الندم مع الانتقام

بارت 10

بارت 10
الندم مع الانتقام .....

رحت الغرفه عمتي لكيته فارشه سجاده الصلاة وجاي اتصلي

مايا... عمه انام يمج اليوم
ام عمر... تعاي

رحت يمهه نمت على رجله وكامت تقره الي قران لحد مانمت وكعدت ثاني يوم مرتاحه ماعرف ليش
صفينه البيت ورتبنا وسويت غده واني بالمطبخ انفتح باب الكراج وجانت الصدمه هنا شفت عمر اي عمر وهوه حالته يرثه عليه كله راحت اتشوفه براهيم حضنه ويجبي وعمي وعمتى لمى كلهم حضنو سوه واني واكفه يم سنك مصدومه من الي شفته اجه عليه يتقرب مني واني ارجع لوره لحد ما وكف كدامي واني لزكت عل حايط تقرب عليه وخله ايده على خصلات شعري وخلاهن على اذاني راد يحضني دفعته ونهزمت منه صعدت الغرفه عمر القديمه  الي بيت اهله لان اني انام بيه من هوه يلتحق صعد وراي واني متوتره  وجسمي كله يرجف دخل للغرفه وقفل الباب وتوجهه عليه لحد ما لزكت بالحايط وهوه كدامي وميخليني اتحرك

عمر بصوت تعبان...شلونج
مايا بتوتر... ع ع عمر
وتقرب مني وخله اجبينه على جبيني وكلي
عمر... مشتاقلج

مايا بدموع وعصبيه دفعته... عوفني لا تتقرب مني
عمر ببتسامه تعب... موبكد الشوق الي اني مشتاقلج بي

مايا بدموع وهيه تضربه على صدره... وين جنت، ليش ماتجاوب على تلفونك، ماتعرف شكد خفنه عليك، ليش اتريد اتخلي نفسك محور الكون، ماريد، لا تتقرب مني، عفوني 😭😭😭

وكعدنه بالكاع واني اتعارك ويا وحط ايده على ركبتي وقرب وجهي على وجهه وانفاسنه دخلت ابعض وكلي

عمر... اششش اسف والله بس هاجمونه هاجمو مقر مالتنه

مايا بدموع... ماتعرف شكد خفت عليك، بيك شي، تعبان لزمت جبينه بصبعي ديجوعك حبيبي بيك شي كلي وحضنته واني منهاره بالدموع، بصوت خفيف كلتله لا تعوفني واغمى عليه

.......................... خلي انشوف عمر بهاي الفتر

صار الساعه 5:30 صبح اني جنت بالواجب اجانه انذار المقر الي كاعدين بي الر**هاب هاجمو وتوجهنه علي وصاير طين وصار اطلاق نار قوي والجثث تارسه المكان وتصاوبت وكعت بالكاع وتخليت مايا كدامي كالتلي

مايا... انت ذيب ماتموت انت الموت ايخاف منك صير قوي  اني وابنك منتضريك

وغمى عليه وتحاصرنه سبوعين ومن طلعنه بسلامه وصديقي غيث تصاوب وحالته خطره مر اسبوع غيث صار زين ورجعت للبيت وعيوني ادور على مايا سلمت على اهلي ودخلت عل مطبخ شفت مايا مصدومه توجهت عليه لزمت خصلات شعره خليتهن وره اذنه  ردت احضنه  دفعتني وشردت استغربت من تصرفه واجت امي كالتلي

ام عمر... روح شوفه يمه صارله اسابيع حالته حاله

لمى... اي خويه حتى بهاي الكم يوم حتى اكل ماتاكل بس كم لكمه، رحت صعدت اله وتقربت عليه اني اتقرب وهيه ترجع لوره ومتلهف عليه بس اريد احضنه والباقي انتو عرفتو وحضنتهه وجسمه ثكل عرفته رجع انغمى عليه شلته وخليته ع جربايه ضليت سرحان عليه بسته من جبينه وبست شفايفه وعفته دخلت سبحت ونمت يمهه شكله متغير تعبان والهالات الي جوه عينه حضنته ونمت يمهه وره كم ساعه فزيت غسلت ونزلت يم اهلي افهمهم على الي اصار