تحديدآ بالرياض نجد العذيه:
خلف:يبه تكفى انا ولدك كيف تطردني
محمد:مالي ولد سروق
خلف:طيب انا حلفت لك والله اني ماسرقت يايبه استهد بالله انا وين اروح!
محمد:بالي مايردك انقلع يلا يلا يالسروق
طلع خلف والضيقه تملي صدره وشوي بينفجر وراح لاقرب صديق عنده اسمه (حمد) تعريف حمد صديق خلف من كانوا اعمارهم6سنين بالحي وبالمدرسه وبكل مكان عمره22 يحب خلف ومايرضى عليه وداري بكل شي يصير له ومعه بكل كلمه خلف يقولها
طق باب*
حمد:مين؟
خلف: صديقك الي ليا ضاقت فيه الوسيعه جاك
حمد:تكفى ياخلف اتعبت نفسك
فتح الباب حمد وشاف دموع خلف متحجره بيعونه وضماه بكل قوته وصاح خلف وماتحمل حمد وصاح معه وبعد ماسكتوا مشوا للمجلس وجلسوا
خلف: ماتوقعت هالمره توصل فيه انه يطردني من البيت
حمد:تكفى قل غيرها
خلف اي والله ياحمد سواها
——————
في مكان ثاني ورا بيت ابو محمد(فلاش باك).
زايد:اليوم يايبه بنفتك منه
محمد:اي والله ولد مريم المخنز
زايد:اذانا في حياتنا اشغلنا ولا كنه اخوي الله يرحمك ياامي وراك جبتي لنا هالعله الي كل همه نفس
محمد:الله لايرحمها وجع يوجعها هي وولدها
زايد ضاق شوي بس سكت لانه عاش بعيد عن حنان امه بسبب كره ابوه لها ماتت مقهوره من القهر يسكر عليها الغرفه ويعطيها اكل ويروح ثلاث ايام ويجيها حابسها ولا يخلي احد يجيها ولايعرف كثير عنها
محمد:يلا اخلص وش بلاك قمت تهجوس
زايد:يلا يبه
محمد:امش ادخل غرفته من الباب الخلفي وحط الميتين الف ذي بدرجه وغطها بملابسه
زايد:ابشر يبه
راح وخلصت مهمته الحقود ولا حس باي تأنيب ضيمر وعشان كذا طرد محمد خلف
نرجع لحمد وخلف/
حمد: اخخ ياخلف عارفك مستحيل تسويها
خلف:انشهد انك خوي وعز الخوي وليت ابوي يفكر زيك
حمد:انا العوض وابشر بالعوض
حمد:طيب بتعيش وين؟
خلف: والله مدري ودي اروح استراحه خوينا سياف
حمد:والله حلو رح ونم هناك متى ماحتجت شي قل لي
خلف:ابشر يابعدي
————————————
نجي لمكان اول مره نجيه
ريم:يبه تكفى ذي صديقتي عازمتني عشان حفل تخرجها وانت تعرفها يابوي
سيف:ماعليه مافي وذا حفل تخرجها؟!
ريم:يايبه والله اخر مره واول مره وهذي قريبه من بيتنا تكفى
هنا تدخل رعد يوم شاف دموع اخته ريم
رعد:يبه ماعليك انا اوديها وبعدها خلاص معد تروح لو تفحط
سيف:ياربي منك يارعد الشور شورك
رعد ابتسم:شكرا يعطيك العافيه
ريم انصدمت مو قادره تصدق كلام ابوها! وتردد بنفسها اروح؟ اروح؟ لالا يمكن سمعت غلط؟
سيف:ريم ريم ريم
وريم مبتسمه وبعالم ثاني تفكر خرب عليها صوت صرخه باسمها
سيف:رييييييييمم
ريم فزت وقالت: سم يبه
قال:هذا واحنا تونا الابتسامه شاقه وجههك
ريم: اي يبه صديقتي مناهل من 6سنين
سيف قال: زين يلا جهزي نفسك ساعتين بس وترجعين
ريم: من نعيوني
ريم ماكانت تدري وش كان ينتضرها هناك ووش المصيبه الي لاحقتها
