MANUEL ♡ مانويل♤

فراشات

وصلنا نيو يورك ♡
وكانت أضواء المدينه بتحاوطني من كل ناحيه
كنت حاسس بفرحه محستهاش قبل كدا
وانا ببص حواليا علي كل مكان بالزينه اللي فيه والشوارع النضيفه
بالمباني الكبيره
كنت مذهول وانا بقول في سري ( في عقل بالي )
_ الله ( توحي بالتعجب ) إيه الجمال دا كله !!
ديريك : شوفت بقي ، بص أنا عايزك تنبسط علي الآخر
_ انا مبسوط الوقتي فعلا اكتر من اي حاجه
_ قدامنا حوالي ربع ساعه ونبقي هناك

لفيت رأسي وانا بقول لديريك :
ألا يا ديريك أنا نسيت اسالك سؤال ؟!
_ إتفضل يا أخويا صدعني بقي
_ لأ بجد إنت جيبت العربيه دي منين ؟!
_ آمم إنت جاي تفتكر الوقتي ماحنا راكبينها بقالنا 500 سنه ( ديريك وهو يمزح )
_ ضحكت وقولتله : لأ بجد أنا نسيت خالص إنت جيبتها منين ؟!
_  أستلفتها من زميلي في الشغل عشان هو قالي إنه بيشتغل في نيو يورك وفي الشغل اللي في القريه هناك ،
_ أها ، فانت قولت تاخدها بقي وتقضيها
ديريك بكل ثقه : أها 😏
_ ماشي ياسيدي
_____
ديريك : إستني تقريبا وصلنا خلاص المكان أيوا فعلا هو هناك أهو
_ أخيرا
لف ديريك العربيه و مشينا بيها لحد ملقينا ركنه للعربيه ( مكان لترك السياره فيه مؤقتا)
وبالفعل ركننا العربيه في مكان جمب الحفله
وطلعنا منها
ومشيت مع ديريك لحد مدخلنا جوا وإدينا للراجل اللي بيجمع التذاكر
التذكرتين بتوعنا

مسافه مدخلنا جوا
لقيت اصوات الدي جي عاليه والمكان مليان ناس كتير
حسيت بشويه توتر لكن بعدين بقيت عادي
لقيت ديريك بيناديني
_ تعال بسرعه يا مانويل 
_ جاي أهو

لمحت بطرف عيني مجموعه بنات جايين وشكلهم كانو سكاري
وهما بيجرو وقعت واحده منهم وفضلو يضحكو ويهزرو
سمعت ديريك بصوت عالي :
مانويلللللللل
_ حاضر حاضر جاي اهو
جريت عليه ولقيته واقف مع اربعه
ديريك : أعرفكم بصاحبي من ايام الطفوله مانويل 
ابتسمت بخفه وانا بسلم علي كل واحد فيهم
وبعدها قعدنا علي الترابيذه
وجيه الجارسون ( النادل ) علينا وهو بيقول : تطلبو إيه ؟
كنت هتكلم لكن قاطعني ديريك
_ عايزين تلاته ويسكي واتنين شامبانيا
كلمته وانا بقوله بصوت واطي : كدا كتير أوي ياديريك
_ ياسيدي خلينا ننبسط
راح الجارسون يجيب لينا الطلبات وبعدين رجع تاني وهو بيحط الحاجه علي الترابيذه قدام كل واحد
وكنا انا وديريك بنتكلم مع الناس اللي معانا
الجارسون : اتفضلو أي خدمه ♡
قولتله وانا بهز راسي : شكرا
وبدانا نشرب وكنت مبسوط جدا ومستمتع بالشرب لدرجه اني طلبت كآس كمان
فات نص الوقت وكانت الساعه عشره بليل
قولت في عقل بالي : معقوله قعدنا الوقت دا كله !
لقيت الناس اللي كانو قاعدين معانا بيقومو من الترابيذه عشان يودعونا وقال واحد منهم : هنستأذن احنا بقي عشان الوقت متأخر جدا
ديريك : ليه كدا خلينا شويه
الشخص : معلش بقي عشان ورانا شغل بكرا
قولت لديريك وانا مش شايف قدامي من كتر الشرب وكنت بتكلم ببطء : مين دول يا ديريك معرفتنيش عليهم ؟!
ديريك ليهم : مع السلامه.. مع السلامه
قعدت انادي عليه وانا مش مدرك بالي حواليا وبقوله : سيبتهم يمشو ليه ياديريك
وكنت بضحك بدون سبب
ديريك : لأ ، دا إنت حالتك بقت صعبه خالص ، قوم تعالي نرقص
_ أرقص إيه بس يا ديريك انا مش شايف قدامي إنت بتهزر
كنت بقع من طولي وانا بكلمه فاخدني وسندت عليه وراح بيا عند البار وقعدني علي الكرسي اللي جمبه
شوفته وهو رايح يرقص مع البنات وانا بحاول اسند علي حاجه لاني اكاد بكون خلاص هفقد الوعي
كنت خلاص بقع من علي الكرسي ،،
جريت بسرعه بنت من بعيد وسندت رأسي و كتفي بإيدها الإتنين
حطيت إيدي علي كتفها
وشدتني و اخدتني لحد موصلنا لباب الحفله وخرجنا برا
سمعتها بتقولي : إنت كويس ؟! أكيد شربت كتير !
قولتلها وانا بتكلم ببطء : آيوا آيوا انا كويس جدا
_ لأ مهو واضح
وسمعتها بتتضحك
كل دا واحنا واقفين علي السلم ولقيتها بتشيل إيدي من عليها وبتحاول تقعدني علي السلم وكانت هتسيبني وتمشي
علي ما قد مكنت شايف كنت شايفها لابسه فستان احمر وبيلمع من كتر لمعانه لمحته وانا في الحاله دي
وكنت قاعد بضحك بدون سبب
قولتلها وانا بضحك : هو إنتي ملاك ؟
_ نعم !
ولقيتها بتضحك هي كمان
البنت : شكل حالتك صعبه مقدرش اسيبك هنا
ولقيتها جات قعدت جمبي وسندت رأسي علي كتفها وانا قاعد بضحك بدون مبرر
ولقيتها هي كمان بتضحك معايا
البنت وهي بتضحك  : هموت واعرف بتتضحك علي إيه !؟
_ ألا مقولتليش إسمك ؟!
_ إحنا في إيه ولا في إيه الوقتي مقولتليش إنت إسمك إيه ؟!
لفيت راسي ناحيتها و فتحت عيني عليها : أنا مانويل يا قطه
_ متقوليش قطه !بالمناسبه أنا إسمي سيلينا
_ إسمك حلو فريد من نوعه كدا ♡
لقيتها ابتسمت وهي بتقولي شكرا ♡
البنت :  بس انا حاسه إني شوفتك قبل كدا
_ شوفتيني إمتي ؟!
_ مش إنت الولد اللي كان نايم علي الرصيف وانا قومتك هو تقريبا ربنا كاتبلي اني اسندك في كل حاجه
_ هو إنتي ؟! وانا قعدت افتكر وشك بس مكنتش شايف ،دايما بتظهري في الاوقات دي 😂
_اعتبرني عفريته 😂
فضلنا نضحك كدا لحد ماجيه ديريك
                              يتبع ♤