ولى فيك ما لم يقل قائل وما لم يسر قمر حيث سارا فلو خلق الناس من دهرهم لكانوا الظلام وكنت النهار المتنبى..🌹✨
-----------------------
العم جابر: هلا بنيتي شونج اختج شونها
روديانا: زينات بفضل خاله ام علي
العم جابر: والله ماعرف شون اجازيج يا خيتي
ام علي: لا عادي هنه مثل بناتي
العم جابر : لعد احنه نكون نروح
روديانا : وين نروح
العم جابر: وين قابل غير نرجع للعراق
روديانا: منو كللكم ارجع.. من الاخير انزع قناعك الي لابسه وكلي شنو المصلحه الي اجيت عليها
العم جابر: اي يبنت هدى الفكر هذا القناع ونزعنا اني جاي علمود الورث اريد تسجلين الورث باسمي
روديانا: باحلامك اسجل الورث باسمك
العم جابر: لج انجبي سا** تسجلين الورث باشمي لا قسما ارجعجن للعراق سحل
روديانا: ما اسجل و شتريد تسوي سوي اعلى مابخيلك اركبه
العم جابر: هيج الحجي مو اني اعلمج
روديانا: كام عمي وما احس غير انجريت من شعري وضربني راشدي وضل يعت بشعري هذا كله وخاله ام علي تحاول تخلصني من ايده ومعافني رجع سحلني وطلعني الباب الشارع فتح باب السياره وشمرني بيها وبعدها طب يريد يجيب اختي خاله ام علي عارضت طريقه وهددته بس مفاد دفعها حيل وكعت بالكاع وطب جاب اختي يسحل بيها فتح باب السياره وشمرها بصفي ان سحضنتها وابجي تندمت لان ما سجلت الورث باسمه ومشت بينا السياره وهو ضل الطريق كله يسب بامي اخير شىء متحملت عطت بوجهه
روديانا: كافييييي امي شعليها هو ابوك الي وزع الورث قبل ليموت وكلمن اخذ حصته امي شعليهاااا هاا فهمنيي شعليهاااا
العم جابر: انجبي لججج سا** عليمن تطلعين اذا امج هيه ك** وضحكت على ابوج وخلته يزوجها
روديانا: تففف عليك ياخايس لو صدك رجال جان ماحجيت على عرض اخوك.. اني كلت هسج وماحس غير بحرارة الراشدي حسيت خدي اشتعل نار
العم جابر: هاي حتى تتأدبين واني اعلمجن بلبيت اعيد تربيتجن من جديد اضاهر ماعرفوا يربوجن زين اني اربيجن بس خل نوصل
روديانا: متربايات احسن من تربيتك لو صدك انته متربي جان ماطعنت بشرف مرت اخوك يعني بمثابة عرضك سكت ما حجه بس ضل يتحلف ونتالي كل شويه تندسني حتى اسكت واني ما اتحمل بسرعه احجي بدون ما افكر بالي دا احجي.. وره فترى وصلنه وكفت السياره يم بيت هو نزل فتح السياره ونزلنه يسحل بينه دخلنه للشقه وراها طببنه بالمخرن وقفل الباب علينه انصدمت من قفل الباب علينه متوقعت هيج يسوي ضليت ادك على الباب حيل واغلط عليه .... الى ان تعبت وكعدت المخزن وصخ كشت روحي منه ونوب بي ريحه مال رطوبه كلش قويه كعدت بصف اختي لان حتى هيه تعبت من البحي ونامت على رجلي اني ضليت صافنه بالفراغ اذكرت هذاك اليوم من اخر مره شفت بي عمي جابر وشسوه
________________________________
أنت تقرأ
روح الانتقام
Fantasyفتاة مرحه تشبة الشمعه المشعه تعيش مع عائلتها سعيده لكن القدر وقف ضدها واطفئ نورها المشع وياتي من ينقذها من هذا الضلام وينير حياتها من جديد ....
