لو لا الظروف السيئة
لبقينا نظن أن جميع من حولنا سند 🤎.
--------------------------------------------------------------
نيزك: بعد الي سمعته تجمعت الدموع بعيني وضليت صافنه واستمع
علي: سمعي بابا اني جنت ﭑحب امج وعاشگها هم بس جان القدر كاتب النه غير شي جان اكو مشاكل بين العائلتين ولهل سبب الضروف حكمت عليه انو ابتعد عن امج وطبعاً اني لين احبها جنت مستعد اتخلى عن كل العالم في سبيل ابقى وياها واسعدها
اني وياها التقينه ب الجامعه وصرنه زملاء بس مستحيل نبقى اصدقاء بعد كل المواقف الحلوه جان لازم اكو واحد من عدنه يغلط ويحب الثاني
واني الي غلطت وحبيت امج بس جانت احلى غلطه حبيت امج عيونها العسلي سحلت گلبي حركت كل شعور حلو بداخلي
صرت ماگدر بدونها ولو ساعه وحده ادمنت (ارم)
خطبتها ومن سألنه عن اصلهم وفصلهم طلعت اكو سالفه قديمه ومشكله وجنه ماخذين منهم بنيه بس شردت ف اهلي رفضو رفض قاطع.
حاولت اصريت بس مـاكو فايده زين ﭑني شنو ذنبي اذا بتهم غلطت!!
بعدها بشهرين اهلي جبروني اتزوج بت عمي ورحت حجيت كلشي لأرم وهيه حاولت تتقبل بس مگدرت وگالت لازم ننفصل ماكو امل انو ننجمع
بس اني اصريت ابقى وياها وصدگ تزوجت وصار عندي طفله سميتها سما وصار عندي ولد وسميته متيم
كل هاي السنين وامج تنتضرني واني صابر ومنتضر الوقت المناسب حته ننجمع ب الحلال
رحت وفاتحت اهلي ب الموضوع وهم رفضو وكالو شيل هل فكره من راسك انسى اروم بس حبها جان عاميني
رحت حجيت وي ارم وكلت الها انو نتزوج ب السر اول شي رفضت وگالت ماگدر اهلي شلون اعوفهم ومن هل كلام بس ﭑني قنعتها انو تشرد وياي
وصدگ شردنه وعقدت عليها وصارت زوجتي شرعاً وقانوناً كنت اعشگ ارم
مرت سنه وصار عندي سليل عشنه احلى عائله وبعد مرور 3 سنين اجت الطفله النورت ﺣَياެتي الي هيه نيزك انتي يبعد ابوج
واجت اخر العنقود نيازك
بس لا عبالج امج نست خوالج لا قبل لتصير سليل راحت وطردونه ومن صارت سليل كل شهر تزورهم بس ماكو فايده وخوالج حلفو يمين اذا يشوفونها بعد يحرگوها ف تركت اهلها وجانت كل يوم تبجي وتتعالى صوت شهگاتها واني مجان بيدي شي بس اگعد اواسي بيها
اما بخصوص اهلي قطعت عنهم شهر من بعد زواجي ورجعت الهم گلبو الدنيه على راسي ومن گلت الهم اخذت ارم على عنادكم وصلت وياهم للتبري اتبرو مني وطلعوني من حياتهم كسرو ضهري من گالو انت مو ابنه طلعت واني محني ضهري
بَسہَٖ ارم گدرت تخفف عني ضليت كل شهر ادز لمرتي الاولى فد 500_800 تتصرف بيهن الها ولسما و متيم
صار عمرج 10 سنين وسليل 13 ونيازك سنتين ف امج گالت اريد اروح للسوك وخلت نيازك يم خالتج سلمى هيه الوحيده التقبلت زواجنه ف امج عافت اختج هناك وانتي جنتي ب المدرسه
و هناك واجه اكبر خبر مرد ڪلبي خبر وفات اغلى ثنين اروم وسليل سون حادث وماتن نيزك متدرين شصار بحال ابوج
متدرين شگد بجيت بس ما بينت الج
متدرين شگد انجرحت
وشگد انكسرت
بس ما بينت الج حاولت قدر الامكان اضل صامد گدامج ونجحت بهل شي
مگتلج انو امج واختج ماتن لين جنتي بعمر صغير متتحملين هـيَچ خبر سويت فاتحه لامج واختج ومحد حضر من اهلي ولا اهلها
وهسه عرفتي كلشي سامحيني بابا
