هكذا تستمر الحياة
بين ثانيه واخرى لا نعلم من يفارقها
وبعضها بأي ذنب قتلت
كطائر اجنحتة ترفرف بالأرض
وهو مذبوح
ولون الأحمر الذي غطى ريشه الأبيض
وأصبحت روح في السماء 🕊️ .
~--~---------- صصصصص
صوت انذار لتوقف جهاز ضربات نبضات القلب
بأنفاس متعاليه ولاهثه ويد ترعش واصوات عاليه
وصوت صفاره الجهاز
__بسرعه بسرعه انطيني الصدمه الكهربائيه
وبأيد ترعش ومحاوله لأنقاذ المريض وانفاس لاهثه متقطعه
بدأت بلعد
_ واحد اثنين تلاثه اضرب
وما زالت صفاره الانذار
_واحد اثنين تلاثه اضرب
نكررر بسرعه علي قوه الضربات بسرررعه
_ بسم الله واحد اثنين تلاثه اضرب
نعيد علي القوه اكثر بسرعه
_ واحد اثنين تلاثه اضرب
_ خلص دكتوره هذا عمره احسبو ساعت الوفاه
_ ماكو هيج حجي دكتور هو كال راح يعيش نرجع نحاول علي القوه اكثر
_ واحد اثنين تلاثه اضرب
_ انتهى أجله دكتوره هاي ساعتة
وبمحاوله عمليه تنفس اصطناعي
واحد اثنين تلاثه
واحد ثنين تلاثه
واحد ثنين تلاثه
ليش مديكعد دكتور ليش ليش
وبأعاده عمليه صدمات الجهاز وبأقوى ضربات ممكنه
واحد اثنين تلاثه اضرب
_ خلص انتهى اسحبو الدكتورة منا
ادركت الموقف الي اني بيه وصوت انفاسي عالي واديه ترعش ورجفه احتلت جسمي واني اباوع عل ايدي الي مليانه دم المريض أو تصحيح دم المرحوم
وانفاسي بلكوه اسحبها صدري يصعد وينزل بقوة
رفعت راسي واني اشاهد الدكتور وهو
يعلن ساعه الوفاه 4:30 فجرا
والممرضين مخبوصين بالحاله
لحظه ادراك ملك الموت قبل لحظات جان يمنه وحدها هل الفكره مرعبه فرضا لو كنت اني الي قاصدها ملك الموت بهل الساعه حكون مستعده لمقابله وجهه الكريم
فزيت من صفنتي وتفكيري الي حتلني ثواني عل صوت الممرضين والدكاتره
_ هذا الشخص مهم حيل وماعتقد اهله راح يفوتوها النه واهله مو خوش ناس يدورون المصيبه دواره
_ يعني هذا امر الله شون يعني بيدنا الشغله قابل
_ اي بس ناس مو خيره ابد حيطلعولنه سالفه ويبلونه بيها هي تهديداتهم قبل منطب مخلصت وهو جان عايش النوب انطاكم عمره
_ عل كلن هذا الي صار شي مو بيدنا وهسه نطلع نخبرهم ويصير خير أن شاءالله
_ان شاءالله خير بس مراح يعدوها
طلعت وعفتهم خلصت طاقتي وصوت نقاش الدكتور والممرضين يترادد بمسامعي وخصوصا اني الدكتورة المشرفه عل حالت المريض بس حاولت وهذا شي مو بيدي شيريد يصير مثلاً
_ كعدت عل المقاعد الخارجية برا صالة العمليات وباب يفصلنه عن أهل المريض الي صوتهم متعالي وواصل لهنا بتهديداتهم وهمه ينتظرون انطمنهم عن حاله المريض وغضبهم لعدم اخبارهم بأي شي لحد هل الساعه والي استمرت لمده اكثر من أربعه ساعات
