عند حمدان
حمدان:يارب اذا كانت خير لي خلها من نصيبي واذا ماكانت خير لي خلها تصير خير لي وخلها من نصيبي ضحك بنفسه على كلامه وقال اخخ امين امين ياربي وراح ينام
_________________________
طلعت غزلان واياد ماسك يدها وبوجههم صدفوا اوجان وهي تبكي بكل قوتها انصدمت غزلان وفكت يده وراحت لها مسكت يدها وقالت بخوف ورعب: اوجان شفيك شفيك؟؟اوجان ضمتها بقوه ولفت على اياد وقالت:غض بنظرك والله ي اياد ماخليها لك ضحكت غزلان وقالت:ي قلبي ماعليك انا بقول لك كل شي تعالي معي لفت اوجان وركضت وعضته بقوه صرخ اياد وقال:اخخخ حسبي الله ي اوجان
_______________________________
عند سياف وزيد ونهاد وفهد تحديدا بالمستشفى.
سياف:اخ ماني قادر انام الليل
زيد:اسكت مو وقتك
فهد:طمني ي ولدي كيفك
زيد كان ضايق مره ولاهو قادر يناظر بوجهه وده يقوم ويصفقه
حس عليه فهد وقام من مكانه وباس راسه وقال وهوعيونه كلها دموع وصوته مخنوق:تكفى ي زيد تكفى سامحني والله من تطلع من هنا ان شاء الله ان نهادي لك ي زيد تكفى والله العظيم اني مجبور والشرهه على ابوك لكن خلاص والله اني ندمان وابوك اكثر ندم تكفى ي زيد طلبتك ومسك يده وسحبها زيد وقال:خلاص ياعمي مسامحك لكن النهاد لي فهد:والله تبشر ي زيد تبشر ابتسمت نهاد وناظر بعيونها زيد وقال: معد بقى بيني وبينك حواجز باذن الله من اطلع انك لي وعلى ذمتي ولو ماطلعوني هربني سياف
سياف فز وقال:ابشررر بعزك ي زيد النهاد ابتسموا كلهم وحسوا بشعور توسط داخل قلوبهم (امسكوني عليهم باكلهممم)
______________________
عند خلف
خلف:تكفى ي رعد تكفى
فز رعد وركض له وضماه بكل قوته حس بالرعب اكتسح جسمه شاف دموع خلف تصب على خده رعد كان يرجف مو قادر ينطق ناظر خلف لعيونه وشاف بين عيونه ريم انكسر قلبه وتذكر يوم شاف الكاميرات وشافها بين يدينهم غمض بقهر وحقد رعد شاله وهو صار جسد بلا روح واخر شي كان يتذكره وجه رعد وخيال ريمه
_______________________________
بالمستشفى
رعد:خلف تكفى ي خلف الريم وينها تكفى اصحى خلف كان موب واعي بس يردد هالابيات بصوت منخفض وموجوع:
ذبحني التفكير وشهي ظنونك
ي ماخذه خشوع قلب المصلي
مبطي عن حكاك وسوالف عيونك
وعن ضامر يمكن يجي ١٢ملي
جسم مالوم الغيد لو يحسدونه
ماقد لعب فيه الزمان المولي
حبيبتي حبيبتي تركدي في طعونك
لايطرحونك بالزعل والتغلي
حطوا لي السياف والموت دونك
وانا خلف كفو وجيت كلي
رعد كان شوي ويموت من التوتر وكانت الابيات شادته وحس ان ريم ماهي بخير فز على صوت خلف ووناته التفت لخلف بكل قوته وقال بصوت مرعوب:الريم وينها؟ خلف غمض بقهر وقال:خذوها خذوها رعد انتفض من الكلمه وقال:من الي خذوها خلف زادت دموعه وقال:والله اني مدري وقسم بالله مالي علاقه انا شفت بالكاميرات الريم بيده تكفى تكفى والله اني بموتتت من الخوف
صفقه رعد كف بكل قوته وقال بصوت زلزل الغرفه: والله والله ي خلف وشفني حلفت ان صار لريمنا شي والله ان تلحقها وطلع وصفق الباب بكل قوته خلف حس انه هو الغلطان شال ابره المغذي بكل ماؤتي من قوه لدرجه دمه مو قادر يوقف حس انه فقد دم كثير وداخ دخلت النيرس وشافت شلال الدم انهارت وصرخت بكل قوتها وجا الدكتور وجا سياف على صراخها تفاجئ بخلف بحاله يرثى لها فز قلبه لصديقه وابعدهم ودخل وهو يناديه خلف خلف بصوت عالي ومبحوح خلف ماكان يعطيهم اي رد
______________________________
عند ريم ومهند
مهند:انقلع والله ماتروح
اسامه:على كيفك هي الحين يجون العيال والله ماتاخذها لحالك
مهند قرب من اسامه وضربه بحديده على راسه نزله بالشارع ومشى مع الريم ورا نايمه
بعد كم ساعه وصلوا للمكان نزل مهند وفتح الباب قرب من ريم بشويش مرر اصابعه على وجهها وابتسم وقال:نقيه نقيه مره كاسره خاطري وضرب المرتبه بقوه وقال:ليه ليه تردد اسمه ليه لييييه اقول خلف الريم ي عضيدي فكني منهم ليه!!! فزت ريم على صراخه وضربته كف بكل قوتها وجت بتتهرب بس مسكها مع فستانها وطاحت على ركبتها انجرحت ولفت عليه وقالت بصوت باكي ومبحوح:الله ياخذك الله ياخذك شتبي مني فكني فكني مهند كان مبتسم ويناظر فيها زاد قهرها واستفزها بقوه قربت منه وتفلت بوجهه قال مهند:اخ ماتدرين انها احسن تفله بحياتي وقرب منها وضمها حاولت تبعده ماقدرت اكتفت بالبكاء فقط
____________________
رعد دخل القسم بكل قوته وكلهم فزوا واعتلت اصواتهم مردده اللواء رعد اهلا فيك شافوا عيونه تطلع شرار حسو ان الموضوع كايد وزلزل المكان صوته وهو يقول بقهر:جهزوا كل القوات وابيكم تحفرون الارض كلها تدورون على اختي زوجه اللواء خلف
التفتوا على صوت خلف من وراهم يقول:ماتسمعون!! جهزوا كل القواتتتتتتت راحوا كلهم اركبوا بالدوريات واتجهوا لاماكن قريبه من الموقع الي ارسله لهم خلف الي هو الاستراحه
_________________________
الملازم طارق:يولد وش مجلسك هنا؟
اسامه: انا اعرف مكان الي تدورون عنها
الملازم طارق:شدراك اننا ندور على احد المهمه سريه!! اركب الدوريه اركب اشوف قدامي
____________________
ريم كانت تبعده وتدافع عنها طفش منها وسحبها مع شعرها واكتفى انه يضربها ويسكر عليها بالغرفه لين ماتدري ان الله حق على قولته
___________________________
غزلان قالت ل اوجان وكشخوا وتجهزوا والبيت كله مستنفر وكلهم يجهزون ويكشخون كانه عرس لان الملكه والخطبة مع بعض
جاء حمدان بمسيرته واصوات البواري والشيلات كانه عرس حرفيا كان مستانس وقف قدام البيت ونزل ومعاه عشيرته كامله ومعاهم المهر وزود نزلت دموع اوجان وهي تشوفه من الشباك وحمدت ربها انها حبته وحبها وبيكون من نصيبها خلصوا الاجراءات وصار وقت انه يشوفها دخل المجلس وانصدم من الي جالسه ومندقه راسها بكل حياء قرب منها وجلس جنبها ومسك يدها ورفع راسها وقال بصوت جميل وهادي:
شفافه الإحساس شبيهه النو
في وصفك احتاج اقتبس وأتأول
مخلوقه من طين مثل البشر أو انتِ
اساسا ماء عذب وتحول صوتك
يرد الروح ويغير الجو سحابه
رحّب مطرها وحوّل وجسمك
لو يمر الزمن مثل ماهو سبحان
من وزّن وعزّل وطوّل وجههك
مع الايام يصغر ويحلو اول حلو
والليله احلا من اول ي شبيهه النو
ابتسمت اوجان بحياء وخجل ناظرت بعيونه واكتفت انها تنزل دموعها انصدم حمدان وقال بخوف:شفيك؟ اوجان ابتسمت من بين دموعها وقالت: ابيك دايم لي تكفى لاتخليني ولاتعلقني فيك وتمشي وتخليني! حمدان ابتسم وقال: ابشري والله بالي يخليك تتوسطين داخل صدره وضماها ولبسها خاتمها ولبسته خاتمه
_________________________
انتهى🫶🏻🫶🏻🫶🏻يارب كان بارت مرضي ويعوض🫶🏻🫶🏻🫶🏻
