ندبة تتوسط جبينها

الندبة الثــالثة

#ندبة تتوسط جبينها
ــــــــــــــــــــــــــــــــــــــ
بقلم: الكاتبة دلشـاد

شلون احبك؟
يا طريقة التغري گلبك؟
تريد بخيوط الشمس
يمتزج شعرك؟
تريد ارسملك نجوم
شوية حمرة بلون خدّك؟
تحب اجيبنلك حواري
يحظرنلك حتىٰ أكلك؟
اني حاظر
گلي هسه ، شلون احبك؟❤❤.

.............................................................

خليت راسي بيهة اشوف شكو ماكو وحسيت شخص وراية لازم باب الثلاجة أخذت خيارة بساع ورفعت نفسي أشوف منو.

باوعت وشفتة هو واكف.
أهوو هذا شيريد لازكلي وين ما اروح كلتله بنفاذ صبر.
: هااا شتريد.

تحمحم وكال..
:- أمم رقية شتريد مني.

باوعتلة مصدومة عزاا يمكن سمعني. والله مبين من طلعت وشفتة تلكاني مبين سامع شي. سويت نفسي مستغربة وسألتة.
: يا رقية؟

:- لتغشمين روحج.

سويت نفسي ممهتمة وكلتلة..
:- واني شمدريني شتريد منك هذيج هية وروح أسألهة.

كال وهو يباوع بعيوني كأنو ديقرا شي..
:- لا اني دا أسألج ألج وأريد الجواب منج.

ضجت كلش كلتلة.
:- وأني شمدريني بنعالة جانت دتعدل بروحهةة تنتظرك تجي علمود تشوفهة حلوة .
كلت أخير كلمة وعيبت.

ابتسم وصفك ادينة وكال.
:- يا حرامات لو ادري جان جاي شايفهة.
بس يلا عود نوب من يجون ابقة انتظرهة ما اطلع.

احسة ديعاندني واني احس نفسي ضجت من كلامة.
:- اي ديلا وخر اريد اروح.

:- وين تروحين.

:- وانته ياهو مالتك.

:- شبيج ضجتي.

باوعتلة صفح وكلت..
:- وعلى شنو اضوج هو شكو.

:- اححمم زين سؤال؟

:-جوابب.

:- تتوقعين رقية تحبني؟

هسة مال الزم الخيارة والطعة بيهة على راسة احد يكلي ليش.