"ABVRIL'S RAGE"

Chapter III " TEASING AND SEDUCING"

**************************

Pabagsak na naupo si Abvril sa sofa ng condo ni Mariz. Pagod na pagod siya sa buong umagang session nila sa gym. Matapos nitong pumayag sa bargain niya ay pinagkasunduan nilang magsimula na ngayon dahil hanggang sabado na lamang ang audition sa kompetisyong sasalihan niya. Natawa pa nga siya sa naging reaksiyon nito nang sabihin niyang isang Bikini Competition ang sasalihan niya. Pero sa huli ay wala narin itong nagawa. Four days lamang ang punuin niyang oras upang matuto sa personality development lesson ni Mariz to become a true lady.

"Hey, Ms. De la Rosa, bawal ang pahinga sayo ngayon. You need to know table manners. Come here." Naaamuse na tawag ni Mariz. Gusto na siguro nitong matawa dahil halos susuko na siya kanina sa pagsuot ng high heeled shoes.

"Can we just skip this part? May breeding naman ako Mariz. I knew how to act infront of the table. Tinuruan na ako dati ni— Ate." Sagot ng dalaga na halos mawala ang tinig sa pagbanggit sa ate niya. Lumukob na naman ang kalungkutan sa puso niya. Bumangon rin ang kakaibang galit na iyon sa puso niya.

"Sege, kumain nalang tayo. I'm starving na kaya noh! Lunch time!" Masiglang wika ni Mariz. Pilit inililisa ang mood niya. Napangiti lang siya dito at umupo na upang kumain. Dahil likas na madaldal si Mariz ay medyo gumaan na rin ang pakiramdam niya.

"Think of this mirror as someone you desire!" umaarteng utos pa ng bakla sa kanya, naka-high pitch pa ito habang nakikinig siya. Matapos kasi ng lunch nila nagpahinga lang sila saglit at nagsimula na uli sa session nila.

"What? Desire ba talaga? Eh parang makipagflirt naman ako non?" reklamo niya.

"Magaling pa sa akin?" nakangusong reklamo rin ng bakla."Hindi mo ba naiitindihan ang gusto mong salihang kompetisyon? My God, Avi. Bikini ang susuotin mo hindi saya. Natural, you need to be flirtitous, alluring, desirable and importantly sexy in many ways and angles to win the audience and judges favor!" paliwanag nito na tila pinapangaralan pa siya. Gusto niyang mapikon kay Mariz pero naiitindihan naman niya ang ibig sabihin nito.

"No doubt that you have a body to die for but you also need to know kung paano dalhin ang katawang iyan sa gitna ng stage!"

"Okey, huwag ka ng magalit. Gagawin ko na!"

"Sandali, sino ba ang lalaking pinapantasya ng isang Abvril De la Rosa?" namula yata bigla ang mukha niya sa tanong nito kaya naisipan niyang ibahin ang usapan.

"Should I wear the Bikini now?"

"No way, nahihiya pa ang bruhang ito at iniba pa talaga ang usapan huh!"

"Tumigil ka nga Mariz? Sege na, isusuot ko na muna ang bikini para mas convincing ang practice ko."

"Hep...Hep! Sabihin mo na muna kung sino ang lalaking iyon? Hindi tayo magsisimula kapag hindi mo sinabi." She rolled her eyes at hinarap uli ito.

"Ok fine! Its...Its, S-Sherwin Cervantes!" palatak niya at tumakbo papunta sa kwarto ng bakla. Sobrang lakas naman ng tawa nito na tila tuwang-tuwa sa sinabi niyang pangalan.

"Kung ganon, ang feeling tibo na si Abvril de la Rosa ay may lihim na pagnanasa sa hot na hot na si Cervantes! Amazing!" malakas na wika nito at nagtitili pa pagkatapos.Crush lang naman niya ang singer/actor na iyon bunos nalang na hot nga ito. Napangiti siya sa naisip.

***********

Papalapit si Nico sa kanyang kotse nang mula sa likod ay may yumakap sa kanya. Papunta siya ngayon sa recording studio dahil gusto niyang kamustahin ang performance ng isa sa mga artist niya. Mamayang gabi rin sila magso-shoot ng Music Video nito para sa main track.