قبل سنتين تخرج هتان والكل فرحان له ويباركون له وبنفس الوقت ب يودعهم علشان بيروح برا يكمل لمدة سنتين ويرجع راح وقلبه ماهو معه تاركه لبنت خالته الي يحبها ف المطار اهله يودعونه
لمياء وهي تصيح :هتان لاتطول واذا صار عندك اجازة تعال
هتان وقلبه يوجعه على فراق اهله وحبيبته:ابشري اذا قدرت
رقيه بدموع وتدعي:الله يوفقك ياولدي ويرجعك سالم انتبه لنفسك
هتان حب راس امه:تبشرين يا الغالية
هيله وعزيز كانو بيكون ولا قالو شي
ابو هتان:انتبه لنفسك واذا نقصك شي علمن
هتان:ابشر ما تقصر
نداء الطيارة هتان :يالله مع السلامة اشوفكم على خير
ابو هتان:مع السلامة
راح هتان واهو يفكر بحياته هناك وكيف بيصبر لمدة سنتين بدون اهله
ب سيارة عزيز الكل ساكت راحو لبيتهم وهم فرحانين وبنفس الوقت حزينين على فراق اخوهم وولدهم
ف بيت نوره ريماز كانت بغرفتها فوق وكانت عارفه ان اليوم بيسافر هتان وكانت مره متضايقة على بعده وكانت تكلم نجد:نجد تعالي اليوم عندنا نغير جو
نجد :لا وين اجي بيتكم امشي عند جدتي ونجلس عند هاجر
ريماز:بشوف بس اخاف مشغولين
نجد :لا حنا بنروح اصلا اليوم و بنجلس عند جدتي ثلاث ايام عشان ابوي بيسافر
ريماز بتفكير:خلاص بقول ل امي واجي
نجد :خلاص اجل بقول ل لمياء اذا بتجي تغير جو
ريماز:بكيفك
نجد:الا بقولها وانتي يالله ابي اذا رحت هناك القاك موجوده
ريماز:طيب يالله مع السلامة
ريماز نزلت تحت عند امها : يوه
نوره من الحوش:نعم
ريماز:وينتس
نوره: بالحوش
راحت ريماز للحوش:ملوكي هنا!!
وجلست تلعبه
نوره :تبين شي
ريماز:اي ابي اروح بيت جدتي
نوره:اماتس بتنامين ولا طار النوم
ريماز:انا ما كنت بنام بس كنت مصدعه شوي وكلمت نجد وقالت لي تعالي بيت جدتي لانهم بينامو عندها
نوره:ماشاءالله وانتي بتروحين
ريماز هزت راسها ب ايه
نوره:والجامعة
ريماز:بكرا عندي اوف وبعده برجع هنا
نوره:بكيفتس بس من بيوديك
ريماز :يمه ترا وش بيت جدتي ب جنبنا
نوره:ايه زين
راحت ريماز تزين شنطتها الصغيرة عشان بتنام عند جدتها وصار العصر وراحت عند جدته دخلت ما لقت احد قدامه وقالت بصوت عالي:سلام يا عرب وينكم
الجده من المجلس:هلا ببنيتي تعالي المجلس
راحت ريماز للمجلس وشافت جدتها جالسه وراحت تحب راسها:شخبارتس وش علومتس
الجده:بخير الحمدلله الا وش عندتس زايرتنا
ريماز:والله كنت طفشانة ومتضايقه شوي وجلست اسولف على نجد وقالت لي اجي عندتس وهم بيجون
الجده:ايه الله يحييهم
ريماز:اجل وين خالتي هاجر
الجده:بدوامه ماجت للحين
ريماز :وانتي جالسه لحالتس هنا
الجده : لا توه العنود رايحه لبيتها
ريماز :اي زينـ…
دخلت نجد واخوانها :سلام يا عرب
الجده:هلاوغلا
نجد سلمت على جدتها وراحت تسلم على ريماز وجت هاله وسلمت على امها وراحت تسلم على ريماز وقالت:تغطي بيدخل يسلم سليمان
راحت تتغطى ريماز ودخل يسلم وريماز راحت مع نجد فوق يحطون اغراضهم نجد واهيا تناظر تعابير ريماز المتضايقة: لايكون اشتقتي له من الحين
ريماز عطتها نظرة:اقول بس اسكتي
نجد ضحكت:احسك لو بس بقول حرف بتنفجرين صياح
ريماز:مو لذي الدرجة بس صدق ماني مستوعبه انه بيروح سنتين بعيد عنا
نجد: ماعليتس بيخلص ويجي وانتي بتكونين على اخر سنه جامعه
ريماز:الا ما ردت عليتس لمياء
نجد :الا ردت وتقول بتشوف وضعه وترد علي
دخلت هاجر عليهم:ماشاءالله بنات خواتي هنا
نجد :بنات ترانا ثنتين
هاجر:اهم شي انكم بنات
سلمو عليها ونزلو تحت وكان بياذن المغرب وجالسين يسوون القهوة ريماز:نجد والله مشتهيه حلا نطلب
هاله :اطلبو ولا خلو سلوم يروح يجيب
نجد :والله ذا ماضنتي بيوافق
هاله :اقوله انا
ريماز:لا لا خلاص انا بطلب
هاله:بكيفكم
طلبو حلا وجا وجلسو يتقهوون عليه ويسولفون وجت لمياء عندهم وكملو سهرة مع بعض ونامو عند جدتهم من بكرا
الظهر ريماز قامت صلت وقومت البنات عشان يصلون ورجعو ينامون وقامو اخر العصر لمياء واهي تزين شعرها:احس ما شبعت نوم
نجد :كلنا
لمياء تناظر ريماز:شوفي شلون نامت ب السجادة علطول
نجد :شكله مانامت الا الظهر مو من عادته تنام كذا
لمياء:خليه على وضع لين تقوم من نفسه
نجد ابتسمت:ودي اصورها شكلها كيوت
هاجر جت :هو هاذي ليه نايمه كذا
نجد :ما شبعت نوم
هاجر:المهم شوفو ترا بنروح الحديقة كلنا
لمياء:زين
نجد:متى طيب
هاجر:المغرب وقومو هاذي عشان تتجهز وطلعت من الغرفة
ريماز قامت من وجع ظهرها من الارض
لمياء:اوهه قامت
نجد لفت:مساء الخير
ريماز واهي تمدد يدينها:اوفف ظهري
لمياء:كيف النومة
ريماز:حلوه بس ظهري يوجعني
نجد :محد قالتس تنامين على الارض
ريماز:بس ازين نومه
لمياء:قومي تجهزي بنروح الحديقة
ريماز تناظر لمياء بصدمة:اماا
لمياء انخرشت من نظراتها:وشو
ريماز:يعني انا مو جالسه احلم
نجد ضحكت:هههههه لا موحلم
لمياء:احد يفهمني وش السالفة
نجد :انتي قلتي له قومي تجهزي بنروح الحديقة صح
لمياء:ايي
نجد:ايه هي تحسب انه تحلم
لمياء ضحكت:اقول قومي بس يالله
قامت ريماز وغسلت وراحت تتجهز وصار المغرب كلهم جاهزين وراحو للحديقه واستانسو لعبو ب الالعاب وصار ف الليل ورجعو للبيت ومن بكرا نفس الشي بس ما راحو للحديقه وريماز رجعت عندهم بعد ما طلعت من الجامعة ونجد مثلها ومر اليوم عادي
.
