الشوق ما يرحم صدقني

ايميلا 3

"ابتسم .لقد ابتدا يوماً جديداً من عمرك تفائل بمن تحب أن يكون وفوض امرك لله دائماً "

عني ..
1ما همني ما عجبتكم الروايه فالنهاية هي روايتي
بس اذا عجبتكم انا مرره مبسوطه منك

2اذا انت تشوف ان روايتي ما فيها جرائة تذكر انها ليست مكتوبه للبالغين

3 اذا ما حبيت شخصيه احد بهالروايه تذكر انها فقط من وحي الخيال لا أكثر.

4 ان شاء الله تعجبكم روايتي للكاتبه (ياقوت)
هذا مو اسمي طبعاً وإنما هو لغب من اعز صديقاتي .

..................
نزلت من السياره ودخلت للجامعه .
اما هو دور عليها بعيونه وما شافها ولف وراح
شافته راح وابتسمت وطلعت من ورا الشجره ودخلت للجامعه ..
شافت نور راحت لها .
جود :نور وش رايك اليوم المساء بنطلع مع بعض يعني نغير جو ونفلها واليوم الأربعاء بكره خميس ما عندنا شي
نور :اي والله حتى انا كنت محتاجه لهطلعه ان شاء الله بعدين نكلم ياسمين وترضى
جود تنهدت :طيب وين نروح
نور :افا عليك نروح كوفي ال....
الي انفتح قبل اسبوع ..
جود لفت لنور بعيون دامعه:نور
نور بخوف:جود وش فيك
جود بكت:اهئ اهئ نور خايفه
نور حضنتها :من ايش خايفه وانا معاك
جود بعدته عنها :بس مراح تعصبين علي
نور مسحت دمعتها بحنيه :قولي وانا اختك
جود تمسح دموعها وانفها المحمر من البكي:تعرفين
شهد ال..
نور كشرت :ايه وش فيها
جود :انا اانا اقصد تعرفين اخوها الي ..
قاطعتها نور:اي اعرفه وش فيه
جود :هو انا احبه
نور ناضرت عيونها بصدمه ..وبعدين:هههههههههههههههه اااااه يابنت فكرت بتقولين اذاك او شي طلع السالفه حب
جود تضربها على كتفها :اسكتي خليني اكمل
نور :اي كملي كملي وش ورانا
جود :حتى هو
نور :وش حتى هو يحبك ؟
جود :اا مدري .ايه يمكن ايه
نور :وضحي
جود :حكتلها كل شي صار من تعرفت عليه
نور ماسكه الضحكه :يحرام ما قدر يصبر جا واعترف لك
جود :نور بلا عباطه ترا انا مو متأكده يحبني ولا يلعب
نور :يا غبيه يا غبيه لو يلعب كان مرقم بنات للجامعه كلهم من اولهم ريم وش حده جاء لعندك
جود :اووف مدري مدري
نور :طيب اذا كلمك مره ثانيه قولي له أدلك على البيت
اخطبني وبعد ما اخلص جامعه العرس وبس
جود :مدري مرره متوتره
نور :بنت اثقلي
جود :ابتسمت وحضنتها ونور بدلتها الحضن ...
طبعاً الكلام كان تحت مسامع شهد الي الفرحه شاقه وجهها ...
.......................
جالسه على مرايتها تتأمل ملامحها الي كلها علامات ووجهها المشوه من الضرب
فزت من سمعت صوت الباب ودخل احد قام لعندها مسكها من شعرها :انا وش قلت لك هاه وش قلت قومي اعملي غداء بسرعه قبل لا انحرك ورماها بقوه واصتدم راسها بزاويه الباب وصارت تنزف
ملاك ببكي ووجع : ناصر بليز مني قاده حاسه بموت من الوجع كفايه
ناصر راح لعندها عطاها كف لف وجهها ورجعها بالثاني انا لما اقول كلمه ما اعيدها فاهمه وبصراخ:انقلعي
ملاك هربت جري للمطبخ لأنها عارفه مراح يرحمها لو ردت عليه .
طلع من الغرفه وراح لاخوه الي بالمجلس دخل
ناصر :منصور قوووم روح غرفتك خويي بيجي الحين يشوفك بهالحال
منصور يهذي من كثر الشرب :يا يا خي خليه يجي ونستمتع معاه وخليه يجيب لنا بنت حلوه كمان
ناصر سحب اخوه للغرفة وسكر عليه
وراح للمطبخ :اسمعي معاك ربع ساعه لو الغداء مو جاهز برميك من الشباك فاهمه
ملاك ما ردت
راح لعندها وشد شعرها وبفحيح :فاهمه
ملاك متوجعه بقوه وتطلع الحروف متقطعه:فا همه
رماها وطلع
......................
الساعه 8 مسا
شهد بغرفة سطام
شهد :سطام شرايك نطلع للكوفي الجديد من زمان ما طلعت
سطام رما نفسه فوق السرير:مالي نفس اليوم اجليها لبكره
شهد قامت :براحتك كنت بتشوف جود بس دامك ما تبي خلاص
سطام فز من فوق السرير :هي هناك وش عرفك
شهد ميته ضحك :ههههههه اي هي هناك سمعتها تقول تروح هي واختها مدري صديقتها
سطام :خلاص البسي خمس دقايق ولا بروح لحالي
شهد طلعت وهي ميته ضحك
بعد عشر دقايق اجت :يلا
سطام:ما شاء الله هذه خمس دقايق عندكم
شهد :مالك دخل انت المهم بتشوف حبيبة القلب
سطام ضمها بقوه :كشراً اختي العزيزه
شهد بعدت عنه :اخي العزيز لقد كسرت أضلعي
سطام ضحك على الفصحا ..
شهد :سطام ابقى سلطان يجي معنا
سطام :ايه بتصل عليه وبقول له
......................
سديم :عن اذنك بجيب الشاي
دانه :اقول انقلعي بس عاد تستأذن
سديم كشت بوجهها وراحت
قامت تجيب الجوال بس انقطع السلسال الي على رقبتها ونزلت تجيبه .
دخل البيت يحسب ما فيه احد شافها معطينه ضهرها وجالسه بالأرض فكرها سديم مشى لجنبها وصرخ باذنها
دانه فزت برعب وخوف وحتى يديها على اذنها :يممممه
ريان مصدوم :دانه
دانه تبكي من الخوف وتناظر فيه
ريان يناضر لملابسها بتمعن كانت لابسه (فستان لساق ماسك من الخصر ومربع عند الصدر بأكمام نص لونه فوشي وحاطه ميك اب خفيف وفاتحه شعرها )
ناضرت فيه ودفته للخلف :قليل ادب قوم انقلع
ريان قام :ما شاء الله تطرديني من بيتي
دانه :روح قبل تجي اختك بسرعه روووح
ريان بغمزه:عادي تجي وش فيها
دانه :طيب ريان علشاني روح
راين وهو طالع :اوك علشانك
على دخلت سديم :الله الله ترا تحبو بعض سمحنا بس تقابلو بعض ما يجوز
دانه بسرعه:والله هو جاء مكنت عارفه
سديم بضحك:ههههههه خلاص خلاص شوي عرفنا
دانه وجهها احمر ومعرق :ابقاء مويه
سديم:تدلين المطبخ
دانه :والله هذاك اول دحين اخوك داخل
سديم :طيب رايحه
سديم جابت لها مويه :تفضلي
دانه اخذت الكأس:سديم بقولك شي
سديم :ايش
دانه :والله افكر اشتغل بمحل أدوات التجميل
سديم :قولي غيرها واصلاً اخوك مراح يوافق
دانه :ماشاءالله تعرفين اخوي اكثر مني والله
سديم استحت:لا بس اعرف ان اخوك مراح يوافق لانه انتي مو محتاجه فلوس واي شي تطلبينه موجود
دانه :اي الا عاد ما قلت لك
سديم سرحانه:وش
دانه :خلصنا ترتيب العرس
سديم لازالت سرحانه:هاه حلو
دانه ماسكه الضحكه :مستعجله
سديم استوعبت :هاه لا مو قصدي مكنت معاك والله
دانه :هههههههههه خلاص بقول لنواف يعجل
سديم ارتحت ووجهها صار احمر :دانه بلا استهبال خلاص
دانه :ههههههههه يعيني على الي يستحون
سديم تصرف الموضوع:الا بقولك شي
دانه:وشو
سديم :ريان بعد زواجي بيتقدم لك
دانه :اي اكيد لو ما تقدم لي انا بتقدم له
سديم بضحكه:هههههههههخلاص بقوله لا تتقدم لها هي بتتقدم لك
دانه تحط يدها على فم سديم لأنها سمعت صوت ريان :اووش فضحتينا صغري صوتك
سديم تبعد يد دانه :خلاص كتمتيني
دانه :سديم الا اقول عمك مصعب موجود هنا ولا بقطر
سديم تنهدت:لا بعد ما طلق زوجته تزوج وحده قطريه وسافر معها لقطر وترك عياله هنا
دانه :اي ذكرت هذيك وش اسمها بنته الي كانت تجلس فبيتكم
سديم :هاه قصدك ملاك الله يعينها معها اخوان شياطين مو بشر
دانه عقدت حواجبها:ليه
سديم :ما عليك المهم خلينا بنفسنا
..........................
دخلت المكتب وجلست بدون استاذان
نواف يناظرها من فوق لتحت :وعليم السلام
مي تفشلت:سوري السلام عليكم
نواف :اظن مافي داعي اشرح من جديد كيف تبدأي صح
مي بمياعه :افا عليك ازهلها بس
نواف بتقزز:معليش لو اجيتي مره ثانيه نقصي من العطر لاني ما احبه
مي تعدل شعرها :والله مالك دخل وعلى فكره انا بشتغل معاكم مو لكم اوك
نواف ماسك نفسه :طيب فيك تمشي
مي تعدل حجابها وتقوم :باي انا بمكتب عبد العزيز لو تبيني
نواف وهو فاهم قصدها :طيب فيك تمشي
مي راحت ودخلت مكتب عبد العزيز اما عند نواف
دخل ابو نواف :السلام عليكم
نواف قام :وعليكم السلام تفضل يبه اجلس
أبو نواف جلس
نواف :يبه وش ذا قلنا مايعه اوك بس مو لهدرجه
أبو نواف :بس هي الوحيده الي بطلعلنا الخاين
نواف:طيب كيف
أبو نواف يشرح:اسمع انا جبتها وانا عارف انها بنت حسين ال ... هم مفكرين اننا مو عارفين وبكذا يستدرجونا ويخلون مي تاخذ اخبارنا لهم ويفلسونا بسهوله بس احنا بنقلب الطاوله عليهم بأننا نعرف ان مي تكون بنتهم وراح نعطيها الاخبار الغلط علشان توصل الكلام لابوها وبكذا نحط عندهم جاسوس يجيب لنا المعلومات الصح ونفلسهم احنا بسهوله
نواف بابتسامه مكر:واو إبداع بس معليش يبه خل عبد العزيز يتصرف معها لاني الصراحه متقزز من ذب الأشكال
أبو نواف بضحكه:ههههههه خلاص صرفها لعبد العزيز وانتبه تطيح بدربها
نواف:أعوذ بالله منها ومن الشيطان مستحيل هذي البنات اكره بنات بالنسبه لي
أبو نواف :الا وش صار على العرس جهزت لكل شي
نواف كشر :يبه انا كلفت امي بكل شي
أبو نواف: الحين انت بتزوج ولا امك
نواف :هههههه ببه الله يهديك امي بس تاشر والعمال يشتغلون
أبو نواف قام :المهم انا طالع واسمع حجزت لك استراحة ال.... خل الزواج يصير فيها طيب
نواف:طيب
أبو نواف:يالله مع السلامه
نواف :بحفظه
...........................
نور :اوووف والله الطلعه بدوم ياسمين ملل
جود:ايه صح ليش ما جات
نور:مدري عنها قالت عندها شغل مهم فالشركه
جود :اها ...وصفنت بالي قدامها كان سطام
نور :بنت وي وين رحتي
جود نزلت راسها :يارب ما يشوفني هذا سطام
نور:هههههه وش رايك اسحب واخليه يجي يتكلم معاك
جود :والله بقتلك غطي علي
نور :هههههههه شكلك يابنت المهم بروح اطلب وش تبقين
جود تناضر يد سطام معاه كوفي بارد :اا ابقاء كوفي بارد
نور :اوك ابشري وراحت تجيب
اما عند سطام فالسعودية يدور عليها بعيونه واخيراً شافها ابتسم وجلس
شهد ناضرت لمحل ما يناضر :الله الله علينا ما باقي تروح تجلس جنبها والله
سطام :اسكتي بس لاسويها صدق
شهد:هههههههههههه
سلطان جالس يطلب :لو سمحت
الكاشير :يس ايش يبقى
سلطان ابقى ....ما كمل كلمته لان نور دخلت مداهمه :لو سمحت اثنين كوفي بارد سريع
سلطان يناظرها هذا الصوت مو غريب علي شوي تذكرها نور هي نفسها
الكاشير راح يجيب طلبها
سلطان من وراها :والله وانتي لابسه العبايه بس للاسف ما فيك انوثه
نور لفت وانصدمت :خير انت ملاحقني لهنا
سلطان ابتسم بسخريه: الاحقك معاد الاهي الاحق كائن مدري هو رجل ولا مراه
نور ابتسمت على جنب :هه اقول خليك بشغلك يا استاذ اوك
سلطان :معليش اخ نوري أشغلتك جاء طلبك فيك تروح
نور اخذت الكوفي بعصبيه وراحت
سلطان بعد ما راحت حس انه جرح خاطرها بس قال بنفسه:تستاهل متشبهه
......................
بعد مرور اسبوعين بالضبط ....

نواف وسديم زواجهم بكره
&&
دانه وريان لا جديد
&&
جود وسطام المشاعر متبادله بس ولا واحد تنازل وأقل للثاني
&&
نور وسلطان يومياً هواشات على طلعتها اخر الليل وطبعاً صارت تكرهه بقوه لانه كل يوم يقول لها نوري
&&
وش قصت ملاك يترى
&&
ريم الاسبوع الي فات ما جات للجامعه
&&
عبد العزيز كاره عيشته من تعرف على مي خخخخ
&&
الباقيين لا جديد
&&
..............................
انتهىىىىىىىى.