لـــــبــۅهـ أنــمــار

تعريف الشخصيات

لـــــبــۅهـ أنــمــار
_______
الكاتبة/نورالهدى الوائلي
Nour Alhuda Al -Awaeli
      
                   •───≪•◦❈◦•≫───•
بداية ممتعة اتمنى لكم حسن التلاقي

بطل القصة أنمار
أنمار/أني أنمار مواليد1999 من بغداد عشيرة بني أسد أدرس ادارة محاسبة مواصفاتي اني ضخم أبيض وطويل شعري اسود عيوني عسليه طوخ عصبي نار احب الكل گلبي طيب اسوي الي براسي

أمي منفصلة عن أبوي ماعندي أخوان أني الوحيد لــ أمي أبوي مزوج 3مرات أمي الاولة وعندة أني منهه وأم مؤمل عندة منهه 3 ولد و الثالثة أم زهراء عنده منهه بنت وحدة
أحنه عايشين سوه أبوي وعمامي لان جدتي موجودة عايشين على حبهه

بيت أهل انمار

أبو أنمار مالك/خادم حسيني عمرة 60سنة
أم انمار أيمان/منفصلة عن والد انمار عمرهه 48
ام مؤمل زوجة مالك الثانية عمرهه30
ام زهراء زوجة مالك الثالثة عمرهه27

أبو حسين أحمد/عم أنمار عمرة57 متزوج اثنين
الاولى أم حسين زينب عمرهه42 عنده منهه حسين وعلي وخولة وليلى
فاطمة بنت أحمد بس من غير أم امهه متوفيه

أبو عباس غزوان/عم أنمار عمره68 متزوج دموع عندة منهه 3 عباس و كاظم و نور

خديجة ام علي/عمة أنمار أم سارة وعلي وباقر متزوجه شيخ من بيت شميل

حميدة أم حسين/عمة أنمار ام حسين امير وسجاد
متزوجة سيد من السادة الغوالب
______________________________________

بطلة القصة هيلين
هيلين/أني هيلين مواليد2004 من بغداد تاركة الدراسة من صف ثاني متوسط مواصفاتي أني قزومة وبيضة جسمي تارس عيوني زرق بلون الالماس شعري طويل وثخين اعتبره ضلي

عشت طفولتي مأسي أول ما أمي ولدتني أبوي مايريدني لان بنت جان يضربني ويبعدني عنه ويفرق بيني وبين أخواني يعاملني بقسوة من صار عمري3سنوات صارت بية حالة نفسية بسبب هل التعاملات وأهل ابوي يكرهوني بشكل مو طبيعي أمي من عمري 3سنوات تركت بابا وهاجرت بعيد عنه لان تعبت من تصرفات بابا واهلهه وياهه لذالك زادت حالتي النفسية صرت اتعرض للضرب للغلط للقسوة كرهت نفسي كلش بس صرت ثاني متوسط عمري 13 بطلوني من المدرسة انتحرت اكثر من مرة وانقذوني مرة جنت كاعدة بغرفتي وحدي أبجي فجاة سمعت صوت أمي التفت وجانت الصدمة أمي كبالي فقدت ماحسيت الا أني بحضنهه والكل فوك راسنه ومن ذاك اليوم أحس السعادة رجعتلي احس رجعتلي الحياة أمي رجعتلنه من بعد فراق 10سنوات يعني من بعد ما صار عمري 13سنةالمهم عشت حياتي نفسهه بس أحسن على الاقل عندي انسانه تحبني تدافع عني
بابا كان منشد لذالك عندة علاقات بهواي منشدين من وسطه بيوم من الايام سمعته يتفق انو صديقه المنشد راح يجيب ابن اخوة يتقدملي واني جن جنوني لان ما اريد ازوج

زهراء بلقب سيلين/أني زهراء مواليد2004من بغداد مواصفاتي أني طولي وسط جسمي تارس وبيضة عيوني زرگ بلون الالماس وشعري شهل بيه شگار يوصل لحد ظهري والاكثر عبالهم أني اجنبية على جمالي أني يتيمة أمي وأبوي ماتو بحادث على طريق كربلاء جنت أني صغيرة من ماتو عشت بين عمامي وأهلي ابوي جدي وجدتي تربيت بكل دلال وحب وجنت ادرس وماخذة حريتي كاملة ابدل واطلع هيلين تكون بنت عمي اعتبرهه اختي وسندي ودوم عبالهم احنه خوات او توئم لان شايلين جمال مو طبيعي

شاهندة /أني شاهندة مواليد2006 أني من بني محمد اكون بنت عم أروى زوجة حسين

أروى/أني أروى مواليد 2000 أدرس كلية قانون اني وحسين نحب بعض وعن قريب نتزوج

باقي الشخصيات الي ما عرفتهم حتتعرفون عليهم خلال احداث القصة لان كل شخصية الهه دور مميز داخل القصة

الكاتبة/نورالهدى الوائلي
Nour Alhuda Al -Awaeli

لــكــل بــدايــه نــهــايــه
أنتظروني في بارت جديد الاحداث
لــذالــك الــحــيـن أستودعكم الــلــه
لاتنسون تكتبولي ارائكم كومنت واضغطو على الـ⭐

أحبكم❤️