رواية #زمن_اعوج

الجزء الرابع والعشرين

الحلقة #25 من رواية #زمنٌ_أعوج
صعب نسيان شخص ؛ كان يومك ، وسعادتك وحياتك كلها دون أن تدري أنك تحبه .. وتكتشف هذا بعد غيابه !!!
مر أسبوع وراء أسبوع تمت إمتحانات منار وهي حاايرة أصلاً ما تجرئتش أن تفتح الياهو وتشوف سراج  وكيف حاله وشن امداير حاولت تتصل بيه تخش على اسمه وبتتصل بعدين يجيها شعور ويمنعها كانت خايفة هلبة ما تعرفش من شني وما حاولتش تفكر أصلاً لاش ادير هكي
صحباتها كلهم مستغربين فيها وفي تغيرها عليهم وتغير تصرفاتها المفاجئة مثلاً كانت تمتحن وتروح طول ماتسئلش كيف كانت اجابتهم هروبها منهم وهي ما كانتش منتبها على هذا الشيء هل غياب سراج أثر فيها للدرجة وأمتى سراج بيروح !!!
بينما سراج كان يفكر كيف حالها وكيف أخبارها ويعرف هذا الشيء عن طريق روند صاحبت أبرار أخت منار مافهمش شن صايرله حس نفسه غلط لما اعترفلها بحبه ويمكن خسرها للأبد حس نفسه إنسان تافه سكر الياهو امتعه قرر معاش يفتحه بعد كل يوم يفتح على أمل يشوفها online حس أن قراره الي داره غلط وغلططططط هلبةة قرر ما يروحش بكل وعارف ان مرجعة لي بلادة منار ما كلماتاش بس اهله حيخلوه يرجع أمتى مش معروف ..
**
ماشية منار للمدرسة على أمل تشوف سراج ..
خشت للمدرسة تلفتت يمين يسار بس للأسف ماكانش سراج موجود كملت خشت أعطت حصصها بملل وخيبة أمل
طلعت بتروح على أمل تلقى سراج استنت شوية بس لقت شهد وعهد سلمت عليهم وهدرزت باش اضيع وقت شوية ..
منار : مرحباً يابنات
عهد : اهلين حماتي ^_^
شهد : احم احم
منار : تسلملي الغيورة
حضنتهم
منار : استحشتكم موت
عهد + شهد : واحني استحشناك
منار : شن جو القراية
شهد : كويسة
عهد : انتي كيف كانت امتحاناتك
منار : كويسة ادعيلي
شهد : ربي يوفقك
منار : امين وانتم يارب
الاتنين : امييييييين
منار : من بيروح بيكم ؟
عهد : بابا
منار : بعد مابوك عرف خوك شن دار ضربكم ?
عهد : لا تعرك حتى مع محمد هو
منار بصدمة : أمتى ؟
عهد : الاسبوع الي فات
منار : شن صار ؟
عهد : شافه محمد في الشارع وكعادته شربان في الوقت الي احني نروحوا فيه فمحمد سئله علينا من بيروح بينا فقاله شن دخلك فيهم فكل حد يقول كلما تعاركوا ومحمد رفع سليمان لبابا وهو مش على وعيه وبابا تفاجء ونصدم وصار الي صار ...
منار : أها ربي يستر وماتزعليش روحك انتي
عهد : تعودت
منار : كان بيجي يوم ويزبطه بوكم توا زبطه
شهد : خير هكي وبابا هو يعرف لان احني ملينا منه
منار : ايه بنات نستئذنكم توا باي
البنات : باي
منار تذكرت تسألهم من بيسكر المدرسة ؟
منار : من بيسكر المدرسة ?
شهد : ما نعرفش من هو بس مش الاستاذ سراج ولد تاني
منار : اها اوكي باي
ركبت سيارتها ومشت
**
مقعمز تحت ظل شجرة ويتأمل في الطبيعة سرحان يفكر في الإنسانة إللي سلبت نومه من يوم عيد ميلادها هل يوم ميلادها حيبقى يوم مأساوي بالنسبة له ففي ذلك اليوم أعترف لها بحبه له !!!
هل تسرع عندما اتخذ ذاك القرار الذي جعلت منه صمتها الذي يقتله !!!
تعب من التفكير .. من أجلها قرر الغربة عن وطنه من أجلها وهو غريب حتى في نفسه ..
**
وهي مستلقية على سريرها لعلا النوم يأاتيها حتى تكف عن التفكير ولكنها هي أيضاً إتخذت قرار ..
أن تقدم إستقالتها من المدرسة ...
**
جي ثاني يوم
ناضت منار الصبح واتصلت بمؤيد طبعا حتى تقوله على قرارها لأنه هو الوحيد الي يخفف عليها همومها ويعرف عليها كل شيء
ترنننن تتررررنن
مؤيد بصوت راقد : صبح يا فتاح
منار : اللطف ياربي تشوف فيا اني فتاح نوض افتح عيونك كويس واقرأ الاسم المتصل أولاً
مؤيد بهبل : فتاح ولد جرانة الجدد :P
منار : اغسل وجهك وكلمني
مؤيد : لأمتى اني بنقعد نتحملك امتى بيجي راجل وياخدك ياهمي اني
منار : كان قاعدة في حوشكم شن اديرلي اماله ؟ !!!
مؤيد : من امنامتة حاطك في دار الرعاية
منار : مافيش حد يغيرلي في جوي زيك الله غالب نوض نبيك
مؤيد : به أصلاً ريان خشت انتظار هيا عركة عالصبح طيري
منار : قلها منار مش حتقول شيء
مؤيد : اسكتي تي هي تقصقص فيا عليك تبي تعرفك خيرك وشن صايرلك واني نتهرب المهم بري وتو نكلمك بعدين
منار : رد بالك تقول حاجة باي
سكرت ونزلت دارت فطور وفطرت هي وأمها وركبت ضمت دارها هي وأبرار ^_^
منار : أبرار شن صايرلك ؟
أبرار : وأني لما نقولك أنتي تقوليلي شن صايرلك ؟
منار بضحكة مصطنعة : ههههههههههههههههههههه شن صايرلي خيرني اني ؟
أبرار : اني أختك ونحس بيك
منار قعمزت على حافت السرير : روبي خيرة عيونك حُمر ؟
أبرار : متعاركة مع رودي بس -_-
منار بتشكيك : وبسسس
أبرار بتردد : ايه بس
قاطعهم فون منار وهو يشرين..
منار : روبي شوية ونرجعلك
طلعت منار وردت : ألو
مؤيد : اهلا ^_^ شن الجو يا بنت الجار ؟
منار : كويسة وانت ؟
مؤيد : كويس
منار : شن قتلك ريان ؟
مؤيد : فوتيها شن صاير فيك
منار : قولي الاول شن قتلك ؟
مؤيد : بدت تشك فيا ومش مصدقتني بس حنقنعها
منار باستغراب : اسفة لو سببتلك مشكلة
مؤيد : اني مانحبش نكد باهي وبلا جو الاسف امتعك لا انكد عليك واليوم خمييييس وغيريلي جووووووك
منار : اها به بنقولك اني بنسيب خدمة معاش نبي نخدم ولا نمشي للمدرسة
مؤيد : لااااااااش مش متحملةة تشوفي المكان من غييره !
منار : صراحةً ايه ونحس في نفسي غريبة اصلاً
مؤيد : وأخيراً نطقتي :P
منار : حسيت انك رتحت اصلاً ههههههههههههههههههههه
مؤيد : لو تشوفي في هذا يريحك لو تسيبي عادي ديريه
منار : ايه خلاص اليوم حنسيب ^_^
أصلاً مزال مشروعي واخر سمستر وبنتسبل هكي ^_^
مؤيد : تم تم
منار : اوكي شكرا وسلملي على ريان
مؤيد : يوصل اصلا بتكرهك ههههههههههه
منار : ان شاء الله تسامحني بس
مؤيد : تو نراضيها وماهمك فيها
منار : كيف ؟
مؤيد : غير أما تحبي تعرفي كيف تراضيه بس لانك تحبييه
منار سكتت : اوك باي
مؤيد : سلاام
سكرت منار ووتت روحها باش تمشي للمدرسة
**
**
خشت للمدرسةة طول للإدارة ..
منار : السلام عليكم
لطفية : وعليكم السلام منار قاعمزي تفضلي
منار قعمزت : كيف حالك أبلة لطفية ؟
لطفية : الحمد لله كيف حالك انتي وكيف كانوا امتحاناتك ؟
منار : تمام جاوبت كويس
لطفية : ربي يوفقك بنتي
منار : يارب ان شاء الله
سكتت شوية بعدين
منار : ابلة لطفية جيت نكلمك باش نقولك أني نبي نسيب الخدمة
لطفية وعيونها علامات استفهام : ليش منار في حد ضايقك اهني فيه حاجة ؟
منار : لالا والله اني عندي قراية وجيت نخدم اهني على خاطر شيء معين بعدين سكتت وقالت تو يسحابوني جيت على خاطر سراج فاعترفت وكملت
جيت على خاطر كان عندي ديون وجي خوي الكبير وخلص علينا الدين واني تو بنبطل لان ماما كانت مش راضية علية ونبي نخدم على مشروع تخرجي وهذا الي خلاني نبي نبطل
لطفية بحزن : ربي يهنيك ويوفقك في قرايتك واني زعلانة على خسارتك وماتنسيناش بس
منار : مشكورة أبلة لطفية وكلامك وسام ليا ونتشرف بيه واني مش حننسى اول مكان مدلي يديه واستقبلني وانتم خسارة ليا وحنستاحش كل شيء في المدرسة هادي لكن ادعيلي بالتوفيق ومش حننساكم حنزوركم اكيد
لطفية : انتي يمكن ما كملتيش وقعدتي عندنا سنة بس خليتي بصمة كبيرة وسمعة طيبة في هادي المدرسة ..ربي ينورلك طريقك
منار : ممكن نشوف فصولي لاخر مرة
لطفية : تفضلي وبعدين خودي معاشك من ابلة هيام
منار : ان شاء الله نستأذنك توا
مشت منار لفصولها ودعت فصولها بدمعتها اللامعة في عيونها تمنت ليهم التوفيق والنجاح ودعت كل مكان في المدرسة ودعت كل الابلات ودعت ذكريااتها الي رفقوها في هادي المدرسة طلعت من المدرسة وعينها عالباب على أمل تشوفه
وهي تبكي على اخر نظرتها للباب كانت تبي تشوفه جايها يقوللها وين ماشية لاش درتي هكي لاش بتسيبي ولي تعالي بس قاطعها صوت
_ أمسحي دموعك ماتبكيش
تلفتت وشفاته مؤيد
منار : برة مؤيد اني بنروح
مؤيد : اوووووووووووووووش به كلميه يا منار ليش تعذبي فيه وأنتي تحبيه
منار : اني مانعرفش روحي نحبه ولا لا
مؤيد : ياهمي نشرك شلاتيتي هدا كله ومش عارفه روحك تحبيه ولا لااااااا
منار سكتت
مؤيد : ياسري ياسري والله نكلمه اني
منار : لالا بلله عليك اني سكتت ومعاش بنبكي مؤيد ما اديرهاش
مؤيد ضحك : هههههههههههههههههههههههههههههههه ايوا هكككيييي خليك ديمااااااا
منار : به حاااااااااضررر غير ما اديير شييء
**
مقعمز في كافي جاه اتصال غيرله جوه وخلاه يراجع نفسه وحس نفسه تافه وصغيير هلبه فكر يرجع لبلاده بس قلبه يقولة ارجع ياسراج وعقله يقوله خليك لانك حتتعب اكثر
**
**
استقبلتها امها بي : خيرك مروحة بكري
منار : سيبت المدرسة زي ما تبي انتي
آمنة : اللطف لآش من كلمك توا
منار : شيء بس بطلت رجعت لكلامك نبي نقرأ ونكمل هالسنة
آمنة : ربي يباركلك في الي فيه الخير
مناار : امين ^_^
آمنة : كلمتني جارتنا نورية وعازمتنا على الحوازة غدوة ^_^
منار : أها كويييس
آمنة : ايه قلت باش يكون عندك علم غدوة بنمشوا الصبح ومحمد مايبيش يمشي معناها انتي اللي بترفعينه
منار : ان شاء الله
كملت دوتها مع أمها وركبت لدارها فكرت ان مؤيد هو الي مقايل لامه تعزمهم تعرف مواضيعه هو هههههههههه
ورجعت منار لملللها الي يملل ..
فتحت التلفزيون وقعدت من قناة لقناة لين جي الليل وتت حجاتها الي بترفعهم غدوة ونزلت دارت كيكة حتى ترفعها وتم اليوووم
ما أجمل أن تجد من يقتسم معك همومك ويحاول بادلاً جهده أن يغير حالك الحزين إلى فرح ،وكل همه إسعادك ..أجل إنها الصداقة الحقيقية ^_^
يتبع ~