الندم مع الانتقام

بارت تعريفي

بارت تعريفي
.................
عن بطلة القصه الندم مع الانتقام
................
مرحبا اني مايا من جنوب العراق تحديد من الناصريه اني احب اعيش حياتي مثل ما اريد اني عنيده والي اريده ايصير اني ملامح وجهي طفوليه وناعمه لا طويله ولاكصيره بس ال ايميزني شعري كولش طويل وكفشه يعني اندومي واحب عائلتي كولش ونقطه قوتي و ضعفي همه عائلتي متكونه من سبع أشخاص راح تتعرفون عليهم بالبارتات الجايه اهلي همه بابا جان ضابط وحاليا متقاعد امي موضفه عندي ثلاث اخوان واخت اخوي الجبير متخرج علام اختي طالبه كلية طب عام  واني سادس فنون جميله وعندي معرض رسم  عندي واخوي التؤم طالب متوسطه لان يرسب هواي وما ايحب الدراسه واخوي الصغير واخر العنكود والي اني اسمي ضرتي طالب متوسطه
........................ خلي نبدي بالقصة يلا

شهر رمضان
ام مايا... نومه اهل الكهف ان شاءلله الفطور جاهز تعالو افطرو شنو من هل عيشه هاي عبالكم بنكاليه مو مره وعده بنات اثنين بطول الدنك كلشي ما مستفاده منهن شي بس اكل ونوم وينهن خلي يجن ايحضرن المواعين والعصاير.

ابو مايا... عصابج ياحبيبي يا عمري اني هسه اسويهن عوفي الجهال نايمين تعبانين من الصوم

ام مايا... ها يعني خايف عليهم لا ايتعبون لان صايمين واني هنا شنو دوام من الصبح واجي الضهر انضف واحضر الفطور وازقنبهم وهمه ايسحرون ايذن اينامون ويكعدون قبل لاذان بدقيقة شنو من صوم هاذه

ابو مايا... عصباج يا عمري يا حياتي يا كلبي يا بيتي يا مريتي هسه همه بس اينزلون اطيح حضهم الج هسه خلي افطر من خدج الكيمر لو بالغرفه ومحد يدري

مايا واخوتهه... احم احم احم احم ولايستقرون روميوو جوليت

ابو مايا... شنو اتسون هنا من اشوكت اجيتو وجتمعتو اجيتو من اريد اخذ حصتي من النفط

مايا... اجينه من كلت احنه جهال ههههه

ام مايا... كافي مياعه وتعالو ساعدوني

ابو مايا... يلا روحو ساعدو امكم

مايا واخوتهه... اي اجينه يا نبع الحنان ونبع الامان شعدنه غيركم نحبل انجيب هههههه

ام وابو مايا... كافي لوكه تعالو نفطر لان متنه جوع
كعدنه نفطر ونشاقه اني واهلي خلص الفطور وغسلنه الموعين وجتمعنه بلاستقبال انشوف مسلسل العائله ونضحك ونتنمر على بعض المشاهد بالمسلسل وخلص المسلسل اخوي راح للكوفي وامي راحت للغرفه لان تعبانه ونامت وبابا كعد بالصالة ايخابر عمي واختي بغرفته تدرس واني بلاستقبال اتابع برامجي ومسلسلاتي المفضله وكلشي حلو انحشش ونضحك
الساعه صارت ب1:45الفجر واجه اتصال من رقم شخص غير حياتنه 180درجه
.....................................

منو جان المتصل
ليش هاذ الاتصال غير حياة هاي العائله
هل يا تره لاتصال راح ايغير حياة البطله من لاحسن او الى السوء. ترقبو البارتات الجايه
.
.
.
.
.
.
.
.
.
.
اكتبو بالتعليقات واذا عجبكم البارت اكتبو بالتعليقات حتى انزل بارت 1 🫀🫂