ယုံးဘို့ဂီးငယ်ငယ်က ညစ်ညစ်ပတ်ပတ်ဆော့ရတာကြိုက်သည် ။
ရွှံ့တွေကို ပယ်ပယ်နယ်နယ်ကိုင်ပြီး ညစ်ပတ်အောင် ဆော့တာတို့... ၊ သဲတွေနဲ့ တိုက်ဆောက်ရတာတို့ ၊ မိုးရာသီမှာ ရွှံ့အိုင် ဗွက်အိုင်တွေကို ကျော်သွားဖို့ထက် Appa ၀တ်ပေးထားတဲ့ ကြက်ပေါင်ဖိနပ်လေးနဲ့ ဖြန်းခနဲ နင်းဖြတ်ဆော့ရတာတို့ ကြိုက်သည် ။ ရေအိုင်သေးသေးလေးတွေထဲက ငါးလေးတွေကိုလဲ သေသေချာချာ ပြူးပြဲ ကြည့်ရတာလဲ ကြိုက်သေးသည် အိမ်မှာ Appa က ငါးကန်လေး လုပ်ပေးထားပေမယ့်ပေါ့....
အစကတော့ Appa ကပါ ယုံးဘို့နဲ့အတူ လိုက်ဆော့ပေးပေမယ့် ယုံးဘို့ရဲ့ အဆော့စကေးက ထင်ထားတာထက် ပိုဆိုးလာတော့ အိမ်မှာ Detox Soap နဲ့ ဂျီးတွန်း Brush နဲ့သာ ဂျီးခွာဖို့ စောင့်နေနိုင်တော့သည် ။ Appa က မဲတူးနေတဲ့ သူ့ကို သေချာတိုက်ချွတ်ပေးပြီးတိုင်း ခေါ်တတ်တာ ဘတ်တီးရီးယားလုံးလေးတဲ့...
ယုံးဘို့ကတော့ Appa ဘယ်လိုလေးခေါ်ခေါ်ကြိုက်တယ် ။ ဘတ်တီးရီးယားလုံးလေးလို့ အခေါ်ခံရတိုင်း ဟီးခနဲရယ်ပြတဲ့ သူ့ရဲ့ ပါးလေးကို Appa က အမြဲဆွဲဖဲ့လေ့ရှိတယ် ။ သူပါ ရယ်ရင်းနဲ့ပေါ့ .... ။ ရေသုတ်ပြီး Lotion လေးပါ လိမ်းပေးပြီးရင်တော့ သူ့ပါးဖောင်းဖောင်းတွေကို Appa က နမ်းတော့တာပဲ ။
ဒါပေမယ့် ကလေးဆိုတာ ဖွံ့ဖြိုးသင့်တဲ့ အစိတ်အပိုင်းတွေ ဖွံ့ဖြိုးအောင် ဆော့ ကစား တဲ့ အချိန် သက်သက်ရှိရမယ်ဆိုပြီး အမြဲပြောတတ်တဲ့ Appa က ယုံးဘို့ကို မတားသလို ဆူလဲမဆူပါ ။ ယုံးဘို့ဂီးက တစ်ဦးတည်းသော သားလေးမို့ အဖော်မင်ပြီး အဆော့သန်တာကို သိနေနှင့်တယ်လေ...
အဲ...တစ်နေ့တော့ ယုံးဘို့ကို ဆူမယ့် မင်းသားလေးနဲ့ တွေ့ခဲ့တယ် ။
အဲ့ဒီ့နေ့က မိုးတွေသိပ်ရွာနေခဲ့တာပေါ့ ။ Appa က သူ့ကို အ၀ါရောင်မိုးကာလေးထည့်ပေး ၊ လည်တိုင်ရှည် ကြက်ပေါင်ဖိနပ်ရဲရဲလေးကို စီးပေးပြီး မနက်ပိုင်းမှာ သူကိုယ်တိုင် ကျောင်းလိုက်ပို့သည် ။ ဆရာ၀န်ကြီး Appa က သိပ်အလုပ်များတာမို့ ယုံးဘို့ကို ညနေပိုင်းလာမကြိုနိုင်တာများပေမယ့် မိုးတွေပိုသည်းလာရင်တော့ သူလာကြိုပါ့မယ်ဆိုပြီး ကတိပေးရင်း ဘဲပေါက်အရုပ်လေးတွေပါတဲ့ ထီးသေးသေးလေးပါပေးသေးတယ် ။
YOU ARE READING
Friend Zone Recipe : Page No.2015
Fanfic" Midnight Lullaby Radio Channel ကို ပေးပို့ထားတဲ့ စိတ်၀င်စားစရာ ဇာတ်လမ်းတိုလေးတွေကို ဖတ်ပြပေးမှာပဲဖြစ်ပါတယ်... ပရိတ်သတ်များ နားသောတ ဆင်ပေးကြပါအုန်းခင်ဗျာ...။ ဒီစာမူလေးကို ပေးပို့လာတဲ့သူကတော့ လိပ်စာကို သေချာမရေးထားပဲ ပေးပို့သူအမည်မှာ " Brownie စားချ...
