.
غبت و استفگدوني الناس الٱغراب
واليـَمّي ولا عرفوا ينِشـدون
--------------------------------------------------------------
فتحت عيوني احس راسي يريد ينفجر اووي هاي شصاير ضوه قوي بعيني ركزت لگيت مره غريبه فوگ راسي وتقرأ ايات قرأنيه عليه
ومره عجوز تباوعلي بنضرات شفقه
و بنيه شابه تمشط وتبجي هاااي شصاير همه منو شجابني هنا ماما وبابا وين
لگيت ولد تقريباً عمره 13 سنه گاعد ويباوعلي بنضره مدري شلونها
باوعت بين الموجودين ونضراتي تتنقل ع كل شخص همه جانو 7 نفرات يمكن بس مهتميت الهم الجان شاغل بالي نيازك وينها مشفتها
كمت وركضت جان الولد يمدلي رجل ويطيحني!!
هاي شصار ههَوه شعلي المشكله مو هنا المشكله محد حرك ساكن محد كومني لو گال شبيج بَسہَٖ البنيه الجانت تمشط عاطت بي
البنيه:متيمم مو عيب عليك هاي اختك الصغيره
متيم بستهزاء:منين اجت اختي؟
نيزك:انت شدتحجين ﭑنيہَٖ معندي اخوان بس خوات ثنين ميازك وسليل!
رادت تحجي جان تحجي المره الكبيره ب السن
الحجيه:ديانا امشي ولي من خلقتي وصمي بوزج شوي هم مطلقه وهم لسانها بطولها
ديانا:يٖعني وذا مطلقه؟ شهل تخلف يمه كافي كبرتي رجليج صارن ب الگبر شوكت تنصفين بين الحق والباطل تره الغلط من متيم
الحجيه: امشي ولي لغرفتج ماريد اشوف وجهج
نيزك: عصرت مخي ورجعت ب الزمن نزلت دموعي واني اتذكر قبل كم سنه
مثل كل الاطفال رايحه للمدرسه وفرحانه كان ؏ـﻣࢪي 10 سنوات صف خامس ابتدائي
ما افكر بس ب اللعب والاكل وسوالف الاطفال مجنت ادري حيصير هل تغيير الكبير بحياتي
طبيت للمدرسه وگضيت يومي عادي مثل باقي الايام اخذت الواجبات وطلعت انتضر ابوي تا يجي ياخذني بس ما اجه
بقيت انتضر وانتضر بس ماكو صارت الساعه ب2 ونص يمكن وهوه ما اجه رجعت للبيت مشي ميته تعب جان صيف وحاره طبيت ملگيت احد ب البيت
صعدت لغرفتي سبحت ومشطت شلون مكان لين ماعرف ماما دوم تمشطلي انتضرتهم بس مـاكو خبر متت جوع رحت طلعت گيمر عرب وصمون واكلت حته بدون جاي ماعرف اشغل الطباخ جنت عباره عن كتلة برائه ولطيفه كلش ما أذي نمله صارت الدنيه ليل طب ابوي ركضتله
نيزك: بابا ماما ونيازك وسليل وين؟
الاب علي: بابا امج راحت يم خالتج فتره وتجي ونيازك وسليل وياها
نيرك: ابوي جان متوتر ويحجي وهوه مخنوگ حضنته وبجي
بابا لتجذب وگول الحقيقه وينهم
ثنه رجلي وصار بمستواي
علي: بابا ليش متصدكين وَالله راحو يم خالتج
نيزك: زين شوكت يغجعون
علي: مادري
تعاي خليني اسويلج اكل
نيزك: لا ماغيد اكلت
التفت الي وخزرني
علي: شغلتي الطباااخ وحدج؟!!
نيزك: ݪا بس اكلت گيمغ عغب وصمون
