تعليق الكاتبه :
روايتنا بتتكلم عن ولد إسمه مانويل
عنده 22 سنه
حياته بسيطه جدا
تخيل تبقي إنت اللي صانع البيت اللي إنت عايش فيه
ويادوب لما تحتاج انك تقضي مشاويرك بتركب العجله وبعدين ترجع تاني البيت وتعيش باقي اليوم من اللي إنت بتكسبه
الولد دا بيكسب علي الأقل في اليوم مقدار طفيف جدا!
هتسألني هو عايش لوحده ؟!!!
هقولك آيوا عيلته اتخلت عنه وهو صغير ومكنش معاه حد بس لما كبر قوي نفسه بنفسه ،،
أظن فهمتك كدا ♡
استمتع ب اللي جاي ♡
________
مانويل ولد بسيط جدا
كل اللي كان بيعمله في يومه إنه يخرج من بيته في ساعه الفجر والناس كلهم نايمين يشتغل وياخد آجره بعدين يرجع بيته ينام اليوم كله
ويصحي بليل وهكذا الروتين العادي بتاعه
لكن جيه يوم وغير حياه مانويل للأبد
اليوم اللي فيه إتعرف علي بنت جميله جدا
__
مانويل كان خارج الفجريه من بيته ورايح يشتغل كالعاده
وهو في الشغل شاف زميله بيقوله
_ أنا إشتريت آيس كريم من برا ..تحب أجيبلك واحده وإبقي حاسبني بعدين مش لازم الوقتي
(كان الوقت بقي حوالي الشروق )
ملحوظه :
نكمل باقي الروايه علي لسان مانويل ♡
استمتعو بالأحداث ☆
______
_ لأ لأ شكرا يا ديريك مش عايز الوقتي
_ إشمعنا مش مشكله إنت شكلك مفطرتش
_ بعدين بعدين تعالي بس نكمل شغلنا الأول
_ طب إنت مفطرتش
_ مش مشكله ياسيدي إنجز ياسيدي
نسيت أقول ليكم مين ديريك ؟!
ديريك دا صديقي المقرب من وإحنا أطفال
لما بيشوفني مرهق أو فيا حاجه بيحس بيا ودايما بيجبلي الحاجه لحد عندي
وهو اللي ساعدني في بناء بيتي الصغير اللي هناك دا !
عاوز أشكر الدنيا أنها جابتلي واحد زيه بجد
______
خلصت شغلي في اليوم دا وكنت واخد العجله ومروح
بس من كتر التعب وقفت العجله وروحت اقعد في جمب
مكنتش شايف قدامي ويادوب سندت ايدي علي رجلي وانا مغمض عيني وبتنهد
فضلت كدا تقريبا لحد قبل العصر
محستش بنفسي وكنت نايم علي الرصيف بس حسيت بلمسه إيد حد علي وشي
ولما فتحت عيني لقيتها بنت بتقولي : إيه دا إنت إزاي هنا ؟! ونايم إزاي هنا !
قولتلها بنبره كلها ارهاق وتعب ومكنتش قادر اتكلم
: أنا أسف بس غلبني النوم هنا
وقومت وانا بحاول اخد حاجتي من علي الرصيف وبركب العجله بسرعه بس كنت دايخ وقولتلها : أنا أسف
البنت : أسف علي إيه أستني اساعدك طيب شكلك دايخ
_ لأ لأ انا كويس
ركبت العجله بسرعه ومشيت كام خطوه صغيرين بس حسيت بغثيان وعيني بدأت تزغلل فوقفت شويه وكانت الدنيا قربت تبقي ليل
شربت شويه ميا وكملت باقي الطريق لحد البيت
اول موصلت عند البيت فتحت الباب
ولقيت التليفون الأرضي بيرن
فتحت وانا بقول بكل ارهاق :
آلو
_ أيوا يا مانويل انا قاعد برن عليك بقالي ساعتين إنت فين كل دا
_ تخيل كنت نايم علي الرصيف من كتر التعب وجت واحده صحتني من النوم لولاها كنت هفضل نايم كدا لحد تاني يوم
_ لأ خليك حديد كدا إجمد
_ حاضر بس أنا مشوفتش وش البنت دي او تقريبا شوفته
_ أنت هتقعد تفتكرلي وشها نام يلا عشان فيه مفاجأه هقولك عليها لما تصحي بكرا
___
_ قولتله بكل حماس : إيه هي ؟!!
_ مش هقولك الوقتي نام يلا
_ حاضر ياسيدي
اخدت بعضي وجريت علي السرير أنام
وانا بحتضنه من كتر التعب ...
يتبع ♡♡
YOU ARE READING
MANUEL ♡ مانويل♤
Novela Juvenilتخيل تبقي بتحب حد لدرجه انك متقدرش تتخلي عنه * وتبقي فاكر انه ميقدرش هو كمان * بس الواقع يثبتلك العكس* وتتغدر بس من ورا ضهرك * ياتري الأيام تقدر تغير القدر ولا لا وياتري هيرجع كل شئ لأصله تاني ولا هينتهي بشئ منتوقعوش .. MANUEL ♡
