بارت 5
الندم مع الانتقام.......
وره ايام ونفس الروتين اجه اليوم الي راح اروح بيت عمر الشخص الي حبيته وقبل لا اروح اجه ابن عمي امير وكلي
امير... مايا اتمنالج كل الخير بس اني خايف عليج لا يطلع قرارج بالزواج غلط وتندمين بعدين
مايا... امير لا اتخاف اني قويه وهاذ الشخص اني احبه وصار زوجي
امير... ماعرف بس اتمنالج الخير
مايا... شكرا اموري وحضنته وصعدت بالسيارة
ابجي وامير عيونه حمر دم وامي وعمتي وخالتي راحن وياي الانبار بس عمر رسمي وياي يحجي كلمتين ويطلع بس ما هتميت هواي وهاي المده اني ابقى بغرفه لمى والروتين نفسه ما اتغير واجه عمر كال اليوم انسوي تحاليل دم وبعده نعقد محكمه واني ما درت بال رحنه سوينه تحاليل دم وطلع مطابق وعقدنه محكمة ورجعنه للبيت وتغدينه وكعدنه كلنه سوه وام عمر حجت
ام عمر... ها يمه شوكت قررتو اتسون حفله العرس وزفه
عمر... والله يا يمه ما راح انسوي زفه وعرس هيه هسه هنا انروح البيتي نتزوج وبس ميحتاج انسوي عرس وهوسه
ام مايا... شنو ما اتسون عرس تره عرس بنتي الزغيره وحاله حال العرايس واول عرس الهه وحقه تلبس وتتزين العرسه واسوليه احلى عرس وحفله وانت هسه جاي اتكول ما اسوي عرس وحفله
عمر... هاذ القرار مو بس اني اخذته اني ومايا اتفقنه وهيه كالتلي ما اريد اسوي حفله واسئليه
مايا وبصدمه... اني
عمر... اي انتي غير الصبح هيج كلتي شنو نسيتي
ام مايا... اذا انتو متفقين بكيفكم لعد ميحتاج احجي
عمر... اي عمه احنه متفقين على كلشي
براهيم... بس ليش
عمر... القاضي راضي ليش تدخلون
كلهه ضحكت بس اني صدك انقهرت اهم يوم بحياتي ما اسوي الي اريده بس المهم اني اتزوجت الشخص الي احبهه وبعده عمر والولد كلهم طلعو وعمتي(ام عمر) وعمتي الي اجت وياي راحن نامن وبقينه بس اني وامي وليلى وليلى حجت
ليلى... صدك تحجون ما راح اتسون عرس
ام مايا... مايا احجي ليش ساكته هاذ العرس انتي
احلمتي بي وانتي ازغيره وتكولين اله اسوي عرس اخلي العراق كله يحجي بي وين حجيج ليش ساكته
مايا وهيه تتصنع البتسامه... ماما ليلى المهم اني وعمر سوه وميحتاج اسوي زفه وعرس وعمي بعده السنه مالته ما طالعه
ام مايا... بكيفج لعد
ليلى... اي شوكت انروح للسوك لو همات ما تتسوكين للعرس شنو احنه جايبينج لهنا فصليه لو عروس عرس اختي الوحيده هيج صدك عصبتوني لو باقيه بالقسام الداخليه ولا جايه
مايا... حبابه اسكتي لا اتقهريني فوك ما مقهوره
ام مايا... يلا اسكتن لا تتعاركن سكتنه وحضرنه نفسنه واجه وكال
أنت تقرأ
الندم مع الانتقام
Romanceتتحدث الروايه عن فتاة اتحب الحياة سوف تتقابل مع شخص يكره كل شي يخص الجنس حوى وكل تفكيره ينتقم من كل شي يخص البنات وهل يا تره الادوار سوف تنقلب ترقبو بالبارتات الجايه مشاهده ممتعة
