واهداني من فقده حزن ماتخيلته

البارت الحادي عشر

طقت الباب تبي تكلمها عن الموضوع دخلت من سمعت ردها: تفضل

ديم لفت وابتسمت من شافت حصه: عميمه حصه

حصه بادلتها الابتسامه: ايوا ممكن اكلمك بموضوع؟

ديم قامت وابتسمت: وتستأذنين انتي تأمرين اجلسي عميمه لاتوقفين

حصه ضحكت ومشت لحد كاوصلت للكرسي وجلست: ابشري بس ابيك تركزين معي تمام؟

ديم عقدت حاجبها: شسالفه؟ شفيك؟

حصه: انتي الحين كبيره وعاقله وتفهمين صح؟

ديم هزت راسها

حصه: فهد يبي يتقدملك وفهد انتي تعرفينه مايحتاج اوصفه لك

ديم جمدت ملامحها: بس عميمه فهد كبير وانا صغيره ولا افكر بالزواج

حصه ضحكت: مو احسن تكونون معبعض من وانتو صغار؟

ديم: بس..

قاطعتها حصه: يا امي ياديم فهد ولد عمك ومستحيل يضرك او يسوي شي مايرضيك وهو شاريك مافيها بس وفهد والنعم فيه والله ما اقولها عشانه ولدي بالعكس يأمي انتي بس انا ابيك لفهد مستحيل افرط فيك تعرفين انتي وبعدين بتجلسين هنا مابتروحين بيت ثاني هنا عند ماما فاطمه وغنى وعمر وفايز

ديم نزلت راسها تطالع بكفوفها بتردد

حصه: هاه شقلتي؟

ديم ناظرتلها وفي عيونها التردد

حصه ابتسمت وقربت منها تمسح على ظهرها: لا تترددين بالعكس

ديم ناظرتلها ونزلت انظارها لكفوفها وبهدوء: موافقه

حصه ابتسمت ابتسامه واسعه وضحكت: ايوا هذا الكلام السنع نقول مبروك؟

ديم ابتسمت وصدت

حصه: يلا بروح اقول لعمر انك موافقه يروحي

طلعت حصه وتركت ديم بحيرتها مستغربه من نفسها كيف وافقت؟ وليش وافقت اصلا؟

______________________________________

جالس وسارح ويستمع لاغنيه طلال مداح يحس انها توصف شعوره
من بعد مزح ولعب اهو صار حبك صحيح اصبحت مغرم عيون وامسيت وقلبي طريح اخجل اذا جات عيني صدفه في عينك واصير مربوك وحاير فأمري من فرحي ابغا اطير

صحاه من سرحانه صوت ابوه من خلفه: ففهد

لف له بكامل جسده وطفا الاغنيه ومشى له: سم يبه

عمر ابتسم: مبروك يالعريس

فهد تنح:وش؟

عمر ضحك: ديم وافقت

فهد حس انه طاير طاااير يحس لو يبيع كنوز الدنيا كلها ماتكفيه وربي حاول يضبط نفسه لو عالاقل قدام ابوه ابتسم ابتسامه هاديه عكس الانفجارات اللي بداخله من مشاعر الفرح اللي تاكل فيه تنحنح وحك جبينه: الحمدالله والله يبارك فيك