لـــــبــۅهـ أنــمــار

بارت 3

لـــــبــۅهـ أنــمــار

الكاتبة/نورالهدى الوائلي
Nour Alhuda Al -Awaeli

بتاريخ2012/1/2 يوم خطوبة وعقد قران انمار

أنمار/طبعاً اجت الايام تركض وصار يوم الخطبة البيت مالنه متروس اقاربنه وعمامي اصدقائي عزمنه الكل على الغدة و ورة الغدة نروح نخطب ونعقد قران جنه جايبين اثنين طباخين يطبخون التمن واللحم والمرگ وكذا أما قبل يومين حجزنة شوي سمج يم ابو السمج وفواكه وخبز وعصاير وكيك
علي علي وينك صخام

علي(الشميلاوي)/هااا انمار شبيك تصيح وسمم

انمار/اكلك علي نسينه بس الكيك لان حجزناه وضل ب المطعم حتى ميخرب وهسه روح جيبه حتى ماننساه وعيب من الناس يللاا

علي(الشميلاوي)/وجع حتى وجع سايق الخلفك تتأمر تراا ميت نعال الزكك يلاا رايح اكرم الجلب لخاطر اهله ههههه

أنمار/هههه دنجب
أني بهل الوقت سبحت وبدلت تراك ورحت للحلاق ارتب نفسي اكثر لحد ما يكملون طبخ الحلاق صديقي والولد كلهم حجزتلهم تعديل وحلاقة يمه

فاطمة/يمه تعبت اركض هيج وهيج يا فارشة يا مصخمه شوكت اسبح شوكت ابدل تراا مصايرة

زينب(ام حسين)/شبيج يمه غير عيب من انمار هوِ يوم يا امي غير نرتب كلشي لعد منو يرتب

فاطمة/هسه ميخالف بس مو هيج يعني الواحد يتونس يركص مو يكرب متحاجين خوخه بس تسخت وحضج مكدرج ع صاخمه فاطمة والله ياالله

خولة/وسمم لج شبيج اني مساعه ثرمت الزلاطة اني نور ورتبناهم ب الكاسات السفري كصصنه الرگي والبطيخ شو محجينه بس انتي فلفل بيج

نور/ههههه هيه فطيم دومهه مفلفله

فاطمة/انجبن كحاب بس مال طياح حظ تسخت مابيجن خير

أمير/هلاو بنات شلونكم انمار وين

الكل/هلاا اموري شلونك راحح للحلاق

امير/والله اجيت وحضرت الكامرات حتى اصورالهم جلسات ولقطات

فاطمة/وهسه شتريد مسوي نفسك مصور وكاتل روحك

امير/شبيج خبلة يايوم تصحين

خولة ونور/هههههه

فاطمة/وسمم سمجن خليت ورحت ضايجة
______________________________________في بيت أهل هيلين

هيلين/صار يوم الخطوبة وجنت كولش فرحانة على خوف وخجل كعدوني الساعه ب6 الصبح كعدت سبحت بدلت فرشت اسناني وعدلت نفسي حتى اروح الصالون طبعاً اخذت وياي للصالون زهراء بت عمي و عمه خطيبي نور(ام حيدر) وصلنه ابن عمه انمار وراح دخلت الصالون ب8 رحت اتاكدت من نظافة جسمي سبحت سبحة أخيرة ولبست سيت عرايس وكعدت تشتغل بشعري ام الصالون لان شعري طويل كلش وثخين يرادله وقت ياله يكمل بدت تشتغل تسريحة عليه جنت اني صابغتة لون نحاسي طلع يموت اللون عليه وبدت الماكيرة تشتغل شعري احس طبقة راسي تفلشت كد ما تلف وتشد وتبرم دخت ياله كملت التسريحة ب12 بعدين رحت خليت مسك طهارة ومعطرات جسم وسبلاشات ولبست البدلة ب1 بدت تشتغل عليه الماكيرة علمود المكياج سوتلي مكياج ترابي حتى يناسب شعري النحاسي ويطلع الترتيب بيرفكت طبعاً ما استخدمت عدسات لان اصلاا ام الصالون داخت بلون عيوني ازرق ويلمع تكول الماس ورتبتلي الاكريلك و سوتلي وشم اسم انمار على طرف صدري فا البدلة جانت وردي فاتح والمكياج ترابي وشعري نحاسي حرفياً اني اتعجبت على نفسي طلعت كلش حلوة وشكلي مختلف كابلت المرايا ومكيفة اخذ صور و زهراء ترستني صور ونركص سوة وسنابات طبعاً زوزاية طلعت لعابة من الجمال اختارت مكياج سموكي ناعم وشعرهه مخصلته رماني واللون اسود طلعت لعابة والفستان ياكل بيهه اخدنه صور لحد ما ملينه