الشوق ما يرحم صدقني

ايميلا 15

احب الحياة..
كونها تحبني..

..
يا مؤرخ التاريخ لا تؤرخ
ذكرى الذي بيني وبينه مريخ..
..
دعهُ يسبح في الفضاء..
فلم يجد مثلي في التاريخ..
..
يا مؤرخ التاريخ حزني بحر..
هل قد رايت مثله في التاريخ..
..
♡♡
ودعتك الله لو على قلبي اخطيت..
حاربتني من دون ذنب وخطيه..
..
احسبك تذكرني كلما اصبحت وامسيت..
واثرك على فرقاي نفسك هنيه..
....................
يوجد بواقعنا؟
وجع مؤلم ..
وروح حزينه ..
وماضي قاسي..
وامال عميقه ..
ولكن يوجد مستقبل مخفي ..
....
تعليق: لا تلهكم الروايه عن الصلاة اللهم اني بلغت اللهم فاشهد.
.....
جالس فمكتبه يفكر تفكير عميق تفكير مالا نهايه على صوت دق الباب
سلطان:ادخل
دخلت الممرضه هيا:دكتور سلطان الحاله الي كلفتني فيها المريض بدا يصحى ممكن تجي تشوفه
سلطان قام:طيب الحين
طلعت هيا وطلع وراها سلطان..
دخل سلطان للمريض وشوي وطلع:ممرضه هيا
هيا :نعم دكتور سلطان
سلطان بأمر:اهتمي بالمريض زين وكل ادويته بموعدها طيب
هيا :حاضر
سلطان طلع من المستشفى ودخل السياره شوي واتصل عليه نواف:الو
نواف:اهلين سلطان كيفك
سلطان:الحمد لله بخير وانت كيف امورك
نواف بابتسامه:الحمد لله طيب المهم بعد يومين قررنا نروح الديره اسبوع ، اسبوعين ونرجع شرايكم تاخذون اجازه وتجون كمان
سلطان تنهد :والله  مدري حتى لو اجيت انا يمكن سطان ما يجي
نواف عقد حواجبه:ليه عسى ما شر
سلطان بضيق :سالفه طويله لاجيت قلت لك الحين
نواف بتنهيد :يالله خير ..
................
بيت البنات ..
ياسمين للحين بالشغل
وجود تعبانه
نور بضيق :طيب قومي كلي شي ولو بسيط
جود بتعب :مالي نفس ، بعدين
نور باصرار:يخي كلي شي لا يغمى عليك
جود :نور قلت لا خلاص مابي
تنهدت نور وطلعت اخذت عباتها تلبسها بس خافت الحين نص الليل وهي لحالها اهذت الثورب والشماغ وطلعت ..
شافت جنب الصيدليه كثير شباب توترت بس بعدين دخلت وأخذت  الدواء وطلعت بس للاسف طاحت اللثمه قدام كل الشباب رجعتها بسرعه بس شافت ولد يمشي تجاهها:لحضه
نور لفت بصوتها الرجولي:نعم اخوي بقيت شي
الولد بخبث:مو لايق على جمالك صوت الرجال مررره
نور توترت بس ما بينت :تطنز انت ووجهك
الولد بضحك:مصره تمثلين انك ولد
نور خافت ولفت بتمشي بس مسكها من يدها ورجعها له : بل بل على وين يحلوه
نور دفته بقوه ولفت بتركض بس صدمت بشي عريض:اه
سلطان للولد :شكلك تبي مشاكل الحين
الولد خاف وراح
اما سلطان سحب نور من يدها ودخلها السياره ومشى فيها بسرعه جنونيه لجنب البيت دخلها ودخل معها  وبعصبيه:هاه ان شاء الله انبسطي مدام نور من الي صار
نور فكت يده بقوه وعصبيه:وانت وش دخلك هاه وش دخلك فيني لا تتدخل فاهم ،شي ما يعنيك لا تتدخل
سلطان مسكها من جديد وبفحيح:وش طلعك انا كم مره قلت لك لا تطلعين هاه تكلمي انتي ايش تحسبين نفسك ولد هاه على فكره الولد وين وانتي وين
نور فكته من جديد بس هالمره كان بدموع:تتكلم بهاذي الطريقه وكان وراي اب يحن ويساعدني تتكلم وكان لي اخو يسندني وكان لي ام تلبي طلباتي تتكلم كذا لأنك على الاقل عرفت اهلك وعشت معاهم انا مالي احد صرت لنفسي كل شي صرت اب وام وأخ واخت انا ساعدت نفسي بنفسي ما حدا ساعدني ما كان معي ام تدفيني لو بردت ولا كان عندي اب يحضني لو بكيت  ولا اخ يسندني لو طحت ولا اخت تواسيني لو زعلت تمنيت لو عندي قدره اعيش حياتي كوني بنت بس ما قدرت
انهت كلامها وطاحت تبكي وكان هالكلام كان حمل ثقيل على قلبها وطلعته بوقت غلط وكانها كتمت كثير وانفجرت بهالوقت
اما سلطان تحسف حيل واوجعه كلامها تمنى لو انه سكت نزل وجلس جنبها ويمسح على رأسها الي كان مدفون بين ركبها:اسف والله اسف انا ما قدرت اتحمل الحين حسيت بوجعك تكلمت بس من القهر الي فيني تكلمت ولا حسيت  مدري ليش سويت كذا
نور رفعت راسها وناضرت عيونه :ليه ليه كل مره اشوفك فيها ليه كل مره الاقيك بوجهي ليه سويت كذا وكأنك تخاف علي
سلطان ناضر فيها : انا ما اخاف كثر ما اغار
نور انصدمت:كيف يعني ؟
سلطان غمض عيونه وتنهد وقام ولف بيمشي بس وقف وتكلم :لاني احبك  وراح
نور انصدمت وارتعش قلبها من كلمته يعني تصرفاته كذا لانه يحبني
..............................
بيت ابو عبد العزيز..
كانت طالعه من جناحها بس سمعت صوت احد يتكلم شافت باب جناح نايف مفتوح فتحه صغيره وواضح يكلم احد اقتربت من الباب تسمع ايش يقول ...
نايف بعصبيه:انتي ايش انتي ام انا ما اعتقد كذا ابدا انتي حتى ما تعرفين ايش يعني انسانيه صرت اشك انك امي خلاص لهنا وبس افترضي عبد العزيز او وجد عرفو والله ثم والله ماراح يسامحوك طول حياتك هذا اذا عبد العزيز ما بلغ عليك
ام نايف بدموع:كل ذا علشانك انت واختك صدقني يا نايف
نايف بقهر: انا بطلع من هالبيت لان الحياة فيه لا تطاااااااق
وجد سمعت الكلام بس مو فاهمه شي وش ماراح يسامحوك ليه وش سوت هي يعني لهدرجه توصل للبلاغ سمعت صوت نايف طالع دخلت جناحها على طول دون ما يشوفها
راح نايف
ونزلت لتحت كان أبو عبد العزيز وغرام بالصاله :سلام
ابو عبد العزيز وغرام :وعليكم السلام
ابو عبد العزيز:وراك ما نزلتي من فوق للحين
وجد بهدوا:ابد كنت اكلم خويتي
غرام بخبث:صديقتك هذيك الي اخوانها متعاطين  وانتي مصادقتيها
ابو عبد العزيز بعصبيه:نعم نعم وجد الكلام الي سمعته صدق
وجد بثقه:اي صدق وهاذي قالتها اخوانها مو هي
غرام :حبيبتي دامها اختهم فهي مثلهم
ابو عبد العزيز بأمر: تتركين البنت ما ابي لك اي علاقه فيها فاهمه
وجد بقهر: لا هي صديقتي وواثقه فيها وهي مو عايشه مع اخوانها علشان تصير مثلهم
غرام بخبث علشان تعصب ابوها: يعني بتكسرين كلمة ابوك علشان صديقتك
ابو عبد العزيز  قام :كلامي واضح البيت ما تطلعين منه والبنت هذي تقطعين علاقتك فيها وراح.
وجد تناضر للكاسه قدامها على الطاوله فيها نصها ماء بقهر قامت وأخذتها وكبتها على غرام وراحت.
غرام ترشت وعصبت حيللللل.
......................
بيت ابو نواف.
نواف : يبه وش رايك نروح لنجد اسبوع اسبوعين ونرجع يعني تغير جو ونرتاح منها.
دانه بتطنيز: نجد ما غيرها، كان قلت باريس ،المالديف، ايطاليا، بريطانيا، لندن، السو....قاطعتها ام نواف بعصبيه:بس بس اشوا بنت قال ايش قال باريس انطمي ،نجد ما تبين تروحين روحي نامي بقرفتك..
ابو نواف:اي والله حلو نروح ليش لا ولا وش رايك يا بنتي سديم
سديم بلطف : اي حلوه نجد ليه لا نروح
دانه بدفاشه:سدوووم يالله خلينا نطلع فوق بقرفتك سديم قامت: طيب يالله
قامت دانه وطلعو لفوق..
ابو نواف لنواف:اختك انخطبت
نواف ابتسم:والله مبروك مين؟
ابو نواف :ريان اخو سديم
نواف كشر:على خير ان شاء الله يالله انا طالع
ابو نواف باستغراب:كنه ما عجبك
نواف ابتسم تسليك:لا يبه شدعوه بالعكس يالله تصبحون على خير
ابو نواف:وانت من هله
...
طلع نواف للجناح دخل ودانه وسديم فيه :دانه روحي جناحك
دانه بمزح: طرده يعني
سديم بضحك:يمزح معك اجلسي
نواف رفع حاجب لسديم:امزح ،دانه قلت روحي جناحك
دانه قامت : مالت عليك وعليها كلكم نشبه وطلعت..
اما سديم خافت وقت اقترب منها:وش تبي
نواف يناظرها من فوق لتحت:ولا شي بروح وبرجع ويا ويلك تنامي..
سديم بتوتر:ططيب
طلع نواف واتجه لجناح دانه دق الباب
دانه على الجوال تراسل ريان:ادخل
دخل نواف وطفت الجوال على طوال:نواف اهلين تبي شي
نواف اشر لها بمعنى لا وجلس :اجلسي
دانه توترت وجلست:نعم
نواف:اضن عرفتي ان في احد تقدم لك صح
دانه بخجل:اي
نواف:ابقاك تردين على ابوي وتقولين مو موافقه
دانه ناضرت فيه بصدمه :ليه
نواف ابتسم ومسك يدها:اضن انك ماراح تكسرين كلمة اخوك الي حيل تحبينه صح
دانه ماسكه دمعتها بالقوه:اي
نواف :اجل مثل ما قلت قولي لأبوي اني استخرت وما ارتحت
دانه نزلت دموعها وراسها:ب بس انا ابيه
نواف رفع راسها وناضر فيها:في الف واحد غيره يتمناك
دانه باصرار:بس انا ابيه هو
نواف:احم طيب دانه ممكن تعطيني جوالك بشوف شي
دانه بخوف:لا فيه صور صديقاتي
نواف ابتسم بسخريه :صور صديقاتك ولا مكالمات ريان حبيب القلب
دانه ما تكلمت وصارت تنزل دموعها بهدوا وجسمها كله يرتجف بخوف ولا حتى قدرت تتكلم وتحس ان نواف الحين بيقتلها :-------
نواف يكمل:انا وثقت فيك وعتبرتك بنتي في يوم من الايام طلبتي شي وقلت لك لا ها في يوم قصرت معاك في يوم مديت يدي عليك واني صرخت عليك او زعلتك ولاجيت وراضيتك في يوم قلتي يا نواف وما قلت لك عيونه تكلمي ليش ساكته انطقي
دانه ساكته وترتجف بقوه ولا قدرت تتكلم ما حست على نفسها واغمى عليها نواف خاف عليها اخذ عباتها ووداها للمستشفى..
عند سديم غيرت ملابسها ولا اهتمت لكلام نواف طفت الليت ونامت....
......................
دخلوها الطوارى بعد ربع ساعه طلع الدكتور
نواف قام :دكتور  معليش وش صار فيها
الدكتور بابتسامه اطمانان:لا تخاف المدام بخير بس تقدر تقول انهيار عصبي مع خوف وصدمه
نواف تنهد :طيب دكتور اقدر اطلعها الحين
الدكتور :لا طبعاً لازم تجلس تحت المراقبه لمدة 24 ساعه
نواف باصرار :دكتور لازم اطلعها الحين ولو على مسؤوليتي
الدكتور بقلة حيله:خلاص تمام بتكون المسؤول عن حالتها بس تطلعها بعد ما يخلص المغذى
نواف بابتسامه:طيب ،معليش ادخل
الدكتور:عادي   وراح
دخل نواف بدون ما تنتبه له شافها سرحانه وتناضر الفراق ما أعطى للموضوع اهميه وراح جلس جنبها:الحمد لله على السلامة
دانه ناضرت فيه وبكت بصمت ..
نواف تنهد :خلاص يكفي بكى لا تخافين ماراح اسوي فيك شي ولا أعلم ابوي وكمان تبين ريان خذيه ما همني
دانه قامت وحضنته بس ما بادلها الحضن ابد :نواف انا اسفه والله مو بيدي غصب عني سامحني تكفى نواف تكفى
نواف بعدها عنه وقام :بنتظر برا لين يخلص المغذى اطلعي لي وراح دون يسمع منها اي كلمه ..
.....................
بيت ابو سلطان ...
سلطان بقهر :ممكن اعرف وش فيك هاه وش فيك
سطام ببرود قام :انا بطلع
مسكه سلطان من يده قبل يطلع :سطام ناظر عيوني
سطام ناظر له:نعم
سلطان بهدوا:وش فيك
سطام  بدون مقدمات حضن اخوه بقوه وعيونه حمرا لدرجه كبيره وعروقه بارزه :تعبان  اخوك يا سلطان تعبان حيل
سلطان بادله الحضن:سطام وش متعبك قول وش متعبك جعل التعب فيني ولا فيك
سطام بعد عنه وجلس فوق الكنبه بوجع:تخوني، شفتها بعيوني
سلطان ناظر فيه بحده: لا يا سطام ما  هقيت بنت تنزل دموعك ما هقيت
سطام ناظر اخوه:تذكر بهذاك اليوم حين كنا فالمتوسط وش قلت
سلطان ابتسم :قلت ماراح احب الا الي يحبني
سطام بضيق:طيب انا حبيتها هي ليه ما حبتني
سلطان :سطام ممكن اعرف وش صار بينكم بالضبط
سطام تنهد وحكى كل شي لسلطان ..
سلطان : طيب انت واثق فيها يعني متأكد من الي شفته
سطام :اي متأكد كان ماسكها من خصرها حسيت اني بموت غيره وقتها
شهد  من وراهم :تأكد 
لفو لها ..
سطام :متاكد
شهد جلست جنبهم :سطام جود حيل انسانه طيبه ومحترمه مستحيل تسوي شي غلط بارادتها
سلطان :اي تأكد يمكن تكون ظلمت البنت
سطام قام :خلاص سكروا على الموضوع كل شي بيننا انتهى 
سلطان:طيب براحتك بس ترى بعد اسبوع نروح نجد مابي اي اعتراض  وطلع
..........................
لندن ..
عيونها حمرا ووجهها ذبلان جالسه بتعب وحاسه راسها بينفجر من التفكير صارت تمشي بالممرات مع اصوات الناس والضجه واصوات السيارات والرياح صدمت بشي :I am sorry  انا اسف
ناظر فيها :مافي داعي للاعتذار
ناظرت فيه بصدمه :وافي
وافي بهدوا :اي تحسبين  لو هربتي ماراح الاقيك
مي بتنهيده: شتبي مني
وافي ابتسم بسخريه:وش ابي نسيتي انك هربتي وعليك دين 
مي بتعب :وافي تكفى مو الحين وقت الحساب انا حيل تعبانه
وافي بنفس السخريه:على اساس اني مهتم انك تعبانه
ما كمل كلامه لا وطاحت عليه مغمى عليها
وافي بخوف :مي مي وش صار لك مي
ناضر حوله والناس تناضر فيهم وصرخ فيهم بقوه وهو يحمل مي بالمساعده: help ma
اتصلو بالطوارى واخذوها للمستشفى..
بعد نص ساعه طلع الدكتور وافي بقلق  : Reassure me doctor :طمني دكتور
الدكتور :She doesn't worry, she,s fine, but she has weak blood and nutrition .
لا تقلق هي بخير ولكن لديها ضعف دم وتغذيه
وافي تنهد :Okay, what do you need ?
حسناً إلى ماذا تحتاج ؟
الدكتور :You only need some rest and proper nutrition.
تحتاج الا بعض التغذيه السليمه فقط .
وافي بابتسامه :I thank you
اشكرك
الدكتور :No need for thanks
لا داعي للشكر  . وراح
وافي دخل وشافها نايمه اول مره يشوفها بدون حجاب كانت نايمه وشعرها منثور حولها شافها بدت تفتح عيونها بشويش :الحمد لله على سلامتك
مي بشويش:الله يسلمك
وافي جلس جنبها :انا ما جيت لهنا علشانك او عشان هروبك على فكره كل الديون مسجله باسمك بس بحكم ان ابوك هو الي هربك تسجلت كلها باسمه
مي بهمس بس وافي سمعها:احسن
وافي باستغراب:ايش
مي :لا ولا شي  والحين ليش جيت
وافي تنهد :ابد جيت زياره لصديق قديم ولقيتك هنا
مي بدموع :وافي
وافي شاف دموعها ولف على طول ما وده يشوف دموع احد :هلا
مي ببكاء :لا تخليني
وافي انصدم ولف :مي ما فهمتك فيك شي
مي تشاهق وصوتها يعلى :ابوي بيقتلني تكفى ساعدني
وافي يهديها:طيب اهداي وقولي وش السالفه
مي هدت شوي :ابوي هدد خالي يوقع على ممتلكاته كامل الشركه والبيت والسياره وانا اخذت الاوراق كامل ورجعتها لخالي والحين ابوي اكيد  يدور عليّ اكيد بيذبحني
وافي : ارجعي السعوديه معي
مي بخوف :لا بتوديني لأبوي
وافي :اوعدك ماراح اوديك بخليك معي بس الحين ابوك دامه عارف انك بلندن اكيد بيرسل لك احد
مي ببراءه اول مره يشوفها وافي :احلف 
وافي ابتسم:والله يالله الحين قومي وجهزي كل شي
مي قامت وتناظر للمغذي:وذا
وافي قام :خلاص خلص الحين بنادي الدكتور يفكه
وراح
اما مي ما تدري ليه ارتاحت لوافي رغم انه السبب انها تدخل شركه نواف.....
.......................
بيت ابو نواف (جناح دانه)
بعد تفكير ارسلت رساله لريان وطفت الجوال ونزلت تحت كانو ابوها وامها يفطرون :صباح الخير
ام نواف بابتسامه:صباح النور
ابو نواف:صباح دندنه
دانه جلست جنبهم بابتسامه مزيفه :احم جيت بتكلم  بموضوع 
ابو نواف باهتمام :والي هو
دانه تنهدت :صراحه يبه انا يوم وافقت على ريان ما فكرت بس الحين ..
ام نواف:اخلصي وشو
دانه بتوتر:استخرت وما ارتحت
ام نواف بغضب :وش هالكلام دانه كل شخص ترفضينه وتقولين ما ارتحتي هذا مو عذر
دانه بدموع:يمه قلت لك ما ارتح.......قاطعتها ام نواف بعصبيه:وشو الي ما ارتحتي هاه انطقي
ابو نواف بهدوا:خلاص يا جميله البنت ما تبي وانا ماراح اضغط عليها والراي لها هي
ام نواف سكتت بضيق.
دانه قامت :شكرا يبه انا بطلع فوق وراحت
طلعت وأخذت جوالها شافت اكثر من سبع مكالمات من ريان طنشط وطفت الجوال..
.....................
عند ريان جالس بغرفته على اللاب توب ششوي سمع صوت رساله من دانه فتحها وانصدم بمحتواها الي كان ( ،ريان كل شي بيننا انتهى انا ما ابيك  وللمعلومه نواف عرف بالي بيننا وقلت لك انا من قبل انه غلط بس انت اقويتني والشيطان دخل بيننا انا كفايه نواف صار ما يثق فيني ولا يكلمني ما ودي اخسر ابوي وامي كمان بسبب علاقتنا  .خلاص ريان كل شي بيننا انتهى والله يوفقك مع غيري) صار يعيد الرساله اكثر من مره خاف ليكون نواف هددها وهو ما وده يخسرها اتصل فيها ثمان مرات بس مع الأسف الجوال يرن الين يفصل حس الدنيا تدور فيه خسر حبيبته وخسر زوج اخته وخسر كل شي حس بالم قوي وصعب عليه انهد حيله بثواني نزلت دمعه من عينه وحس بالم قوي بقلبه دخلت ام ريان للغرفة وشافت حالته وعيونه الحمرا وعروقه البارزه خافت عليه ريان عمره ما صار بهلحال الا بموت ابوه :ريان يمه ريان وش فيك
ريان يحاول يتمالك نفسه :ما فيني شي يمه
ام ريان بدموع:تكفى يريان قول وريحني اختك فيها شي
ريان باس راس امه :لا يمه لا تخافين بس صديقي بجده توفي وانا بروح لهناك واخذ اشيائه والجواز والجوال وطلع شاف ملاك قدامه:علا ريان
ريان قرب منها وباس راسها وبابتسامه مصطنعه:بروح لجده لي صديق هناك توفي
ملاك بحزن نزلت راسها:الله يرحمه  والله معك توصل بالسلامه 
نواف حط مفتاح السياره بيدها:انا بمشي اكيد تعرفين تسوقين وراح
..................
بعد يومين ..
الأحداث....
نواف وعائلته راحو لنجد..
..
جود وسطام على حالهم..
..
نور وسلطان ما تقابلوا ابد..
..
مي رجعت للسعوديه مع وافي..
..
ريان ما رجع للرياض ويفكر ينتقل مع اهله لجده ..
..
ملاك اول يوم دوم رسمي لها اليوم ..
..
والبقيه على حالهم..
..
شركه ال..
دخلت بشموخ للشركه وبحماس لها كاول يوم راحت للاستعالامات :سلام
المضيفه بهدوا:وعليكم السلام  بوش راح اخدمك مدام
ملاك بابتسامه:اول شي انسه ثاني شي انا قدمت على عمل وانقلبت وهذا ملفي وهاذه بطاقتي ممكن تدليني على المكتب
المضيفه:عفو انسه  ،الدور السابع مكتب اربعه مكتب الإشراف
ملاك :شكرا وراحت ..
دخلت الاصنصير ودخلت معاها موضفه وشخص قدامهم معطيهم ضهره ومعه جواله بيده انفتح الاصنصير وطلعت وطلع معاها الشخص وتوجهت لمكتب الاشراف دقت الباب..
ياسمين:ادخل
ملاك دخلت:السلام عليكم
ياسمين قامت بابتسامه وصافحتها:وعليكم السلام  ملاك صح
ملاك :اي كيف عرفتيني
ياسمين:الموضفه الي دلتك اتصلت علي وقالت لي
ملاك :اها
ياسمين :احم ملاك انتي بالشغل فتره بتكوني بمكتب شخص معين بيعلمك كيفية شغلك وبعدين فيك تنتقلي لمكتب لحالك وشغلتك سكرتيره
ملاك :طيب مع مين بكون
ياسمين :مع السكرتير عبد العزيز وهذه اوراقك فيك تروحي وتعطيعم اياه مكتبه جنب مكتب المدير
ملاك قامت :شكرا استاذه ياسمين  وراحت ..
عند عبد العزيز جالس بمكتبه سمع صوت دق الباب حسبه سطام وهو اساسا زعلان منه ما يعرف ان سطام راح نجد .. تجاهله وانشغل بالاوراق.
ملاك دقت ماجاها رد حسبت مافي احد داخل فتحت الباب ودخلت شافت عبد العزيز على الكرسي ومنشغل باوراق ناضر لها باستغراب:عفوا
ملاك تفشلت :ااء اسفه بطلع
ولفت بتمشي..
عبد العزيز:لحضه من انتي ؟
ملاك بتوتر :انا ملاك  موضفه جديده
عبد العزيز ابتسم بخفه وعرف انها ملاك صديقة اخته لان سمع وجد تكلمها على شغلها :طيب ملاك فيك ترجعي تدقي الباب لين اسمح لك بالدخول
ملاك  انصدمت وتنرفزت من اسلوبه :خيير ترا دقيت وانت ما رديت علي
عبد العزيز ناضرها ببرود:طيب ما رديت عليك والحين دقي من جديد علشان ارد عليك
ملاك تنهدت بعصبيه وطلعت وسكرت الباب بقوه ودقت من جديد ..
عبد العزيز كاتم الضحكه على تصرفها: ادخل
ملاك دخلت وجلست على الكرسي :احم فينا....قاطعها عبد العزيز:قومي ما سمحت لك تجلسين
ملاك انصدمت :هاه
عبد العزيز يلعب باعصابها:قلت قومي
ملاك قامت :هاه قمت
عبد العزيز ببرود:اجلسي
ملاك جلست بقهر وكانه يلعب فيها لعب:والحين فينا نبدأ
عبد العزيز قاطعها:استاذ عبد العزيز  اوك
ملاك غمضت عيونها بقووه:استاذ عبد العزيز فينا نبدا
عبد العزيز ابتسم وعرف انه لعب باعصابها:لا الحين عندي اجتماع بعد ساعه نبدا
ملاك عصبت وقامت:خيرررر لعب هو
عبد العزيز:انسه ملاك ممكن تطلعين انا عندي اجتماع عن بعد
ملاك قامت وطلعت وفتحت الباب على الاخير ..
عبد العزيز هذه أسوأ حركه بالنسبه له قام وسكر الباب وهو يتوعد فيها  ..
.........................
نجد العذيه .....
دخلت الغرفه بتعب من كرف اليوم اول ما وصلت قاموا يرتبون البيت وينضقونه وهذا غير الطبخ ..
انسدحت بتعب وفيها نووم فضيع لفت نضرها لفتحت الباب دخل نواف وحالته مو اقل منها من السياره والذبايح واستقبال الضيوف ..
سديم :نواف فيك شي
نواف واقف مكانه:تعبان وروحي منهكه
سديم خافت عليه وقامت وهي تمسك وجهه بين يدينها:وش فيك وش الي يوجعك علمني
نواف غمض عيونه ونزل راسه لكتفها:ولا شي بس من كرف اليوم
سديم تنهدت براحه:طيب الحين قوم تروش وتعال نام
نواف بالموت يفتح عيونه:الحين انا ما اشوف الدرب من النوم وانتي تقولي قوم تروش
سديم بعدت عنه ورجعت انسدحت على السرير : براحتك
طلع لفوق السرير بهدوا تام حاوطها من خصرها وراسه على صدرها بدون كلام غط بنوم عمييق اما سديم  ابتسمت وهي تحط يدها على شعره وتلعب فيه ، حست بهاللحضه هو بس محتاج راحه بعد تعب شديد   وشوي ولحقته بالنوم..
........................