دق جواله برقم اخوه سلطان ابتسم ورد: يهلا وين وصلت
قاطع كلامه الصوت الغريب: تعرف سلطان؟
عمر ارتبك ورد: ايه اخوي مين معي؟
الرجال الغريب: اخوك مسوي حادث مع عايلته اتمنى تجي للمستشفى*****
عمر بخوف: شفيه فيه شي؟؟
الرجال: تعال وبتعرف مهمتي انا اوصل لكم الخبر
عمر: يلا جاي مسافة الطريق
راح ينادي زوجته حصه: حصه ياحصه
حصه جت بسرعه وخافت من شكله: لبيه شفيك؟؟
عمر: البسي بسرعه ولبسي فهد وغنى والحقوني السياره سلطان مسوي حادث ولا ادري وش فيه
حصه شهقت وبداخلها تتمتم بادعيه: يالله جيب العواقب سليمه يالله لاتفجعنا دق على فايز قول له
عمر: زين زين بس الحقوني يلا
وراح يدق على فايز ويدور
______________________________________
عند فايز كان نايم شاف جواله يدق باسم عمر: هلا عمر
عمر اخذ نفس عشان مايبين له: نايم؟
فايز: ايه ليه؟
عمر: صحصح ثم دق علي
فايز حس ان فيه شي من صوت عمر: عمر قولي فيه شي؟
عمر تنهد: صحصح ويجيك العلم
فايز مسح على وجهه واعتدل وجلس: مصحصح بس قول لي
عمر: سلطان مسوي حادث هو واهله
فايز فز من مكانه ووقف: اسألك بالله فيه شي؟
عمر: مدري دقو علي المستشفى وقالو لي اجي
فايز: بجي معك
عمر: زين بروح اودي حصه والعيال عندكم وانت انزل لي
فايز: يلا يلا حرص عليهم امي ماتدري بشي
عمر تنهد: زين
______________________________________
فسيارة عمر:امي لاتدري بشي ياحصه
حصه عقدت حواجبها: المفروض عمتي تدري
عمر لف لها: ماندري وش فيه سلطان لازم ماتدري
حصه: الله يجيب العواقب سليمه الله يقومهم بالسلامه
عمر: امين وحرصي عالعيال مايجيبون طاري زين؟
حصه هزت راسها: زين بس انت لاتتوتر ان شاءالله مافيهم شي ودق طمني
عمر: زين
وصلو لبيت اهل عمر ونزلهم
دق عمر على فايز: انزل لي يلا
فايز: يلا جاي جاي
ونزل بسرعه فايز عشان امه ما تحس عليه وركب
أنت تقرأ
واهداني من فقده حزن ماتخيلته
Roman d'amourفايز و ديم علاقه تجسد معنا العوض العظيم فالابوه ديم فقدت ابوها وامها بس فايز عوضها عن فقد ابوها وامها وصار لها الاب والام
