وجلسات نزلت ومشت بالممر وهو طويل جدا مانتبهت للي جالس جنب الباب بجلسه وسط العشب الي من دخلت ماشال نظره عنها مصدوم من هذي البنت؟وخواته مايطلعون بالوقت ذا!قرر يسكت ويشوف وين بتروح وقفت غزلان وفكت عبايتها ومسحت على شعرها الاحمر من لون الحنه كان يعذببب وكل ذا قدام انظار اياد المصدوم من جمالها وهو بس شاف مقفاها كان خصرها كافي انه يقتله وخذت مرايتها وعدلت روجها وهي للحين مالتفتت ومشت ونادت:اجوان اجوان من داخل الصاله:هلاا تعالي مافي احد واياد مصدوم عيونه شوي وتطلع من مكانها وحلف وقال:والله لو ماهي متزوجه انها لي
ودخلت وجلست عندها وسولفوا عادي وكان كل محور سوالفهم تقريبا(اياد) وغزلان بحكم انها ماشافته الا بصوره له وهو صغير كانت متلهفه على شوفته من كلام اجوان كانت دايم تشبكهم وتدعي انهم يتزوجون حرفيياا نفس الجووو لايييقييين لايييقين قالت اجوان:يارب يشوفك ويتزوجك ابتسمت غزلان وقالت:ليه؟ قالت:ياخي تعبت وانا اقول لاييقين تعذبون جمالكم اااخخخخ قالت غزلان بحماس:مزيون هو؟ ضحكت اجوان وقالت:مو عشان انه اخوي بمدحه الا جد مزيون ويشلع القلب ملامحه اخخ فكه منحوت نحت يجنن ياغزلان مرتب ريحه عطوره تبنبن يحب الكورييين حقينك ذولك وشبقى ااخ ايي صح شنبه مرتبب خفيف يهببل قالت غزلان وهي ذابت من الوصف:حشى كنك بتتزوجينه على هالمدح استغفر الله كلهم ضحكوا وكملوا جلستهم على خير الا اياد واقف متصنم على الكرسي ويدعي انها تطلع مو متغطيه عشان يشوف وجهها
_______________________
طلع الدكتور ووجهه مايبشر بالخير ونط عليه خلف بوسط دموعه وبصوت مبحوح:تكفى تكفى طالبك بشرني بخبر سلامته رد الدكتور وهو مكسور على حال خلف:هو حي الحمدلله لكن دخل غيبوبه شبهه طويله لو استجاب للادويه بتكون مؤقته وفيه كسر بسيط زي الشعر بالجمجمه ويحتاج تبرع بدم كثييير للعمليه الي الان بنسويها وفيه كسر برجل وحده وكسر بيد وحده انصدم خلف من كلام الدكتور وطاح مغشي عليه انصدم الدكتور وصرخ ينادي الممرضين والممرضات واخذو خلف وحطو له مغذي ومهدئ ونام
__________________________________
ريم كانت ترتجف وتشاهق وهي تسمع الرجال ينادون خلف ويفتحون غرفه غرفه سياف:وينه؟ فايز:والله مدري لي كم يوم ادق عليه مايرد سياف:يمكن نايم بالغرفه الي على طرف؟ فايز:والله مدري امش نشوفه اشتقت له والله
سياف قال:له وحشه صدق اخخ شكثر عانى وهو مايستاهل ريم تسمع كلامهم ودرت انهم اخوياء خلف وارتاحت لكن لحد الان تشاهق جو فتحوا الغرفه وكان الضوء شغال وقال سياف:افا والله مو هنا تهقى وين راح؟
فايز كان مصدوم من الفستان الاحمر الي على السرير وقال:افا ياخلف ماهقيتها منك نط سياف وقال:شفيه؟ قال فايز:عاين زين على السرير طالع سياف وقال:افا يالردي فايز قال:طيب يمكن لاخته؟ سياف قال:اذكر ابوه مانعه من خواته فايز قال:والله مدري بس خلف مايسويها! سياف قال:انشهد وعيب علينا والله فكرنا فيه كذا خل يجي وبيبرر امش بالمشب نحتريه فايز:يلا انصدمت ريم وضربت راسها بخفه وقالت بنفسها:ياغبيه ورا ماشلتيه طيب! ووصل حمد وهو يدعي ان خلف مافيه شي لانه اتصل عليه كثير ولا رد مو من عوايده ودق الباب باقصى قوته وهو تذكر سياف وفايز
(تعمدت اقصر البارتات عشان ماتطفشون عاجبكم؟)🥺💥💥💕💕.
