لحد ما جيه ديريك
_ إيه دا يا مانويل يخربيتك هتفضحنا ، إحنا آسفين يا آنسه
سيلينا : ولا يهمك
_ لو ينفع تساعديني بس إني أشتاله (أحمله) لحد العربيه اللي هناك دي
_ معنديش مانع
حسيت إني متسند علي البنت اللي مش فاكر إسمها تقريبا قالتلي بس مش فاكر و علي ديريك
وودوني لحد العربيه ولما ركبت ، سندت رأسي لورا وفقدت الوعي تماما
__________
بعد نص ساعه
سمعت صوت تكسير إزاز برا
وكنت تقريبا بدأت افوق من النومه دي
وكنت بدور علي ميا احاول اشرب
بس فتحت الباب اللي جمبي وتقيأت
ومن بعدها إرتحت و قومت نزلت من العربيه وانا بحاول افتح عيني واعرف التكسير دا جاي منين
سالت نفسي : أمال فين ديريك ؟؟!
فضلت أنادي عليه وانا بتفقد كل حاجه حواليا بعيني
_ ديريك ، ديريككك
وفضلت أعلي صوتي مفيش فايده
________
سمعت صوت حد بينده عليا من ورا
_ إنت قومت من العربيه ليه ؟!
لفيت اشوف مين ،لقيته ديريك
مشيت ناحيته بعد مكنت بعدت عن العربيه حوالي كام خطوه
_ أنا سمعت صوت تكسير فقومت من العربيه أشوف إنت فين أنا ملقتكش موجود
_ أنا أهو ياسيدي يعني هروح فين يعني 😂
_ كنت فين ياديريك ؟! صوت الإزاز دا جاي منين ؟!
_ كنت بجيب حاجه من السوبر ماركت وجايلك عشان أديهالك تفوقك من الحاله اللي كنت فيها
_ انا فوقت لوحدي ومحستش بنفسي 😂
_ ماشي يا اخويا بس خليها معاك إحتياطي عشان لو دخلت في الحاله دي تاني
بصيت في الساعه وانا متوقع ان الوقت هيبقي متأخر شويه ،أهو شويه،
لقيت الساعه قربت تبقي إتنين بليل!
_ معقوله قعدنا الوقت دا كله ؟! هنلحق نصحي إزاي للشغل !!
_ متخافش إن شاء الله ساعتين بالكتير و نوصل للقريه
_ ماشي ياسيدي
______
شغل ديريك المحرك و تحركت بينا العربيه لحد ماوصلنا للشوارع العموميه بتاعت المدينه
وبدانا نخرج منها لحد ماطلعنا علي الطريق السريع
ومن هنا اخد الطريق حوالي ساعه ونص
لحد ماوصلنا للشوارع المحليه اللي قبل القريه
و ديريك وقف العربيه ونزلنا منها واخدت حاجتي وودعت ديريك
ومشيت لحد الغابه جوا
بعدين وصلت القريه بس كانت الدنيا كحل ( بمعني السواد الشديد لدرجه عدم الرؤيه )
كنت شايف بشكل خفيف بس اهو شوفت البيت من بعيد وحاولت امشي بين الزرع
لحد ماوصلت هناك
ومن هنا فتحت الباب ودخلت جوا وانا جسمي بيتهاوي من شده الارهاق لحد ماقعدت علي الكرسي
_حقيقي يوم النهرده علي قد مانبسطت فيه وشوفت الناس هناك علي قد متعبت جامد
بس لأ كنت مبسوط إني مع ديريك ولأول مره بنقضي وقت ترفيهي سوا
فضلت ربع ساعه سرحان قدامي
وبعدها افتكرت حاجه مهمه !
أيوا البنت اللي كانت معايا دي إسمها إيه
خبطت دماغي وكنت بحاول افتكر إسمها
_ ياربي بجد معقوله مش فاكر إسمها هي قالتلي إسمها!!
إفتكري يادماغييي ، إفتكري يا دماغيييي
بعدها قومت من علي الكرسي وروحت ناحيه السرير و رميت نفسي عليه
هب في دماغي فجآه وافتكرت لون الفستان اللي كانت لابساه البنت
أيوا كان لونه أحمر وكان بيلمع
_إسمها سيلي.. سالي..،، سولينا ،،... فتحت عيني وانا بقول : لأ سيلينا .. سيلينا .. أنا متأكد إنها سيلينااا أيوا هو ، أخيرا افتكرته !!
بعدها لفيت جسمي وانا بحاول ادخل في النوم
وبعدها قفلت عيني ونمت
____________
تاني يوم الصبح ♡
صحيت من النوم وانا ببص حواليا وببص جمبي لقيتني إتآخرت نص ساعه،، وببص لقيتني لابس البدله ..
_يالهوي انا نسيت أخلعها إمبارح .. ياربي لأ ..
خلعت البدله ولبست لبس الشغل وجريت بسرعه عشان أغسل وشي ،،
بعدها ببص ناحيه البانيو
لقيت دم وساعتها افتكرت ان الدم دا مطرح دماغي اللي اتخبطت فيه
معقوله انا نزفت الدم دا كله ،،
روحت المطبخ اجيب قماشه وبعدها روحت الحمام ومسكتها وقعدت امسحه
و بعدها قومت و غسلتها كويس وغسلت إيدي بعدها
_______
خلصت وروحت أسرح شعري ولبست الجذمه و جريت علي الباب وخرجت وقفلت ورايا
_ أنا متأخر جامد علي الشغل ..
ركبت العجله وانا بجري بسرعه للشغل
ولما وصلت هناك
لقيت العمال بيشتغلو والمدير واقف ناحيه الورشه بتاعتي
_ هو فييينن !؟
_ أنا اهو ، انا اهو
_ إيه اللي آخرك يا استاذ
_ أنا أسف بجد
_ إتفضل كمل شغلك ولو اتكررت تاني هخصم من مرتبك
_ حاضر حاضر
فضلت اشتغل لحد تقريبا فات نص الوقت و خلصت وطلعت برا لاني بدأت اتعرق
شربت شويه ميا ..
وقعدت علي الرصيف ..
لمحت بنت جايه من هناك بس جميله أوي
معقوله هي بالجمال دا!
اعتقد اني في كامل ادراكي العقلي الوقتي وشايفها كويس
لقيتها بتقرب عليا و بدات تبتسم
_ إيه دا يا مانويل ؟! 😂 قاعد علي الرصيف تاني إنت حياتك كلها يا تعبان ياسكران لا نش معقول بقي !
_ إنتي تعرفي إسمي ؟!
_ أيوا دا انت لسه قايلهولي امبارح نسيت ولا إيه 😂
_ لا منستش بس احنا اتقابلنا فين امبارح حاسس اني شوفتك قبل كدا !
_ لا انت بتهزر بقي ، إنت كنت في الحفله امبارح ولما انا شوفتك بدات اخدك واسندك لانك كنت في حاله صعبه
_ متهزريش هو انتي سيلينا !!
_ أيوا اديك افتكرت اهو
_ أنا مشوفتش وشك ولا مره في حياتي ،،
_ لا والله
_ لأ بجد انا ككنتش شايفك تماما مكنتش اعرف إنك جميله كدا
_ يعني انا وحشه ؟!
_ لأ مش قصدي 😂 بس انتي جميله اوي
_ ميرسي
_ إنتي بقي بتيجي هنا ليه ؟! غريبه برضو اني شوفتك في نيو يورك في الحفله !؟
_ باجي هنا عشان طبيعه القريه هنا بتشدني من كتر جمالها
_ يعني إنتي بتيجي هنا كتير ؟؟
_آيوا
_ تحبي تشربي إيه ؟!
_ لأ شكرا ليك لسه كنت فاطره
_ لأ بجد مينفعش تحبي تشربي إيه ، إستني هروح اجيب حاجه واجي
قومت اجيب من البقاله بتاعت الشغل ،، إتنين كنز ( علبه بيبسي او غيره )
وبعدين رجعت ليها تاني
_ طولت عليكي أنا اسف
_ لأ ولا يهمك
_ اتفضلي
_ مكنتش تتعب نفسك
_ اشربي بس ..
لفيت حواليا وانا بقول في عقل بالي : أنا مشوفتش ديريك النهرده هو راح فين من ساعه مودعته امبارح
قاطع تفكيري كلامها وهي بتقول :
الا قولي يامانويل انت عندك كام سنه ؟!
_ عندي 22 سنه ولولا اني شاب وبالعمر دا بس عجوز بعيد عنك بكسل عن كل حاجه
بدات تتضحك وهي بتقولي : لأ بس انت زي مانت جميل كدا ،، قلبك جميل ،،
بدات اضحك وانا بقولها : أنا جميل 😂 !!
_ فعلا جمالك ميتوصفش
_ لأ بتهزري ؟!
_ هو أنت بتشتغل هنا دايما ؟!
_ أيوا كل يوم دا روتيني العادي ،،
_ بس حرفيا إنت متستهلش البهدله دي
_ مفيش حاجه اقدر اعملها مش بايدي ،، بقولك إيه تعالي معايا اوريكي بيتي هو مسافه صغيره مش بعيد
_ تمام
اخدتها معايا و وريتها البيت وقولتلها : دا بقي ياستي المكان اللي انا عايش فيه
_ إنت بسيط آوي
هزيت رأسي وانا حاسس بخجل شويه
_ انا انبسطت إني شوفتك النهرده
_ وانا انبسطت جدا ،، يارية تبقي تيجي تقعدي معايا هناك كل يوم
قولتلها كدا وانا ببتسم والابتسامه مفارقتش وشي
_ حاضر آكيد هجيلك ،
_ ياريت
مشيت البنت من قدامي و كنت حاسس بنبضات قلبي بتتسارع
_ مش للدرجادي
بلف راسي ومسافه ملفيتها
لقيت ديريك
يتبع ♡♤
_
YOU ARE READING
MANUEL ♡ مانويل♤
Fiksi Remajaتخيل تبقي بتحب حد لدرجه انك متقدرش تتخلي عنه * وتبقي فاكر انه ميقدرش هو كمان * بس الواقع يثبتلك العكس* وتتغدر بس من ورا ضهرك * ياتري الأيام تقدر تغير القدر ولا لا وياتري هيرجع كل شئ لأصله تاني ولا هينتهي بشئ منتوقعوش .. MANUEL ♡
