راضية الحرب⚔️مكتملة⚔️

⚔️الجزء 11⚔️

🗡 راضية حرب 🗡
💫ضوء نجمة 💫
  الجزء 11 و الأخير ❤
  بقلمي : farah haddadi

  وااش صافي هااادي هي النهاااية هناااا اتكون نهااية راضية و حرب لي يلاه فبداايتهم نزلات عندو مصدوومة و ممصدقاااش شنو كتشوف بعينيها الرجل لي طاالما حلماات بيه ليوم ضحى براااسو على قبلها

  الشيطان : هههه البشري الحقير ضحى براسو على قبلك شنو بان ليك نسيفطك عندو تواانسو

   ألم فضيع كتحس بيه فقلبها و صدرها كيطلع و كينزل محدها كتستوعب شنو وقع محدهاا كتزييد فشهقااتها و شعرهاا كيطلع لسماا  الشيء لي خلق الإرتباك  فنفوس  الكل
و سكان القرية الكل مخبيين فخيمااتهم  و كيطلبو من الرب يسالي هادشي   كلما زاادت شهقااتها كلماا زاادت ترفعات عن الأرض حتى وصلات لواحد المستوى عالي و حتى الشيطان لي مكان فااهم واالو بداا كيرتاافع معاها كثر و كثر  و بريق خطير كيتكون على مستوى قلبها كيشكل شيء مثل الداائرة بكل جزء من خلاياها غوتاااات غوتة على إثرهاا رتاافعو الأشجاار من فوق سطح الأرض  و ميلات راسها لجنب  شافت  فالشيطان شوفة خلاتو مصدووم و رماات عليه ديك الكرة و غوت بجهد  " لاااااااا مستحييل " و ختفى فخطرة وحدة  
محسات برااسها غا طاايحة لارض شافت فيه  بفشل تاام و بدات كتمشى لعندو و منظرو محطم قلبها  تحنات عندو شاداه بين يديها و كتبكي بحرقة 
راضية : هى هئ حرب مستحيل متخلينيش
   حطات يديها على الجرح ديالو كتحاول تداوي جرااحو و لكن كان بدون جدوى طاقتها مكتخدمش الى مع الشيطان
    كانت الأوضااع تحولات من مرعبة  لهاادئة جدا
السكان خرجو من ديورهم و برز القمر فالسماء لي ولا لونو أزرق   فهاد لحضاات بالضبط نزل إسلام الدين لي غا شافتو حفيدتو مشات كتجري لعندو عنقاتو
  راضية : هئ هئ دير شي حاجة عافاك اجدي مخسوش يموت دير شي حاجة عافاك انا كنبغيه عافاك اجدي رجعو ليا
  الجد :ميمكنش ابنتي هادشي لي كطلبي مني 
راضية: هئ هئ عارفاك تقدر اجدي عافاك غنموت لوقعات ليه شي حاجة 
الجد : حياتو اتكلفك خسارة حياتك و الكوكب لي كتنتامي ليه اتولي من نجمة لبشرية بدون قوى بلا تا حاجة  و مغتعيشيش بزااف اتولي تا نتي بحالهم و غتموتي واحد نهار
راضية :هئ هئ قابلة اجدي عافاك غا رجعو ليا
  الجد : متأكدة مستاعدة تخلاي على قوتك و تعيشي فالأرض   راضية : الحياة بلا حرب واالو بالنسبة ليا 
الجد : مغنعاودش نرتاكب الغلط لي رتاكب جدي فاش منعني نتزوج بالبنت لي كنبغي داكشي باش غنحتارم قرارك 

داار الجد شااف فحرب و بداا كيقراا عليه بشي كلمات غير مفهومة و الجسد ديال حرب كيرتافع عن الأرض و كلما قرا كثر كلما لتاحمات جروح حرب و رجع كيما كان فالأول
  سالا لجد تعويذتو و نزل حرب الأرض لقا عليها أخر نظرة و مشاا عنقها هي لي عينيها غا فحرب
  الجد : تهلاي فرااسك أبنتي حط يديه مور ودنها و تحيدات شارة النجمة لي كانت فوسط ودنها و ختفى نهائيا غا ختفى رجع كولشي كيما كان و كأن الأشجار مكانتش مقتلعة  بدات راضية كدور عينيها و كتقلب عليه
   راضية : جدي جدي فين مشيتي حرب مفااقش جدي هئ هئ   مشات كتجري عند حرب شداتو بين يديها قاصت قلبو كان باقي كينبظ شيء لي خلاها تفرح و كتبكي بزااف القطرات لي كيتسااقطو على وجهو 
راضية : هئ هئ حرب فيق فيق دغيا صافي كولشي سالا فيق  
بدااو ناس د القرية كيخرجو و كيشووفو فيهم بحزن وااش بصح ملكهوم لي حنين عليهم ماات الشخص العادل لي صادفاتو قبيلتهوم و الشجاع واش بصح صافي مبقاش وجود لحرب ؟  على إثر دموعها لي كيتساقطو على وجهو بداا كيفتح عينيه بتتاقل تا شافها قدامو بديك الحالة كتبكي و سرعان ما بتاسمات فاش شافتو فاق
  راضية : اخييراااا اخييراا نتا مخليتينيش هئ
   حرب و هو كيشووف فييها سااهي فتفصيلها و فشعرها لي تحيد منو اللون الوردي و عااد عيونهاا الحمريين لي دموعهوم غاليين على قلبو
   حرب  : راضية حرب مكتبكيش
   راضية : ههه هئ فقتي فقتي متصورش شحال فرحانة  
حرب: فرحتي انا  هي رااضية تكون فرحانة
   رتاافع شي شوية لمستواها و حتى هي قرباات ليه  كثر و التاااحماات شفاااههم تعلن عن بدااية جديدة وولادة جديدة لنجمة تحولات لبشرية و لبشري سقط فبحر حب النجمة ، تعالات تصفيقات الساكنة  على هااد قصة الحب الأسطوري لي كيشهدو عليها و تكتب فكتااب التاريخ قصة نهايتها  حرب لراضية و راضية لحرب ❤❤ اااااااااااااالنهاااااااااااااااااااية  وااا متهربوش متهربوش كيجااتكم القصة الخياالية ؟؟ نتضروني فالجديد كيف العادة