2 (احبك لو يموت الحب وتصير القلوب قبور )
صالح : جهزو اغراضكم بكرا بنروح ل عمكم طلال بنقعد عنده هالاجازه
بدت عليهم تعابير الفرح وانهم من زمان مارحو لعمهم
ميار : الله عاد مشتاقه ل ايلاف ومرا بخاطري اتمشى بالقصيم
عائشه : اي والله من زمان عنهم عاد يلا قومو ياعيالي جهزو اغراضكم عشان بكرا نمشي باذن الله
كل واحد راح لغرفته وبدو يجهزون اغراضهم بكل حماس وفرحه
عند طلال
طلال يكلم صالح حياكم الله هاذي الساعه المباركه بتنورون القصيم بجيتكم
صالح : الله يحيك وبوجودك منوره والله مشتاقين للجمعه الحلوه اشغال الدنيا اشغلتنا عن هالجمعات الحلوه
طلال : صادق باذن الله بنرجع نحييها من جديد
صالح : باذن الله
قفل طلال منه وتوجه ل زوجته هناي يعلمها عن اهل صالح بيجون بكرا
طلال : هناي بكرا بيجون اهل صالح بيقضون اجازتهم عندنا
هناي : حياهم الله من زمان عنهم
إيلاف بفرح : صدق بابا مرا مشتاقه لميار
طلال : اي ي بنيتي والاجازه ذي كلها بيقعدون عندنا باذن الله
فزت بفرح وتوجة لغرفة رنيم تعلمها
إيلاف فتحت الباب بسرعه
فزت رنيم بخوف وشفيك طقي الباب على الاقل
إيلاف وهي مبتسمه : عمي صالح واهله بيجون بكرا وبيجلسون كل الاجازه عندنا
رنيم بصدمه صدق واخيرا يازين خالتي وسوالفها تونسني
ملاحظه : هناي اخت عائشه يعني اخوان ماخذين خوات
فجاه دخلت هناي : نامو بدري عشان بكرا نقوم من بدري ونتجهز مافي وقت نامو
كلهم ابشري ماما
عند فارس وزوجته
فارس اهلي بكرا بيروحون ل اهلك
نهال : فارس تكفى بروح ل اهلي مشتاقه لهم
فارس والله ي روحي مقدر اخذ اجازه
نهال اف منك من زمان ما اخذت اجازه
فارس : كل يوم على هالحال ي نهال وش اسوي غصب علي
نهال تجاهلته وراحت فراشه ودموعها على خدها
مر اليوم وجاء من بكرا
عند صالح يلا يلا جهزتو اغراضكم
عزام : اي يبه حطيت كل شي بشنطه
صالح الله يجزاك خير ي ولدي شف اهلك تأخرنا
عزام ابشر يبه طلع عزام متوجه ل اهله
نزل فارس صادف ابوه طالع عند السياره
فارس : السلام عليكم يبه اخبارك
صالح وعليكم السلام الحمدالله بخير يولدي انت اخبارك واخبار زوجتك وعيالك
فارس والله كل شي تمام الحمدالله
صالح اشوفك ما جهزت شي
فارس ماني ماشي يبه مالقيت لي اجازه
صالح : ابدا ما قدرت حاول احد يتوسط لك
فارس : والله ودي يبه بس ابدا انا بالمكتب لحالي محد يمسك مكاني
صالح زوجتك من زمان عن اهلها خلها تروح معنا
فارس ي يبه مابي اتعبكم انا بعدين اوديها ل اهلها
صالح هي مثل بنتنا لا تعب ولا شي خلها تجهز
بعد محاولات واصرار وافق فارس وراح لزوجته يعلمها تتجهز وتجهز عيالها عشان يروحون مع اهله
عند عائشه وميار
عزام : يمه ابوي يقول يلا اجهزو شلنا كل الاغراض
عائشه : يلا يولدي ما بقى شي ونخلص بسالك وينه فيصل
عزام : دقيت عليه قبل شوي يقول عندي حاله طارئه بندخل العمليات مدة العمليه 7 ساعات ف ما يمديني اروح معكم
عائشه الله يوفقه وييسر هالعمليه على خير
كلهم امين
بالمستشفى تحديدا عند فيصل
لبس لبس العمليات
تركي خوي فيصل : مافينا نتأخر اكثر من كذا
فيصل وتركي والطاقم الطبي الي معهم توجهو للمريض بعد ما خدروه وبدو يسوون العمليه
نجي عند بيت طلال
رنيم : ماما متى قالت لك خالتي بيجون
هناي : على العشاء لانهم ماشين من العصر استعجلو مافي وقت
نزلت إيلاف وهي تراسل ميار
إيلاف بحماس : كم باقي لكم
ميار : بابا يقول باقي ساعتين
إيلاف فزت بفرح وتوجهت ل امها ماما بقى ساعتين قبل شوي تراسلني ميار
هناي اي يلا مافي وقت حطي الحلا وجهزي طاولة التقديم
إيلاف ابشري توجهت تنفذ الي قالته امها
بعد ما وصلو عائلة صالح القصيم
طلال : حي الله من جاني تو ما نور القصيم
صالح بوجودك يبعدي بدو يحضنون بعض
عند الحريم
هناي : هلا والله تفضلو البيت بيتكم
عائشه زاد فضلك ياروحي سلمو على بعض وتوجهو ل صاله
عند فيصل بعد ماطلع من غرفة العمليات
فيصل : تركي بروح للمدير باخذ اجازه
تركي: ليه سلامات
فيصل : والله بروح للقصيم وبغير جو هناك
تركي اجل الله يستر عليك وابشر ما طلبت شي
فيصل : ما تقصر وهذا من طيبك الله يجزاك خير سلم عليه وتوجه ياخذ اجازه
