[Unicode]
လယ်တောဆီမှ လုပ်ကြံသတ်ဖြတ်သူ
အခန်း ၂၀။ ။ ခလောက်ဆန်နေသောခံစားချက်များနောက်တစ်နေ့မနက်တွင် စုရွှေလျန်က အခန်းထွက်ပေးရန် အောက်ထပ်သို့ဆင်းလာ၏။
"မိန်းကလေး အခန်းထွက်ချင်ပြီလား"
အလုပ်သမားထဲမှတစ်ဦးက သူမအိတ်များဖြင့်အောက်ထပ်သို့ဆင်းလာသောအခါတွင် ပြုံးကာမေးလိုက်ခြင်းဖြစ်သည်။
"ဟုတ်ပါတယ်။ အနှောင့်အယှက်ပေးမိသွားပါပြီ"
စုရွှေလျန်က အပြုံးလေးဖြင့် ပြန်ဖြေလိုက်၏။ ယမန်နေ့ညက သူမနှင့် လင်းစစ်ယောင်သည် ခံစားချက်များကို အပြန်အလှန်ဖွင့်ထုတ်ပြောလိုက်ကြကာ စုရွှေလျန်တစ်ယောက် ပျော်ရွှင်မှုအား မထိန်းချုပ်နိုင်ပေ။ ထိုသို့သောပျော်ရွှင်မှုမျိုးသည် သူမ၏ဘဝတွင် ယခင်ကတစ်ခါမျှမခံစားခဲ့ဖူးရသောပျော်ရွှင်မှုမျိုးဖြစ်သည်။
"ဟို...ဟိုလေ..."
အလုပ်သမားက ထစ်ငေါ့ထစ်ငေါ့ဖြင့်ပြောလိုက်၏။ သူသည် လက်ဖြင့်ကုတ်ခြစ်နေမိကာ စုရွှေလျန်၏အခန်းများကို ရှက်ရွှံ့စွာယူလိုက်သည်။ စိတ်အတွင်းတွင်မူ မိမိအားလက်ထပ်ရန် ဆန္ဒရှိမရှိကို ထိုမိန်းကလေးအားမေးရန် ချင့်ချိန်စဉ်းစားနေပေသည်။
"အဆင်သင့်ဖြစ်ပြီလား"
လင်းစစ်ယောင်က ဝံပုလွေနှစ်ကောင်နှင့်အတူ ငွေရှင်းသည့်နေရာသို့ ဝင်လာသည်။ သူသည် စုရွှေလျန်ဆီသို့လျှောက်သွားကာ သူမ၏အိတ်များကိုယူလိုက်ပြီး နူးညံ့နွေးထွေးသောမျက်လုံးများဖြင့် သူမအား ကြည့်လိုက်သည်။ စုရွှေလျန်၏ခံစားချက်များကို သိရှိသွားသောကြောင့် သူသည်လည်း ပျော်ရွှင်မှုတွင်နစ်မြုပ်နေကာ တစ်ညလုံးပင် အိပ်မပျော်ခဲ့ပေ။
အာရုဏ်တက်ချိန်တွင် စုရွှေလျန်အတွက် စာတစ်စောင်ချန်ထားခဲ့ပြီး ဝံပုလွေနှစ်ကောင်အားလေ့ကျင့်ပေးရန် ထွက်သွားခဲ့သည်။ တောင်တန်းများနည်းပါးသောအရပ်တွင် လေကို ပျော်ရွှင်စွာဖြင့် အားရပါးရရှုရှိုက်လိုက်ကာ ဝံပုလွေနှစ်ကောင်အား ဆက်လက်လေ့ကျင့်ပေးသည်။
أنت تقرأ
လယ်တောဆီမှ လုပ်ကြံသတ်ဖြတ်သူ (MM-translation)
عاطفيةName - Jiǎn méi shā shǒu zuò nóng fū English Name - Assassin Farmer Author - Xi Zhen Genre - Fantasy, Martial Arts, Romance, Slice of Life Chapters - 160 + 12 extras Update - Mon,Wed,Fri Su Shuilian သည် ကျော်ကြားသော ပန်းထိုးမိသားစုတစ်ခု၏ ပထမဆုံးတရာ...