انفتح الباب درت راسي جان اشوفهم دخلو الحجيه وهدى وسما
يا ساتر استر الف فكره اجت براسي اني متت كتل بسبب هدى العياره النوب اجن 3 بدال الوحده
ضليت ادعي بگلبي بلكي ماكو شي وجايات يطمئنن علينه
بس لا شنو وين عايشه انت نيزك معاد اكو رحمه بگلوب البشر متت خوف حرفياً الخوف تجسد جسمي من شفتهم اجو ياخذون نيازك
نيزك: عوفووو اختيييي شتغدووون تسون الهاا
جنت اسحب بنيازك وهيه تبجي تريدني وجانت هدى تجر بيها
شعور سيئ من تشوفون دياخذون قطعه منك هاي جانت روحي مو بس اختي
حاووولت بكل الطرق اخلصها من بين اديهم للضلام بس ݪا حياة لمن ينادي
حسيت حراره ع خدي صفرت اذاني صفنت شوي يلا ادركت الوضع حسيت بذل فضيع واني اشوف سما تضربني!! اني مدللة ابوها تجي وحده من ذني تضربني وينك يبابا امنت علينه هنا متدري بيهم وحوش ينهشون لحم بناتك
خوالللي وين بلكي ينقذوني من هل مصيبه الطاحت فوگ راسي وين اني اريد ارجع بس شلوووون
اريد اعيد الزمن اريد انقذ بابا اريد احضنه واشمه وابوسه واتلمس وجها بس ماگدر اسوي ايشي من ذني جانن بنفسي والله
جنت حاسه انو حيصير شي متت بجي
نيزك: انت بأي حق تمدين ايدج عليه؟
سما: نجبي لجج لسانج ضبي
نيزك: احتغمي نفسج تغه ساكته لخاطغ ابوي الله يغحمه مو ع سواد عيونج
ۉݪج عيب عليج بابا صارله بس كم يوم من مات وانت جايه تضربين مدللته؟
شكبغج بعد تصيغين حته يصيغ عندج عقل ناضج
ۉݪج ما غزغ بعينج جان يتعب حته يسد حلگج النگس يا نگسه
هنا هجمت عليه هلست شعري قسماً بالله
جنت اصرخ وهدى تضحك بشماته ونيازك بأيدها تبجي والحجيه تباوع وماكو اي مشاعر بعيونها
فجأه
اجه منقذي والله صرت احسها منقذي هاي البنيه
ديانا: ولكم شدسوون يا ضلام عوفي البنيه
سما: رجاءٍ دوري وجهج وطلعي مالنه خلگ طيبتج هسه
ديانا: للمعلومه اني عمتج
سما: ايي والمطلوب؟
ديانا: احترمي نفسج سماا والله اصيح لمتيم يكسر راسج
سما: ݪا عاد لگيتيني ارجف
هدى: ديانا شغله ݪا بيجج ولا عليج شكو تدخلين؟
ديانا: ولكم هاي بت المرحوم هـيَچ تسوون بيها ولكم هااااخ الله شيسوي بيكم
نيزك: الله يخليج خلصيني منهم وخليهم ينطوني اختي
الحجيه: الحاضر يعلم الغايب
نيزك من اليوم تشتغل ب البيت خدامه بس بدون فلوس المقابل ح يكون الاكل والعيشه الهنا احنه مفاتحين فندق 5 نجوم حته تگعد وتاخذ راحتها
ونيازك من هذا اليوم اوديها لخوالها شعليه بيها شعندي ابتلي بهيج مخلوقات
نيزك: عود انت حاسبه نفسج ع البشغ؟
احساس الامومه وين؟
الحجيه: بطي....ج
