع سكتت لثواني وهيه تتأمل النجوم وشكلها وابتسمت بهدوء : عاد تدري وش ودي ؟
ناظر فيها وسكت وكملت : اروح للأسطبل وحشني جديل !
ضحك نايف : تدرين امس ونا اقول لنياف بوديها للخيل تضفر لجديلها وتنبسط وتنساكم ؟
من تذكرت انه بعيد عنها زفرت بضيق وابتسمت من ضحكته : والله وحشني وشكلي بغير لون شعره هالمره
انصدم نايف وضحك : تكفين كل ماضاقت فيك الدنيا تروحين لشعره ؟ هالمسكين خلي شعره بحاله
ناظرت فيه بطرف عين : لا هالمره بخليه ازرق لايق عليه وعلى نوعه
نايف : لا يكفي صبغتي له وردي ! وسميتيه جديل لانك تجدلين شعره دايماً ( تضفر للخيل دايم ) الناس تتسابق مع خيولها وانتي تجدلين له وتصبغين وابتسم بضحكه اتركيه هالمسكين ظلمتيه واجد !!
ناظرت فيه بصدمه : افا ي نايف اتركنيي اخليه استثنائي بينهم
نايف : والله صدقيني ماوده يصير استثنائي خليه بس خيل عربي طبيعي
ابتسمت بعبط وهيه كاتمه ضحكتها : عاد الوردي حطيته لان لونه ابيض وتمنيت اشوف هاللون عليه بس وكملت بحماسس تخيل لون شعره ازرق وهوه ابيضض افف حبيت !!
نايف سكت لثواني : اسمعي اتوسط لك عند ابوي ويعطيك العمرد ؟
فزت وهيه تضحك : لالا ! لاتقول الي شات نياف ؟
نايف : هز راسه بالأيجاب
نجود : والله ذا يشوتنيي ونا باقي مالمسته حتى !
ضحك نايف : افا ياخت نايف انا اتفاهم معه ومايشوتك
نجود بصدمه من شافت صملته : نايف منجدك ؟ شات نياف وهوه كبير ماتبيه يشوتني ؟
نايف كاتم ضحكته : نياف طاح ماشاته
نجود : طيب هذا هوه وش عرض نياف وشطوله وطيحه اجل انا ؟ بيوديني للشمال والله
ماقدر انه يكتم ضحكته وضحك وناظر فيها وهيه تضحك من ضحكه : عاد والله لك الحق بس طيب فكري ؟
نجود : تستهبل انت ؟ جديل ذكر وتبيني اخذ العمرد ذكر كمان ؟
نايف : اي خلي فارس يغار من خيولك انهم ذكور
ضحكت من تفكيره مو منجدك نايف هههههههههههههههه !!!
نايف : طيب اطلبي ابوي يعطيك الصقلاويه ؟
ناظرت فيه لثواني : اجمل خيل بالاسطبل والافضل لابوي يعطيني وعليها سماها على فرس الملك عبدالله الله يرحمه والله مايعطيني !!
نايف بتفكير : والله منجد انها جميييله نزوجها جديل ؟
وضحك لا وش ذا صقلاويه وجديل ماحبيت مو لايقق
نجود ضربته بحده : حدك عاد على جديلي !
نايف سكتت وهوه يضحك وكملت نجود : بزوجه السهواء وش زينها
نايف ضحك : زوجيه زوجييه وسكتت بتفكير ودك نروح اليوم ؟ عاد تحمست اشوفهم واشوفك وانتي مع جديل منزمان عننهم صدق !
نجود بحماس : اي والله نروح الظهر ونجلس للمغرب ونرجع
نايف : طيب على خشمي بس انتي دخلتي بموضوع الخيل على طول انتي وش تسوين بالحوش بهالوقت وليش كنتي سرحاانه ؟
ناظرت فيه لثواني وهيه تتمدد وتتأمل النجوم : اكثر شيء احبه النجوم ونت تعرف هالشيء خصوصاً مع القمر تمدد نايف جنبها صح ! بس انتي هالمره ما تتأملينها بحُب مثل كل مره ؟
بلعت ريقها وهيه تزفر بضيق : في اشياء واجد افكر فيها قامت وهيه تفتح ايبادهاا والتفت له فارس عطاني مفتاح بيتنا !
قام نايف جنبها : اي عطاني علم ، اليوم بعد المغرب نروح نشوف له ؟ منها تفكرين بس باقي تعديلات بسيطه بلبيت اسبوع وكذا يخلصها عمي سليمان ومن بعدها تشوفينه مره ثانيه وتتجهزين له وتفكرين على روقانن وش ودك
ابتسمت بعبط : الشيء الحلو ان يصير كل شيء على ذوقي !
ناظر فيها وضحك : ياحرام على فارس تخيلي يشوف ذوقك خايس ؟
ضحكت بصدمه : مانختلف ضنتي بالاذواق ؟ تنهدت وهيه تفكر حتى ماجتني الفرصه اشوفك واعرف وش ذوقك ي فارس ؟ نايف شاف تغير وجهها للزعل سحبها وهم يتوجهون للبيت بضحك تنام وتصحى لمدرستهاا من ثم لجديلها الي اشتاقت له وحييللل  دخلت غرفتها وهيه ترمي وشاحها وايبادها على الكنب وتتوجه لسرير فتحت جوالها وشافت اخر رساله بينهم وتنهدت بضيق
~
بالطريق عند فارس ونياف >>
صحى من تعبه فارس والتفت لنياف وصلنا ؟
نياف : باقي نص ساعه ونوصل للشقه ونت نايم ونا تعبااان
قام فارس يعتدل بجلسته وهوه يتحلطم بألم
نياف : احسن محد قالك تنام وتخليني
فتح جواله وهوه يشوف لها ارسلت ولالا بس قرر يدق عليهاا لانزل لجل ياخذ راحته بالحكي معها
التفت فارس له : بالله اقرب محطه بموت جوووع
نياف : على حظك مافي سوبر ماركت قريب من هنا
فارس التفت له : شدراك انت ؟
نياف : مدري احساس
فارس : لاتحس والله جووع مو طبيعيييي اشتقت لاكل امي من الحين
تنهد نياف : تهون ان شاءالله
من بعد تعب وقفو ونزل فارس دق عليها وهوه يدعي من كُل قلبه انها صاحيه هالوقت ..
عند نجود >
شافت اتصاله وفزت من على السرير وردت فارس ؟
ابتسم فارس : هلا بالصصوت الي وحشني
ابتسمت نجود ونطق فارس : غريبه مانمتي ؟
نجود : ماجاني النوم
فارس ابتسم وهوه يسولف لها : نمت نوومه الله لايورييييك ظهري يوه ياظهري بسس
نجود : بسم الله عليك متى نمت ؟
فارس الي نسته كُل المه بمجرد ما قالت له ( بسم الله عليك )
ابتسم وضحك وهيه المستغربه : نمت 4 ساعات
نجود : افا تخلي اخوي يسوق كل هالمسافات ونت نايم ؟
فارس بصدمه : افا يعني ماتبيني ارتاح ؟
نجود ضحكت من لمن حشرها بسؤاله : ارتاح بس اخوي تعب اكيد
فارس : اي بس نزلت السوبر ماركت اشتري لي كم غرضض وعاد تدرين وش انا واقف عنده ؟
نجود باستغراب : وشو ؟
فارس ضحك : تشوكلتك المفضل
نجود الي ضحكت : تشوكلتي كيف عرفت اني انطقه كذا !!
فارس وهوه يعلمها من لمن تعبت ووداهم المستشفى هوه تحت صدمتهاا : طلعت مب هين !
فارس : خذيت 5 بشربهم بالطريق هههههههههههههههه
نجود ابتسمت : بلعافييه خذيت لك اكل ؟
فارس : خذيت لي خفايف تسد جوعي لبكرا افطر والله يعين
نجود ضحكت من نُطقه لكلمة اسد وتذكرت نايف : بلعافيه
فارس : اي وش تسوين ؟
نجود : ابد منسدحه على السرير
فارس : ماسويتي شيء اليوم ؟
نجود : لا كنت برا مع نايف بالحوش ودخلنا قبل شوي
فارس : نايف الخايس مبسوط لاني مو حولك الحين
نجود ضحكت : عاد تدري قالها بلسانه انه مبسوط ههههههههههه
فارس : اي والله عارفه النذل سمع ضحكتها وابتسم وكمل وهوه يقول : تحتاجين شيء ودك بشيء ؟
نجود سكتت لثواني : انتبه لنفسك ولا وصلت علمني
فارس : اكيد ابششري ونتي انتبهي لنفسسك وحيل والوقت تاخر نامي ونومك هّني
ردت عليه وهيه تسكر جوالها برضى توجه للسياره من ثم يتوجهون للشقه وينامون لبكرا ...
- صباح اليوم الجديد بالرياض -
صحت وهيه تقوم بتأفف وضيق تتوجهة للحمام تاخذ لها شاور راح نومها الثقيل تحس انها كبرت بمُجرد ماصارت تصحى لحالها بدون احد يصحيها هالمره طولت تحت المويه وتحس انها مو نجود الي تعرفها في شيء فيها متغيرر اخذت روبها وهيه تخرج وتنشف شعرها جلست وهيه تشوف شكلها بالمرايه وضحكت والله وكبرتي وصرتي تصحين لحالك ؟ نشفت شعرها وخلصت صلاتها وهيه تقوم تجهز ملابسها التفتت للباب على حضور نوره : صحيتي ؟
نجود ابتسمت وهيه تتوجه تبوس راسها : صباح الخير ، اي يمه
نوره ابتسمت : كويس يبنيتي بجهز لك فطور تفطرين خرجت بس قاطعها صوت نجود : يمه نايف صحيتيه ؟
نوره : اي بنيتي قام وهذا هو شفيه جايك
نجود ابتسمت : الطيب على ذكره يجي ؟
ضحك نايف : هلا والله وجلس على الكنبه اي وش ناويه عليه ؟
نجود وهيه حايسه تفكر وش تلبس والتفت لنايف : هودي ولا جاكيت ؟
نايف سكت لثواني يفكر : البسي الجاكيت الاسود الي اخذه لك نياف
هزت راسها بالأيجاب ونايف الي طلع من غرفتها بعد ماتعطر بكل عطوراتها
نجود: نايف يمين بالله لو تخلص عطوراتي ان تشتري الاجمل !!
ضحك نايف : تكفين شسوي غرفتك سوق ماشاءالله خليني
نجود بتأفف : يالفقير والعطورات الي تشتريها وين توديها ؟
نايف الي يمثل الزعل : تخلص
نجود : مالومها ! خذ شاور بالعطورات هذا الناقص
ضحك من كُل قلبه من عرف انها عصبت : افا ماتفدا نايف ؟
ابتسمت من ضحكته : وشهي العطورات عند نايف بس بختين تكفي
نايف : اكتبي مشوار جديد على العشاء ننزل السوق نشتري
نجود : اوكي بس نكلم ابوي وناخذ فلوس منه
كشر نايف : فارس البخيل ماعطاك فلوس ؟
ابتسمت من تذكرت صرافته : عطاني صرافته كامله
ابتسم بخُبث نايف : شرايك نطفره ؟
ضحكت نجود : الحين وعلى العطورات لا ! بطفره على الأثاث
نايف ابتسم : اي احسن محد قاله يصير غني عشانك !
نجود ضحكت : عاد امر واتدلل انا
نايف ضحك من نرجسيتها : انشششههد ابتسمت نجود وخرج ويخليها تجهز براحتها
اخذت جوالها من سمعت صوت رساله بجوالها بس زمت شفايفها بضيق لانه مو فارس قررت هيه هالمره ترسل : صباح الخير ، افا نسيتني من بداية هالصبح وارسلت له ضحكه
~
~
تغارُ الشمسُ حين تراكِ صُبحًا
‏وفي لُغةِ الهوى عيناكِ فُصحى.
_____________
عند فهد ونجمه ~
صحت وهيه ترفع راسها وتبتعد عن حُضنه تتذكر كُل الي حصل بينهم وابتعدت اكثر بخجل تأملت وجهه النايم لثواني وقامت وهيه تتوجه للحمام تاخذ لها شاور وفهد الي سامع كل شيء خلصت كل شيء وفهد الي قام وهوه يتحاكى مع ناصر خرجت بروبها وهوه يشوف شعرها الغرقان سند راسه على الجدار وابتسم : صباح الخير ياحلا وجه اصبح عليه ابتسمت بخفوت وهيه تخفي توترها وخجلها وتأملت الغُرفه لثواني من حست بالبرد : فهد طفيت المكيف ؟
فهد الي هز راسه ب لا فز وركض يطفيه عاد والله الغُرفه بارده اركضي للسرير وتلحفيي ضحكت وهيه تتخيل شكلها وناظر فيها فهد يمثل الغباء : اعجلي يبنت لاتمرضين
ركضت وفهد الي انفجر ضحك ونجمه الي تلحفت ببرد : اف فهد موتك على يدي
فهد مشى وهوه يقرب منها : تلحفي زين والتفت يمين ويسار وين الي تنشفين فيه شعرك ؟
نجمه وهيه ترجف : قصدك الاستشوار ؟
فهد هز راسه ب اي واشرت له بمكانه وهوه يشغله وينشف شعرها نجمه ابتسمت : عاد حبيت تبادل الادوار بصير كل ماخذ شور تنشف لي شعري نفس ماسويت لك !
ابتسم فهد : اممم افكر باقي اشوف
ضحكت بتعجب منه ونشف شعرهاا وهيه تتووجه تدور لها ملابسها بيد ترجف اختباراها اليوم وتوترها الواضح قدام فهد
ابتسم فهد : متى اختبارك ؟
نجمه :9 وبخلص 12
فهد هز راسه وهوه يخلص شاور ويصلي
~
عند فارس ~
خلص صلاته ومسك جواله من شاف رسالتها افا نسيتني ؟
ابتسم بخفوت وهوه يشوفها تعاتبه بجملتها وبكلمه وحده بس فهم عليها وعرف انها اشتاقت وكثير له ، لامانسيتك احد ينسى شخصً عايش فيه؟ احد ينسى خله ؟ كيف ابنساك وعقلياً وروحياً معك طاريك يهزني وحييلل اللهم الثبات بس !!
ورجع كتب لها : خلي صباحك حلو من كُل مرره وافطري باقي لك كم شهر وتتخرجين ولا رجعتي بوصيك على كم شغله
شافه نياف متكي على جواله : حالكم يالمتزوجين ماش عقد العزوبيه مستمر معي هالسنه والسنين الجايه ان شاءالله
ضحك فارس : يمكن يبلاك لدرجة اشوفك واقول الله لايبلاني بلاك ؟
نايف : بسم الله الله يحفظني
فارس بصدمه وضحك خطتي الجايه نوكل نجود شخصياً تدور لك
ضحك نياف : لا بالله اكره هالطاري
فارس : معاك شخصياً الي يكره الحُب بس طاح على وجهه
نياف : طبيعي اختي بتجيبك على وجهك وش زينها
فارس : لاحول الله عجزت فيكم
نياف : افا تعبتك اختي ؟ تستاهل اكثر هههههههههههههههه
فارس ضحك من تذكر : عاد لمن درت اني نمت 4 ساعات ونت بالطريق قالت افا اخوي يسوق فيك ونت نايم ؟
ضحك نياف : عاششششششت اخت نياف عاشتت
فارس : الله المستعان الله يحرمنا من هالتعزيز
نياف ابتسم بخُبث : احمينا ولا تستجيب له ييييييارب
ضحك فارس وهوه يمسك جواله ويتشاورون حول فطورهم ..
~
توجهة تطلع لغرفتها من بعد مافطرت فتحت جوالها وهيه تشوف رسالته ابتسمت وهيه تششوفها بحُب بكل مره يوضح لها بطريقته وبغزله فيها من يعني لها ، طريقته خاصه فيه في نطقه وش كثر يحبها يوضح اهميتها عنده هي تحب رجولته وقوته وانانيته فيها تحب كيف تعامله معاها استثنائي وغير عنهم جميعاً ! توضيحه بفصح حُبه لها تعجبها وكثيير عجزت هالمره وش ترد علييه مو قادره تخفي ابتسامتها او تقلل منها تخاف تنحرم من كُل هذي تخاف من البعد تخاف الشهور بدونه ! حنيته خوفه عليها حرصه بانه يحصنها بقلبه بتذكيره لها دايماً تنتبه على نفسها تحب كل جزء فيه كُل شيء صار يذكرهاا فيه مسكت تبي ترد عليه بس تحس كُل الحروف وكل الكلمات تطير من لمن يتغزل فيها بطريقته : افف فارس عجزت !
شافته فتحها بالثواني : لجل مره ثانيه ماتقولين فارس ينساك
ابتسمت : ماتنساني صح ؟
ضحك فارس : شكل لازم نعيد الكلام الي حصل فوق !
ضحكت بتوتر : شدعوا نمزح معك شفييك تصدق ؟
فارس : داري انك مافهمتي يالفاهيه
ابتسمت وهوه صاير يعرف كُل حركاتها وكُل تحركاتها
وبتفكير : توصيني على ايش فارس ؟
فارس : لاجيتي نتحاكى صارت الساعه 7 توجهي لدوامك وخلصي
ابتسمت وهيه تترك جوالها وتلبس الجاكيت الاسود هدية نياف لها خرجت هيه ونايف متوجهين للمدرسه . .
~
عند نجمه >
خلصت من كوي ملابسها وهيه تجهز شعرها وفهد الي يتقهوى وعلى لابتوبه طلعت برا الغُرفه وهيه تدور على بشرى الي فعلاً داومت من 7 رجعت تأففت بضيق ناظر فيها فهد لثواني : شفيك ؟
نجمه : ابي اشوف بشرى من زمان عنها بس قالت لي خالتي داومت
فهد : احس بديت اكتشف انك غبيه ؟ توي خارج من عندك وصلتها ورجعت !!
ضحكت بفهاوه : خرجت توصلها ؟ والله مانتبهت
فهد هز راسه ب اي وضحكت من غبائها !
فهد : بغيتي شيء منها ؟
نجمه : بس كنت بشوف الفاونديشن حقها لان حقي بيخلص
فهد : نشتري منه لك جديد نروح العصر لو ودك
نجمه : اذا رجعت من الجامعه ومو تعبانه طيب نروح
فهد هز راسه ب طيب ورجع لابتوبه خلصت كل شيء وهيه تتوجه له يلا مشينا
فهد ابتسم وهوه يشوفها لأول مره كاشخه ولابسه لجامعتها ابتسم برضى وهيه تلبس عبايتها ركبت السياره واول ماركبت والتفت له : فهد ابي قهوه
فهد بصدمه : طيب قولي الله يحفظنا نتوكل على الله ابي قهوه ايش ؟
نجمه ضحكت : توكلنا على الله بس منجد خاطري بقهوه
فهد : ابشري
~
خلصت الحصه وهيه مبسسوطه بهجتها ليومها هذا غريب ! التفت للها شروق : انتي اليوم في شيء حلوو بوجهك مو طبيعيي
ضحكت نجود وسحبتها غلا : منجد ، اختفت البنت هذا ثاني يوم تجيه ومنجد تفتحين النفسس ؟
نجود : مادري بنات بس الراحه النفسيييه لها دور !
انصدمت شروق : محسستني اول عايشه بدوامة حُزن؟
نجود ضحكت بصدمكم بشيء ؟
غلا : حسيت ان في شيء والله
نجود : تزوجت بنات !!
شروق بصدمه وهيه تغطي وجهها من صدمتها وغلا الي شهقت ونجود الي تضحك على ردة فعلهم الغريبهه !!
غلا : متى كنتي ناويه تعلمينا لا جبتي عيال ؟
شروق : كيف ومين وايش صار غردي !
نجود وهيه تعلمهم بكل شيء تحت تاثير صدمتهم وسكوتهم هالمره فعلاً شروق الي كانت تعبر عن صدمتها سكتت وغلا الي تضحك من الصدمه
شروق : فارس هذا جديد علي ماحكيتي عنه
غلا : الا تذكرين من لمن تقول له دايماً اسمع اسمه وو
نجود هزت راسها ب اي : فعلاً مو فارسس الي كنت اشوفه حسيت خرج من جواته الطف واحن شخص بالعالم
ابتسمت شروق : اجل الله يوفقكم ويبني بينكم على خير
غلا : امين يارب وجيبو سميتي لااوصيكم
ابتسمت نجود من لمن دق الجرس وهيه تتوجهه للي جا لها هاليوم مشت من سمعت اسمها وهيه تشوف انه ابوها حضنته وهيه تمشي ويدها حول ظهره : يبه لاتختفي عنا كذا !
فيصل : تعودي يبنيتي ان التجاره صعبه كذا
نجود : اي يبه يمكن بيوم من الايام اساععدك انا فيها
ضحك فيصل : ان شاءالله وناظر فيها ودك بشيء ؟
نجود : لا يبه بس بنروح للاسطبل ومن بعدها على العشاء يمكن نروح السوق تعطيني فلوس ؟
فيصل : مع نايف ؟
نجود هزت راسها ب اي وهوه يعطيها صرافته متوجهين للبيت بدلت وكل شيء وهيه تاكل التفتت لنور : نور تجين معنا ؟
نور : الاسطبل السوق ؟
نجود : كلها الاثنين
نور ابتسمت : افكورس بجي معاكم احتروني
نايف : استعجلييييي ورانا مشاوييرر
نجود ضحكت : ماعليك منه بنحتريك يلاا
نوره : اتركها تجهز على راحتهاا يانايف
اشر لها على خشمه وفتحت جوالها ترسل له
رجعت بس كنت ابدل ملابسي واكلت وتوي خلصت وش الموضوع الي بتوصيني عليه ؟
فارس الي ابتسم من لمح اشعارها : ياهلا وياهلا وياااهلا
ابتسمت نجوود : ياههلا
فارس : متى بتروحين بيتنا ؟
نجود : ماعرف فارس نايف يقول عمي سليمان لسى ماخلص اشياء انت موصيها للبيت وماعرف يمكن بعد اسبوعين اشوفه ؟
فارس : بتطولين كذا
نجود : يمديني اساساً مابسوي الا الصاله وغرفة النوم
فارس : والباقي ؟
نجود : اذا جيت انت كملناها سوا
فارس ضحك : عليك غرفتنا ونا خليني اسسوي الغرف الثانيه
نجود : لا فارس سوا
فارس : اكيد شلون نسوي غرفة سلطان بدون حضور امه ؟
انحرجت وكثيير وضحكت بذهول منه : لا تفكر فارسس اف
عرف انها انحرجت وضحك : وش تسوين ؟
نجود : انتظر نور بنروح للاسطبل
فارس : صح انتي ماتشاركين سباقات ؟
نجود : شاركت بسباق بس فاز علي الخايس فهد
ضحك فارس : لاجيت نتسابق انا وانتي
نجود : اوكي بس انا وجديل بنفوز
فارس باستغراب : جديل ؟؟
نجود ضحكت لانه مايعرف جديل : الخيل ؟
ضحك من استغرب اسمه : ليش جديل ؟
نجود : عاد بكل شيء استثنائي
فارس : لاتعلميني عنه لا جيت بشووفه بس هاتي لونه
نجود : ابيض ساده مافيه ولا لون
خلصت من السوالف وهم يتوجهون للسياره الأسطبل اخذت قهوتها المفضله وارتاحت من خشت برجولها الاسطبل مشت تتوجه لجديل وشافته يركض لها : وحشتنني وحشتنييي ياجمل من يركضض ليي
نايف : مالومك اذا حبيبته لو انا يستقبلني العز كذا اوووه كان اعطيته كُل الحبب
نور : نتسابق ؟
نايف ضحك : شفيك مستعجله انتي اصبري شوي
ضحكت نور وهيه تمشي تتوجه للخيول ..
~
عند نجمه >
من خلصت وهوه جاي اخذها ركبت السياره بتعب والتفتت لفهد شفيك تاخرت ؟ ناظر فيها وابتسم والتفت لورا ياخذ بوكيه الورد شهقت نجمه بابتسسامه وهيه تشوفه ونطق فهد : عشان هذي تاخرت
نجمه : تجننن فهددد شششكراً قربت وهيه تبوسه بحركه عفوييه
فهد سكتت يتأملها لثواني : لاتشكريني على شيء يخليك مبسوطه
ابتسمت وهيه تصور سنابب وهوه يشغل لها اغنيه والتفت لها ودك بالسوق ولا وقت ثاني ؟
نجمه هزت راسها بالنفي : هللكانه ومالي حيل وقت ثاني
هز راسه ب طيب وهم يتوجهون للبيت
___________
مشت لجديلها وهيه تمسح على وجهه وتسولف له ونايف الي يشوفها ويضحك تعامله مُعاملة الانسان وتسولف له ! رفعت نفسها تحط رجلها اليسار ومررت رجلها اليمين من فوقه لحد ماركبت تأملت شعره الي صبغته وردي لها وهيه تتذكر نايف وتبتسم مشى جديل ونجود الي رفعت يدهاا لفوق وهيه تستشعر حلاوة الركوب بعد مده طوييييله وخصوصاً مع جديلها
نايف : حيييي عينك يالعززز
نجود : حلاة الركوب بعد مددده طووييييله الششعورر عسل عسلل
نور جت من بعيد : ايه الحلاوووه ايه الحلااووه دي
نجود ضحكت بغرور وهيه تمشي مع جديل من ثم ركضضت وهيه ترفع يدهااا تمنت انه يجي الوقت الي تتعدا فيه حواجز التدريب ، زفرت بضضيق وهيه تصور لفارس من طلب منه انها تعيشه كُل لحظه هيه بعييده عنه وفعلاً كانها حوله من قربها منه ماحس بالبعد ابداً فكرة انها حَرم فارس تطمنه من الف شعوررر يجتاحه بأي وقت
نايف : يلا نتسابق ؟
نجود : اوكي يلا
توازنت الأحصنه ونور الي ترفع يدها لجل يبدون مشو وهيه مبسسسوطه مع جديل كانت تحس بشعور غريب فيها تعوذت من الشيطان وهيه تبتسم ارتخت يدها وهيه تتمسك باللجام بس انحنى جسمها وهيه تحسها ترتخي سحبت اللجام بس للاسف كانت مُنحنيه وطاحت وهيه تحس انها بتستفرغ باي وقت مسكت راسها ونايف الي يركض لها : بسم الله عليك فيك شيء ؟
نور : بسم الله على قلبك جاك شيء؟
نجود ترجف وهيه تحس انها بتبكي باي وقت تحس ان ضلوعها وكل امعائها بتخرج من فرط الشعور الي تحسس فيه مسكت يد نور بققووه وتوجه نايف ياخذ لها مويه وشربتها
نور : نجود غبيه انتي ؟
نجود هزت راسها ب لا
نور : طيب حماره انتي ؟
هزت راسها ب لا وضحكت نور ياغبيه طيب في شيء يالمك ؟
نايف : شكل جديل حس بتأنيب الضمير شوفيه واقف بالزاويه
نجود ضحكت : والله جاني شعور غريب الي ارتخى جسمي لا ارادياً لو ماوقف جديل وطيحني كان ممكن طحت طيحه اقوى من كذا حاولت تقوم والتفتت على جديل بس صرخت بالم وجلست من حست راسها بينفجرر : رقبتي رقبتي اوف
نور فزت : اشبها ؟
نايف : يمكن عصب مشدود ؟
نجود زفرت بالم : مادري بس تالمني
نايف : حاولي تقومين بس لاتتلتفتين يمين ويسار انتبهي
نجود : اوكي بس لحظه جيبو عبايتي ونايف قول للعامل يدخل جديل للكشك بكرا نرجع
نايف : مو اكيد ماندري وش فيها رقبتك امشي بس
نجود تأفتت وهمست لنور : اسفه
ضربتها نور بخفه وصرخت نجود بالم تكفين حتى الخفيف يالمني
نور بحده : لاتعيدينها نجود !
نجود هزت راسها ب طيب ..
توجهو للمستشفى الي رفضت نجود رفض تام تروح له بس راحت لجل خاطرهم وتطمنو انه مجرد شد بالاعصاب وبيروح مع المرهم قررت تسكت وماتعلم فارس اي شيء مع انها كانت تتألم كانت فعلاً حالتها فوضويه بس ارتمت على السرير بتعب ودقت عليه
فارس : ياهلا بالي تحبه كل اسبابي ياهلا
ابتسمت بتعب : ياهلا ، كويس اني كُل احبابك
فارس الي كان صوته يبشر لها انه بخيييير ومن اتصالها صار فعلاً مبسوط وضحك : تعرفين انك كل احبابي
ابتسمت وهيه تحط الجوال سبيكر : فارس يصير ماتقفل وتجلس معي على الاتصال ؟
فارس : صوتك مو عاجبني فيك شيء ؟
نجود : لا بس فيني ارهااق صاحيه من 5 سكت وهوه يحس انها منجد تكذب عليه والغريب انها راجعه الساعه 3 العصر ؟
فارس : تحاكي !
نجود : تكفى فارس خلك على المُكالمه ونا بنام
فارس : لاتقولين تكفى ونتي تعرفين ماقوى ؟ لاتترجيني ونا اسمع صوتك غريب وتترجيني اسكت ! خاف يكون احد زعلها او قال لها شيء خاف يكون انها تضايقت من شيء ولا قالت له ،
اخذ جوال نياف يدق على نايف
نايف : ارحب
فارس : البقى هلا والله
نايف رجع يناظر الاسم وهوه يسمع صوت فارس : بسم الله لايكون صرت اتخيل صوتك بعد ؟
ضحك فارس : يمكن بس الحين ليش ماتنتبه لنجود ؟
نايف تأفف : والله مدري كنا نتسابق وفجاءه شفتها طايحه
فارس الي المه قلبه من عرف انها طاحتت ولا قالت له :
فارس الي يمثل المعرفه وانها قالت له : طيب تعرف ليه طاحت ؟
نايف : بس قالت ارتخى جسمها وتحس انها بتستفرغ زفر بضيق وهوه يقرب الجوال منه يسمعها تبكي ولا ساكته بس ماسمع منها شيء
ونطق نايف : الدكتوره قالت مافيها شيء بس شد عصبب وعطيتها المرهم على رقبتها قبل تطلع غرفتها والحين ضنتي نايمه
فارس : غريبه تعرف للخيل وتتصرف معه شلون طاحت ؟
نايف زفر بضيق : هذا المستغرب منه 
فارس : لااوصيك عليها نايف بالله !
نايف ضحك : ماعليه بحفظ الله ورعايته
ابتسم وهوه يقفل منه ويرجع ناداها : نجود ومرتين والمره الثالثه ولا ردت من عرف انها نامت توجه يجهز اغراضه اليوم اخر يوم يجمعه معاها نامت من تعبها وعلى حسه ولا رفض انه يقفل مُكالمته حصنها ويستودعها ربي بقلبه كيف لجئت له ونامت على حسه وهوه بعيد عنها ، كيف بيقوى بتتعب وتمرض وتزعل وتتضايق ومابيكون حولها فارسها حولها يدعي ان تمر هالايام بلمح البصر ولا تتعذب ولا هوه يتعذب هوه عارف انها بتكتب له كل شيء يصير معاها ولا تتركه بدون رساله حتى لو تدري مابيرد عليها بس كثييره عليها 45 يوم وحييلل غمض عيونه بتعب من اخذته الهواجس يحاول يتناسى كل شيء فز من سمع صرختها
فارس : بنت اشبك ؟
نجود : انت باقي على الخط ؟
فارس : اي بس الحين علميني رقبتك ؟
نجود : اف فارس تالمني كثيييير وغمضت عيونها من تجمعت الدموع بعيونها
فارس : لانتحركين واجد ولاتلتفتين كثير يالملقوفه اركدي
ضحكت من سماها بهالاسم : كنت نايمه مو بوعيي طبيعي بلتفت
سكتت فارس وقرر يتكلم ويسولف معاها ويغير جوها بس صدمته من رجعت تنام على حسه ضحك من عرف انها نامت يالله عساه نومك هّني وان شاءالله تصحين راح الالم استودعها بقلبه وهوه متاكد انه يعشقها يوم ورا يوم وحُبه لها يزيد اكثر من المعقول زاده البعُد حب كيف لا صارت فحضنه وله ومنه وفيه ؟ ابتسم وهوه كُل ما جا طاريها يبتسم ويعيش مشاعر حب غريبه وجديده عليييه بس بسببها هيه تحديداً وده يقول لها تبسمي واضحكي وابكي واخجلي وتوترتي كلها معي يحب ضحكتها ويحب كل التفاصيل فيها دلعها وعبطها معاه كل شيء معاه يعششقه كل تفصيل ولو بسيط بالنسبه لفارسس هالشيء عنده غيير عطرها شعرها شامتها كل شيء فعلاً يضيع فييها بكل تفاصيلها الي يحبها اكثر غمض عيونه من حس بالنوم يداهمه حط جواله سبيكر لجل لو صار شيء يصحى على طول
____________________