ندبة تتوسط جبينها

الندبة الـرابعـة

# ندبة تتوسط جبينها.
.................................
بقلمي : شهـد الرعد.
...................................

ڪان منظر عينيك مدهشاً
ڪنت احدق فيهما بشغف وأشعر أنني أريد الاحتفاظ بهما في ذاڪرتي أطول مده ممڪنه أقاوم رغبتي في لمس وجهك في التمعن بعيناك اقاوم الغرق وانا غارق . 🥺💙💙
............................................................

رأسا صعدت اريد اركض جوة وماحسيت غير بأيد خشنة على ركبتي من ورا سحبت شالي وغطت ركبتي.

شهكت وتيبست بمكاني حتى مابيه اندار من الخوف..

:- شهد شبيج................... شهد؟.

:- فتحت عيني وانداريت شوية واني كلبي يدك من الخوف شفتة وانداريت كلي بسرعة بخوف.

كلتله بسرعة.
:- أانته! شتسوي هنا ؟

:- شنو شسوي هنا شهد شبيج.

صفنت بخوف كلت خاف مو هو جني مسوي روحه هو زين شلون منيين طلع بقيت اباوعله بخوف واتلفت واتمثل بي.

:- شهد شبيج شكو خير.

:- انتة سجاد من صدك.

ضحك وكال

:- ههههه للا سجاد من جذب.

من شفتة ضحك ويتشاقة ارتاحيت وكلتله

:- شطلعك منين طلعت.

:- شنو شطلعني اجيت دشوفج شبيج.

:- منين طلعت.

:- من باب الترك.

:- ليش.

:- جانو كاعدين كدام الباب وطلعت من باب الترك.

:- يعني هاي انته.

:- اي اني ليش تسالين هيج.

:- والله عبالي جني.

ابتسم باستهزاء وكال.
: ياجني وين اكو جني هسة بعدين شبيج تردينه نرجع.

:- ضايجة وتعبانة اريد ارجع انام فدوة روح كول لامي ورجعنة.

:- شبيج خما بيج شي.

جدحت عيني ورأسا التفتت بخوف.

بأستغراب:-شبيج.

بخوف:-مابية. يلا عفية روح كوللهم.

هز راسة وراح دخل جوة واني رحت ورا بسرعة.

باوعلي وكال شبيج. التفتت وراية وكلتلة مابية شي بس اخاف يلا.

سكت ومد ايدة على نهاية شالي من ورا ونزلهة على الفتحة مال النفنوف.
:- هاي خليلهة شي كلساع طايرة.

هزيت راسي وكلتلة يلا كوللهم.

تقرب عالباب وكال.
ساجد:- يلا ماتروحون؟