شكون فينا ما حبش و لا ما سمعش بحكايات حب شخص قريب ليه ، الحب عايش معانا و نصيبوه وين ما نكونو ، بين الأب و أولادو ، بين الام و اولادها ، بين الأصدقاء ، و حتى بين الإنسان و حيوانو الأليف .
لكن بطلتنا عرفت كل أنواع الحب إلا نوع واحد .
كانت تحب ا...
نجلا رمات التيليفون من يدها كرد فعل لا إرادي ، لمجرد انها توقعت تشوف حاجة ماشي مليحة ..لكن بعد ما عاودت تجرأت تفتح عينها و تشوف مليح واش بعثلها كانت مجرد صورة فيها كلمات حب
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
شافتها و خلاتلو vu واش قصدو! كيفاش ماشي صدفة ياك بعثلي هنا من بين ملايين الناس عشوائيا ، و كنت قادرة ما نجاوبوش حتى ، و تفكرت اول مرة حكاة معاه سقساتو كيفاش حتى بعثلها قاللها سر و مانيش رايح نقولك ، بدات تتوسوس و هي تخمم هكا لحقها ميساج منو جاوب هو على رسالتو بما انها ما جاوبش " ههه الظاهر هاذ المرة خيبت ظنك صح لانك دايما تتوقعي مني الأسوء و بما انو ما لقيتيش اهانة تقوليهالي سكتي... اممم وقيل عرفت نقطة ضعفك، تحبي الشعر " كلماتو المبتذلة عاودت رجعت نجلا لشعور الاحتقار اللي تحس بيه دايما تجاهو و بدات كعادتها تكتب و جاوب فيه بغضب و تأكدلو انها مستحيل تتأثر بأي حاجة يقولها و لا تأمن كلامو . جلال ،هو الغريب اللي تهدر معاه نجلا اونلاين ، ما تعرف عليه إلا اسمو " جلال" ، عمرو 24 سنة ( صغير عليها بعام) ، و انو من الصحرا ،بينما هي من الجنوب . الفوتو اللي كان حاطها فالبروفيل تاعو بزاف شابة ، وجه راجل اسمر تبان منو غير ابتسامتو المثالية اللي مزينينها أسنان كيما اللؤلؤ و لحية مطراسيا ، بصح أكيد ماشي الفوتو تاعو ، كانت الفوتو تعكس بنفس نجلا طمأنينة و راحة ، و كل ما تشوفها تضحك او بالأحرى تتبسم لا شعوريا ، شفتو هاذوك العباد اللي عندهم ضحكة معدية و ابتسامة ساحرة لدرجة تشوفهم تضحك و تنسى همك ..تماما كانت هكا الفوتو تاعو .. و كانت هي الحاجة اللي تخلي نجلا تدخل تهدر معاه غير باش تشوف فيها و تتساءل مع روحها يا ترى شكون صاحب هاذ الابتسامة البريئة اكيد ماشي شخص منحرف و غبي كيما الانسان اللي راه مستعملها ، أكيد شخص ابتسامتو تعكس روحو و شخصيتو الطيبة . بقات تهدر معاه مدة و هوما كل يوم في عراك ، هو يرمي الهدرة و هي تتلذذ بإهانتو لأنها خلاص صنفاتو في راسها انو انسان حقير و ما يستاهلش الاحترام ، لحد وحد النهار جا في بالها ،تغير معاه أسلوب الهدرة ، يعني تحكي معاه بالحسنى و تنصحو. و فعلا بعد ما كان كل كلامهم دواس ، تبدل او ولى نقاش ، هي تنصح فيه و تقولو ماشي مليح الطريق اللي راك تبع فيها و راك مسلم و دزيري و انا نعرف ناس الصحرا ناس محترمين و محافظين و هو يحاول يبدل الموضوع و يقنعها انو ما فيها والو اذا كان يحب النسا و عندو بزاف علاقات و انهم صغار و لازم يعيشو حياتهم ، يعني جلال و بالرغم من كل عيوبو كان متصارح مع نفسو و دايما يحكيلها على البنات اللي يهدر معاهم و لا عمرو حب يبين انو انسان مثالي و لا انو نجلا هي المرا الوحيدة اللي يحاول يتغزل بيها ،كان من الواضح أصلا انها ما تعجبوش هو برك يحب يهدر هكا مع كل وحدة ، خاصة إذا كانت ماشي سهلة كيما نجلا ،يشوفها انها تحدي و لازم يخليها طيح بصح جلال ثان عندو حدود لصبرو ، و هاذ التغير في طريقة الكلام بينهم ، خلاه يبعثلها مساج ما توقعاتوش ،فبينما هي بدات تتعود عليه و تقول طيش شباب و قلت حدة التوتر بينهم بعثلها " نتي راكي وليتي مملة بزاف ، و راكي تحسسيني انك أمي ، طول الوقت تنصحيني و تحاولي تصلحي فيا، و انا أصلا ما عندي حتى صالحة بيك ، نحب نقصر برك مع الجنس اللطيف بصح نتي طلعتي جنس جاد soانا نشوف مكان فيه متعة اكثر ما نحبش نهدر مع عباد مملين . " كي قرات الميساج بقات تايهة للحظة ، في البداية عادي ما حست والو ، كان مجرد انسان يقلقها و تهنات منو ، بعد دقيقة حست انو هاذ الكلام أهانها بزاف و انو هي اللي كان المفروض ما تحكيش معاه و رضات عليه و قررت تعاونو باش يكون إنسان احسن باش هو مع التالي اللي يقولولها ما نحبش نهدر معاك ، بصح بعد نص ساعة حسن بشعور غريب ... شعور بالفراغ . كانت تقضي كل وقتها مع جواد كي ترجع للدار لدرجة انها تعودت على الدبزة معاه و حفظت كلامو المعسول المبتذل و حضرت كل كلمة ترد عليه بيها ، صح كانو كيما الأعداء بصح كيما يقولك القط يحب خانقو .. عدات شهور و نجلا ما ولاتش تدخل بزاف لهاذاك التطبيق و نسات جواد و حكايتو و تعرفت على اصدقاء ملاح هناك ، كانت تدخل من وقت لوقت غير باش تسقسي عليهم و مرة كانت تحكي مع صديقة تركية تعرفت عليها..
واش رايكم البنات 💞! عجبتكم الحكاية نكملها و لا نحبس ! نصيب تفاعل نحطلكم الأجزاء الباقية بسرعة
ملاحظة : اللي يقولي نجلا ما عندنا لا حياة و لا حاجة ديرها في حياتنا من غير التيليفون و الهدرة أونلين ، أملك عندها بصح كل احداث الحكاية راح تكون مع اشخاص تعرفت عليهم أونلين مالا ما حبيتش نضيع اجزاء على اشخاص ماشي مهمين فالحكاية
