راضية الحرب⚔️مكتملة⚔️

⚔️الجزء 4⚔️

🗡 راضية حرب 🗡
💫ضوء نجمة 💫
الجزء 4
بقلمي : farah haddadi

كاان أحد الرجاال من قبيلة الخوشماروج  داايز حتى كتباان ليه شي حااجة طاايحة فوق أشجاار الربيع
متوهجة داير بيها فحاال الضوء من الجوانب قرب كثر حتى كتبان ليه فتاة عشرينية  لباسها غريب كانت تترتدي كسوة قصيرة فالباج فيها الخيوط من جهة صدر  حول عينيه  لسيقانها  البيضااء لي كانو  كيلمعو اشتهى اللمس ديالهم بيديه قرب كثر و كثر و يالاه قرب يديه لرجليها حتى ضربو ضوء و بقا كيترعد فالبلاصة طاح جثة هامدة

بعد دقائق معدودة على موتو ختفى التوهج و فاقت الأميرة نائمة كتجبد و كأنها كانت ناائمة من ملايين السنين حلات عينيها و بتاااسمااات بإعجاااب و هي كتشوف راسها حدا بحيرة من الماء قربات ليها و بتاسمات

راضية : وااااااو السمااء زوينة عندهم زرقااء وااو كتباان عندهم الشمس فكوكبنا مكتباانش

مشات كتجري بقرب البحيرة وتحنات عندها كتشوف انعكااس وجهها 

راضية : أممم عيني كيبانو حسن هناا

بقااات كتأمل فجماالها حتى خرج ليها تمسااح من تحت لماء فتح فمو باش يعضها و هي تهرب من حداه لبعيد

راضية بغضب : حيوان غير أليف جاب الله كنت قارية على الكائنات الأرضية فالكتب  و مال كون خليتو ياكلني

بعداات من ديك البلاصة كتأمل أشجاار الصنوبر العالية و نزلات هزاات شوية التراب من الأرض شماتو عجباتها ريحتو بحكم كوكبهم مجرد من الروائح كيفما كانت

بعد مشي طويل بقات مدهوشة فبلاصتها و هي كتشوف شخص بنفس الملامح لي كانت كتخيل نفس العينين لي كتحلم بيهم شعرو مدفور بدفيرات كثار ( الراسطة ) و عينيه و كأنه واضع عليهم الكحل لابس لباس ديال المقاتلين و سترة حديدية كتغطي صدرو الضخم عضلات يديه بارزين و معرقين بزااف  و جسمو رجولي بامتياز
فاتن و جميل كجمال  حرف  V

كاان شاااد رمح فيديه و قباالتو أسد كيشوف فعينيه نيشان و كيدور هو و ياه فمساار محدد

تسمع زئير الأسد فأرجاء الغابة  و معاااه فنفس الوقت تسمع زئير هااد الرجل الغريب  بقوة كثر

بقاات كتشوف فيه راضية و تبتااسم و هي كتفكر مواصفاات فاارس أحلامها و بدات كتردد

راضية : عينين كحلين  مفعمتين بالجرأة  قوي كالأسد و شجاع كشجاعة الفأر لي كيكون عارف بلي القط ممكن ينهش لحمو ويفتارسو  مع ذلك كيواجهو و ياخد منو أكلو

مع كلامها كان الرمح مخشي فالأسد لي طااح ميت و كملات هضرتها ( بل روحو )

.....# يتبع