سواد الليل وعتمتة كأنه قلب ظالم
الذي غلف بشرور الليل
( وَمِنْ شَرِّ غَاسِقٍ إِذَا وَقَبَ )
ومن شر مظلم اذا دخل علينا بظلامه
........
_نزلي يلا
درت وجهي واني اباوع من الجامة عل المركز وحجيت بتنهيدة ورجفه حتلت جسمي
_ خايفة انزل كلبي حاسسني بشي مو زين راح
يصير واحساسي ميخيب ابد
درت وجهي لبراهيم بعد ملزم ايدي بجفوفه الحاره
_هالة باعي عليه
حجه وعيوني بعينه واصابيعه تتحرك عل ايدي يهديني بيها
_ ماكو شي راح يصير فهمتي بطلي خوف هاي أول مره اشوفج هيج خايفه طول عمرج جنتي قوية شبيج هسه ممتعود عليج هيج انتي قوية لتخلين خوفج يسيطر عليج فهمتي خلي هل الشي ابالج وبعدنا بسم الله منعرف شراح يصير مجرد حجي هذا تفائلو بالخير تجدوه فهمتي
هزيت راسي وابتسمت لكلامه فعلا مجنت ضعيفه ليش داتفائل هيج واني ماعرف شي بعدني بس مجرد احساس بداخلي سيطر عليه
_ اي ماشي
حط ايده عل وجهي ومسح بأبهامه وصوته الهادي الي يعكس داخله ويحاول يطمني بكل أيجابية
وهو مبتسم بوجهي وبحنية كال
_ احبج خوش
_ واني هم احبك
_ نزلي يلا خليج قوية ماشي
_ ماشي
نزلت وسديت باب السيارة واجه عليه لزم ايدي قوي ويحاول يطمني اخذتنا رجلينه لداخل المركز
المكان الي يخنك حرفيا والشرطه بكل مكان وهوسه والضجيج كلش عالي بيه والموجودين اشكالهم غريبه وتخوف صدك من بعيد تحسه مجرم
_هاي شنو
_ شنو شبيج
_دشوف
_ اكيد داشوف بعدين داخلين مركز شتريدين تشوفين لعد ورد جوري غير كله مجرمين
_ ديلا هسه شوف ذاك الشرطي بسرعه حتى نطلع منا
_ اي يلا تعاي نسئله خليج ورايه لتباوعين عل احد
_اي يلا
_ السلام عليكم
..وعليكم السلام خير
_ احنا تم استدعائنه الدكتورة هالة...
_منا دخلو آخر غرفه ينتظروكم
_شكرا
مشينا من الممر الي كال عليه وشفناهم أهل المريض واكفين برا يم الغرفه وشكلهم ميبشر بخير والدكتور ورئيس القسم هم واكفين
هزيت براهيم من جتفه
_ها
_ ذولي هياتهم واكفين
باوع عليهم وندارلي
_ انتي مندكيتي اله ويه ذولي استغفر الله ياربي حتى شكلهم حرام واحد يحجي عليه
باوعت عليهم المكان صاير هوسه ملحمه من عددهم وكل واحد شكله من تشوفه تقرا المعوذات بكلبك السم والخبث يقطر من وجهم تقطير
باوعت عل الأب وشفته خازرني بعد منتبه عليه ومده يشرب من دمي الرجفه اخذتني واني امشي واشوف بعددهم هل الكثر بس ارجع اطمن نفسي ميكدرون يسون شي واحنا بمركز وابراهيم بصفي
