روديانا
ما ادري اني بواقع او حلم واكفه على مدرج تخرجي صار الي تمنيته وحلمت بي واجه الوقت الي راح اكدر انتقم بي
وكف كبالي بكامل اناقتهه ولبسني الروب وقبعة التخرج وباس راسي وكال ونبرة صوته جانت مليانه فخر
ايليا: الف مبروك بابا
روديانا: الله يبارك بيك كله بفضلك وبفضل ابو شبير لو ما انتوا جنتوا مسانديني جان اني ماوصلت لهنا
اجه ابوشبير طبطب على ظهري بحنيه ورجع يعدل بقبعة التخرج وهو يكول
ابوشبير: هذا شىء واجبيي مرتي العزيزه
ضحكتت على گلمة مجان بالي قاصدها من صدك عبالي يحجيها حتى يغيض ايليا
ابوشبير: اي اضحكي اروحن فدوه الضحكتج
روديانا: عگدت حاجبي شبي هذا ابو شبير شبيك اليوم
ابوشبير: خلي تخلص هاي السنه حتى نعرس ونخلص
روديانا: ايليا هذا شبييي سكرانن اني كلت سكران وهو فحط من الضحك هذا شبي
ايليا: شكو شبيك شبي روديانا
روديانا: يكول خلي تخلص السنه حتى نعرس ونخلص
ايليا: اي شكو شبيها
روديانا: شنوو شبيكم غير اني اريد ننفصل
ايليا: حبيبي هسه معليج بهل حجي تونسي هذا يوم مهم لازم تنطي حقهه
روديانا: من صدك بهذا اليوم تونست خلص الاحتفال واخذنه غراضنه وطلعنه طول الطريق ايليا وابوشبير يرگصون الي يشوفهم يكول عرس مو تخرج
وصلنه للبيت بسرعه صعدت سبحت ومشطتت اريد انام بس مكدرت انام اني لسه اخذ المهدئات بس ابوشبير ميخليني اخذها يوميه حتى ليصير عندي ادمان مثل ما صار بالبدايه نمت وبعد ما ادري بالدنيا وين بين النايمه والكاعده اسمع شخص
همس بصوو ناصي يادوب ينسمع
اسمع شخص يكول صقر صدك دتحجي هذا الشىء خطر هذا الشىء الي دتسوي ممكن تروح بيها
جاوبه الثاني لايظل بالك اني مينخاف عليه اتحركت منزعجه اني بحلم لو واقع حسيت بيهم انتبهو
حسيت بشخص مسح على شعري وكلي ارجعي نامي غمضت عيوني مره ثانيه داخله للظلام فزين على صوت المنبه الساعه ب9:00
كمت وراسي مسطور واتذكر شنو هذا جان حلم لو واقع
المهدئات كلش مأثره عليه ماعرف اميز بين الحلم والواقع
وخرت هاي الافكار من راسيوكمت اسوي ريوكك فتت للمطبخ ولكيت ايليا كاعد
روديانا : صباح الخير
ايليا:صباح النور نمتي زين؟
روديانا: اي
وباشرت اسوي ريوكك لان ايليا متريكك ونتالي متكعد هسه
أنت تقرأ
روح الانتقام
Fantasyفتاة مرحه تشبة الشمعه المشعه تعيش مع عائلتها سعيده لكن القدر وقف ضدها واطفئ نورها المشع وياتي من ينقذها من هذا الضلام وينير حياتها من جديد ....
