سموعليكم😜عاملين ايه يا حلوين😁يلا فرحيني اللهي ربنا يفرحك بدعم و خشي عل البارت بروحك المرحة اعسل انت اعسل😉😂مش بقول اني هموت لو متكلمتش اول البارت😂
ـــــــــــــــــــــــــــــــــــــــــــــــــــــــــ♡
مديحة بدموع
"الحمدلله يا حبيبي انت كويس بتاكل كويس و بتشرب كويس"
احمد
"اه يا أمي الحمدلله"
مديحة
"انت جاي امتى يا احمد مش كدا كفايا.. كدا كتير اوي يابني"
احمد
"اه يا أمي ما انا كونت متصل بحنين علشان اطمنها و اقولها اني يومين و ابقا عندكو فا كنت عايز حد يجي ياخدني من المطار لأني نسيت معظم الطرق عندكو"
اطلقت مديحة زغروطةعالية و هي تقول بدموع
"الف بركة يا حبيبي الف بركة هما يومين اتنين بظبط و هتلاقي البت المضروبة حنين عندك في المطار مستنياك"
حنين بصدمة
"ايه هو جاي بعد يومين ونبي يا أمي عالي الميك"
كل هذا تحت انظار محمد الذي يبتسم لفرحة حنين
مديحة و هي تضغط على مفتاح الصوت في الهاتف
"ايه اخبارك انت يا حبيبي"
احمد
"الحمدلله يا امي كله تمام طيب سلام بقا دلوقتي علشان بحضر هدومي"
مديحة بدموع و اشتياق كبير لابنها
"سلام يا روحي خَلي بالك من نفسك و البس تقيل علشان الجو برد"
اغلق احمد الخط لتعطي مديحة الهاتف لحنين التي ترمقها بغضب
"علفكرة دا مش عدل يا مديحة هو كان متصل عليا انا مش انتي"
مديحة ببرود و هي تدخل المطبخ مجدداً
"بس يا حيوانة صوتك عالي"
حنين
"تسلميلي يا ست الكل"
لتلتفت لتجد محمد يرمقها بنظرات متعجبة لتقول له بتعجب
"ايه فيه ايه بتبصلي كدا ليه"
محمد بتعجب
"مين احمد ده"
حنين و هي تصعد الدرج
"يعني مش واضح هو مين من الكلام"
محمد
"انا بسألك سؤال متجوبنيش بسؤال تاني"
حنين
"طيب ياعم ده يبقا اخويا"
رفع محمد حاجبه و هو يقول بتعجب
"اخو مين يا عنيا بس"
حنين
"اخويا انا.... آه بوص انت مش هتفتكره اوي علشان هو كان عايش مع جدتي"
محمد و هو يصعد ورائها
"ليه يعني"
حنين بضحكة خافتة
"اه اصل بوص بابا قالي عن الموضوع ده.. انا لما كونت صغيرة احمد كان بيعشقني بس انا كونت متعلقة بيك انت و هو كان مدايق من كدا اصل ازاي اخته الصغيرة تتعلق بأبن عمها مش بأخوها الكبير فا هو كان غيران منك و كان بيتخانق معاك كتير و كنتو بتضربو بعض كتير اوي فا مديحة بعتته عند تيتة اللي هي تبقا امها فترة كدا يعني لحد لما انت سافرت انت و عمي بعد وفاة مامتك هو جه تاني و وقتها اتعلقت بيه هو بس يا سيدي هي دي قصة كفاحي مع اخويا"
محمد بتذكر
"اه افتكركه.. فعلاً كان وقتنا كله خناق"
حنين بضحك و هي تفتح باب غرفتها
"اه مكنش بيطيقك خالص الصراحة"
أنت تقرأ
عشقت مجنونة
Randomلما يكون البطل يكون سافل و مشفش تلت ثواني تربيه و البطلة تكون مجنونة و اهبل منها مفيش تفتكرو لما يجتمعو مع بعض هيحصل ايه؟؟ هنعيش معاهم لحظات من الحب و الضحك و الهبل من العيار التقيل كمان هنشوف السفالة و قلة الادب منه في الوقت الغلط و هنشوف منها ال...
