الشوق ما يرحم صدقني

ايميلا 14

امنت بالقسوم لي من حياتك..
وامنت بالفرقا كيف بنساك ..
♡♡
اكثر الاماكن....كلها ذكرياتك..
وش حيلتي لاجيتها عقب فرقاك..
................♡♡♡♡♡.................
ادري بتقرى وتدري انك المقصود..
انتبه لروحك ترا في ذمتك روحين...
◇◇
مابقيت من فرقاك وما تمنيتك عبث...
ولا ابي لك نهايه ولا ادور لك بديل..
◇◇
ما اقرانك بالعين والعين ثنتين..
اقرانك واحد بالقلب والقلب واحد ..
.....................
تعليق: لا تلهكم الروايه عن الصلاة اللهم اني بلغت اللهم فاشهد .
....................
مر اسبوع ...
نواف وسديم اليوم بيرجعون بسبب حادث سطام وكمان بسبب تدهور الشركه
...
سطام بالمستشفى واليوم بيطلع وللحين مفكر أن جود خاينه
...
جود استائت حالتها حيل طبعاً ما عادت تروح الجامعه ونور ما خبرتها عن سطام ابداً
...
دانه وريان اجمل ثنائي من اول الروايه طبعاً
...
نور وسلطان ما تقابلوا من يوم الحادث
...
عبد العزيز حالته جداً متدهوره ما يدري يلقاها من اهله ولا من ضغط الشركه
...
ملاك فرحانه حيل لان ريان لقى لها شغل وبتطلع من جو البيت
...
شهد تطمنت على سطام وللحين ما تدري سبب الحادث
...
غرام وامها كل يوم شكاوي لابو عبد العزيز من وجد وعبد العزيز وهو ما يقصر يضل يهاوش
...
وجد على كثر ما كانت فرحانه بابوها الحين متمنيه يطلع ولا يرجع
...
نايف له اسبوع هادي ولا يتكلم والكل ملاحض هدوءه
...
مي اليوم بيتم كشفها على حقيقتها برجوع نواف
....
ياسمين على حالها
...
والبقيه على حالهم
.........................
وصلو البيت بعد ترحيب ام نواف فيهم:يا هلا ومسهلا توما ينور البيت بجيتكم
سديم ابتسمت لها
نواف باس راسها  :بنورك يا الغاليه
جاءت دانه محفره :فوفو ..وركضت تحضنه
نواف حضنها وضربها بخفيف :اصغر عيالك فوفو
دانه بعدت عنه انقلع احمد ربك لو انا مو اختك ما كان تزوجت هالاميره وتاشر على سديم
سديم ابتسمت بحيا وحضنتها دانه:اما سديم الخبله تستحي
نواف بعدها عن سديم:  بعدي خنقتيها زوجتي ترى
سديم حست بشعور غريب لما قال زوجتي ..
ام نواف:يمه سديم اطلعي انتي وزوجك ورتاحوا فوق شوي
سديم :طيب عمتي  وطلعت هي ونواف
نواف على طول اخذ شور وطلع وانسدح وهو يفكر بحاله هو وسديم وهل يبقون كذا ولا متزوجين  ولا معلقين
اما سديم اخذت شور وطلعت شافت نواف نايم بنص السرير وهي مالها حيل تنام فوق الكنبه كفايه ضهرها يوجعها من نومة الكرسي بالطايره راحت انسدحت جنبه وكانت قريبه منه ..
.......................
عبد العزيز دخل شافهم كلهم بالصاله:السلام عليكم
الكل:وعليكم السلام
عبد العزيز لوجد :وجد ما عليك امر حدي جوعان طلعيلي الاكل لفوق
وجد  قامت:حاضر
طلع عبد العزيز وجود طلعت له الاكل طبعاً الكل تغداء ما عدا عبد العزيز ونايف الي كانو برا
دخلت وهي حامله صينية الاكل وحتطها فوق الطاوله
عبد العزيز شافه اكل لاثنين :وجد ما اكلتي للحين
وجد  بضيق:لا الحمد لله اكلت بس عبد العزيز بطلب طلب
عبد العزيز باستغراب:أمري
وجد :عبد العزيز نايف قبل شوي جاء وللحين ما اكل احس فيه شي مو طبيعي طول هالاسبوع ما يتكلم وفوق كذا قبل اسبوع دخل البيت ووجهه مليلان علامات وواضح تضارب مع احد برا
عبد العزيز ابتسم بحنيه لاخته ومسك خدها:طول عمرك قلبك صافي وما يتغير والحين ابشري باخذه ابروح اكل انا وياه
وجد ابتسمت وطلعت ..
وعبد العزيز اخذ الاكل وراح غرقة نايف  دق الباب ما جاه رد دخل شاف نايف بيده السيجاره ويدخن انصدم من متى نايف يدخن حط الاكل فوق الطاوله وراح لنايف:نايف 
نايف انصدم توقع الخدامه لانه طلب منها تطلع له الاكل ورما السيجاره على طول:عبد العزيز
عبد العزيز بقهر :من متى ؟
نايف  بضيق:تو مالي اسبوع معليش ما تعلم ابوي
عبد العزيز مسك نايف وخلاه يجلس فوق السرير:نايف قبل اسبوع اجيت ووجهك معدوم من سوا فيك كذا
نايف توتر :مافي شي مهم تهاوشت مع العيال
عبد العزيز عارف انه يكذب:نايف بعيد سوالي من سوا فيك كذا؟
نايف عارف مافي مخرج :خويي
عبد العزيز انحرق دمه:وباي حق
نايف بدا يحكي كل شي لعبد العزيز..
قبل اسبوع ...
نايف:طيب اصبر والله نهاية الشهر فلوسك بتوصلك تكفى
احمد بضجر :انا مو بزر عندك كل مره تقول اخر الشهر اسمع يا نايف الحين ابي فلوسي احسن لك ولي يالله طلع ،اخوك يشتغل باكبر شركات الرياض وابوك كل يوم مشاريع خارج البلد وانت ما توفر  100 الف اضحك على غيري
نايف :احمد شوف ادري بكل ذا بس اخوي متزاعل انا وياه وابوي مستحيل يعطيني كل ذا
احمد بسخريه:اجل تحمل ما يجيك
نايف :احمد تكفى مالي خلق اهواش الحين خلاص ثلاثه ايام وفلوسك توصلك
احمد يقرب من نواف :مستحيل تجيب الحين ولا لا
نايف بقهر:قلت لك الحين مقدر
احمد رفع اكمام ثوبه وقام يتضارب مع احمد وصارت هوشه وهم يتعاركون واجوا اصدقاء احمد وصارو يضربون نايف لدرجه طاح مغمى عليه وهم هربوا ومن حسن حضهم كانوا ببرحه فاضيه مافيها احد......
..
نرجع  ..
عبد العزيز قام بعصبيه:وانت ليش ماخذ منه ذا المبلغ ووش مسوي فيه
نايف بارتباك:ااء شريت شي مهم
عبد العزيز بشك:وش هو يا نايف علمني انت مابي اعرف من نفسي
نايف  بخوف:سسلاح
عبد العزيز  انصدم:نعم وش تبي بالسلاح هاه وش تبي فيه
نايف : بقولك بس ما تعصب
عبد العزيز بنفاذ صبر:تكلم انطق
نايف:كنت متهاوش مع واحد من الشباب وهددوني  وبعدين احمد هو الي خلاني اشتري بحجه الدفاع عن نفسي 
عبد العزيز بقهر:وين السلاح الحين 
نايف :بالدولاب هنا
عبد العزيز بأمر:جيبه الحين
نايف راح لدولاب:طيب
طلعه وعطاه اخوه:خذ
عبد العزيز  :الحين عطني اساميهم الي مدوا يديهم عليك
نايف :طيب
عطاه  وعبد العزيز طلع وحتى ما اكل
........................
جالس بيده السيجاره ويدخن بهدوء قاتل..
دخلت شهد وناضرت فيه  بصدمه :سطام
سطام ناضرها ببرود:نعم 
شهد قربت منه :سطام من متى انت تدخن
سطام لف بعصبيه :خيير انتي لوشو جايه هاه تكلمي
شهد فزت بخوف :لا خلاص ولا شي
سطام بحده :انطقي
شهد تنهدت :ابد كنت بقول لك توديني لجود لي فتره ما رحت ..... قطع كلامها بصراخ :مافييييييه انساي جود والله يا شهد لو ادري انك رحتي لها او حتى كلمتيها انا مو اخوك ولا بعرفك فاهمه ..وطلع
شهد مصدومه وخايفه من عصبيته:الله يستر وش فيه