منذ ان عرفتك علمت ان للغرق نواع اخرى غير الماء❤️
_______________________________ كعدت اقره للامتحان ...ضليت اقره لحد الساعه 7 بليل اذن كمت صليت ورجعت اقره لحد ما ماما صاحتني.....
هدى: رودي ماما يله تعالي اتعشي وارتاحي شويه وعود بعدين كملي قرايه
روديانا: اي ماما هو هم هيج راح اسوي لان راسي سطرني من كد ما ضليت اقرة
هدى: ديله تعالي اتعشي وبعدين كملي
روديانا: ماشي ماما .. اتعشيت وكملت وغسلت الاماعين ماخليت ماما تغسلهن لان هل ايام جاي اكنسل وما اساعد ماما وخطيه هيه تسكت متحجي لان تشوفني اقره المهم خلصت وصعدت حتى اقره .... مجرد فكرة انو الامتحانات قربت تخوف جاي اقره وا احس غير الباب اندفع شفتهم محمد وذوالفقار
روديانا: وجعع حتى الوجعع شبيكم اتخبلتوا ادري احنه مربين قروده خوما مربين قروده شوكت تبطلون سوالفكم الطايح حضها
محمد &ذوالفقار: ما انبطلها بكيفنه
روديانا: شنو هو بكيفكم انتو متفتهمون متشوفون بشر جاي يقره ومسموط جده السابع عشر صدك انتوا متستحون بس اني اعلمكم خلي يجي بابا واكله عليكم.... على صوتي صعدت ماما رزلتهم ونزلت وهمه هم نزلو
محمد: اني اعلمج بسيطه عبالج انساها الج اني اعلمج
روديانا: ههههههااي صدك ضحكتني شتعلمني عربي لو انكليزي هههههااي
محمد: شبيج شهل سخافه شنو الدراسه اثرت عليج
ذوالفقار: لا هاي شبيك اجتها الحاله يمكن
روديانا: اهوووو اني وجاري شدخل حماري
ذوالفقار:هاي عليمن ولج
روديانا :عليك قابل عليمن
ذوالفقار: مو اكوملج اطيح حظج
روديانا: عابت الك والوجهك المعبس
ذوالفقار: تروحين فدوة الي والوجهي
روديانا: ويععع
احمد: ولكم انتوا متستحون متخجلون يعني بعد شكبركم تصيرون حتى تعقلون وانتي روديانا عود الجبيره تخلين عقلج ويه عقلهم هاي ابدال متكعدين تقرين
محمد&ذوالفقار&روديانا: اسفين بابا
احمد: امشوا ولو روحوا اقروا وانتي هم اكعدي اقري لتضلين تسختين.
روديانا: ماشىء بابا ... نزل بابا اني اعلمكم يا محمد&وذوالفقار من وراكم اترزلت .. عفت كلشي وكعدت اقره ضليت اقره لحد الساعه 12 حسيت نفسي جعت كمت طلعت حبشكلات جبس ونساتل وككو وكعدت اكل واباوع بالتلفون .... المهم ضليت سهرانه اقره خلصت الكتاب مامصدكه نفسي رفعت راسي شفت الساعه ب4 الفجر عزااا هذا كله الوقت اني اقره .... نزلت غزلت وجهي وبعدها صليت ونمت ....
وتوالت الايام نفس الروتين اضل سهرانه اقره الى ان اجه يوم الامتحان...
روديانا: يايمه خايفه من باجر يارب دخيل اسمك كون الاسئله سهله واعرف احلها
هدى: يا ماما ليش هيج خايفه عليمن انتس مو قريتي بعد شكو ليش تخافين
روديانا: ماما مدرستنه صعبه اسئلتها تخوف
هدى: هسه انتي مو قريتي عليمن بعد
احمد: شبيها حبيبة ابوها
هدى: خايفه من امتحانها
احمد: تعاي بابا ليش خايفه انتي مو قريتي
روديانا: اي بابا قريت بس مدرستنه اسئلتها الي تجيبها صعبه كلش
احمد : لا باباا لا تخافين مدام انتي قريتي وتعبتي الله ميضيع تعبج
روديانا: ان شاء الله كون اسئلتها سهله
احمد & هدى : ان شاء الله.
روديانا: عفت ماما وبابا رحت اراجع حتى احضر ملابسي وانام من وكت راجعت وحضرت ملابسي ورحت نمت
________________________________
صباحا الساعه 6:00
روديانا : كعدت الصبح من وكت حتى اراجع رحت غسلت وجهي وتريكت وكعدت اراجع
وبعدها وصلني بابا للمدرسه دخلت بس ما
شفت صديقاتي المهم دخلونه للقاعات الامتحانيه انتضرنه شويه وبعدها سلمونه الاسئلة بس الحمدالله جاوبت جانت الاسئلة زينه نوعا ما خلصنه وطلعت من الصف شفت صديقاتي وبعدها رجعت للبيت وبشرت ماما
وهيج توالت اايام الامتحانات نفس الروتين الى ان اخر يوم امتحان طلعت فرحانه لان خلصت
رجعت للبيت تعبانه بس سبحت وبدلت ونمت ماكعدت غير ب 11 بليل حيل هاي شكد نايمه اني نزلت شفت بابا وماما
روديانا : هلو بابا
احمد: هلا بيج بنيتي بشري شلونج اليوم
روديانا : زينه الحمدالله الاسئلة سهله
احمد: الحمدالله
هدى: ماما امشي روحي تعشي
روديانا : ماشىء ماما .. تعشيت وخلصت غسلت الماعون الي اكلت بي ورحت كعدت يم ماما لان بابا طلع ومحمد وذوالفقار فرحانين ولا جن ذوالفقار الجبير مالتنه لان خلصوا امتحانات ثاني يوم واحنه جاي نتغده حجه بابا
احمد : حضروا نفسكم حتى الخميس نسافر
هدى: يعني حجزت
احمد: اي حجزت قبل ليخلصون امتحانات واليوم خابروني على الخميس طيارتنه
روديانا: اشوف ماما واخواني فرحانين واني مدري ليش احس اختنكت وممرتاحه لسفرتنه مع العلم جنت متحمسه وانتضر اليوم الي نسافر بي
روديانا: بابا ليش منأجل سفرتنه
احمد: لا بابا ما اكدر عندي شغل
روديانا: بابا حباب يعني متكدر تاجل شغلك
احمد: لا بابا بس ليش مفرحانه راح نسافر مو جنتي فرحانه وتنضرين اليوم الي تسافرين بي
روديانا: اي بس ممرتاحه لهاي سفرتنه
احمد: لا بابا ماكو شىء بالعكس راح نتونس
روديانا مكدرت اقنع بابا انو نأجل السفره گلبي مقبوض وممرتاحه وشايله هم مدري ليش ... اوففف ياريت لو قانعتهم ولا صار الي صار
________________________________
دمتم في حفظ الله ورعايته💜
أنت تقرأ
روح الانتقام
Fantasyفتاة مرحه تشبة الشمعه المشعه تعيش مع عائلتها سعيده لكن القدر وقف ضدها واطفئ نورها المشع وياتي من ينقذها من هذا الضلام وينير حياتها من جديد ....
